ꞌLuuka 1:6 - ꞌBuuk cĩ Thõõth cĩ Nyekuci

⁶ Nẽ baa ĩĩn ꞌThakaria hĩ Eliꞌthẽbẽta eet ꞌcĩg abũnnaa gẽrrẽẽt muumaa cĩ Nyekuci, baa aꞌthũũnnĩ nẽẽg tilooinit hĩ nyattalliook cĩg Makayyiooktak jurrung.

ꞌLuuka 1:6 ပူးပေါင်းရင်းမြစ်များ

ꞌThianaattõ 17:1

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

ꞌThianaattõ 6:9

Nẽ thõõth cĩ Nõõa cieeni: Baa ĩĩn Nõõa eet umwa ꞌcĩ ammĩnan Nyekuci gẽrrẽẽt, hĩnĩngĩtĩ baa ĩĩn nẽẽ eet ꞌcĩ abũnnaa eetini vẽlẽk. Baa aga Nõõa ngaatĩ aayyi Nyekuci hĩ ĩnõõnnõ hõdõõkõthĩ waathinnioohĩĩ cĩg rũgẽt cĩnnĩ vẽlẽk.

ꞌThianaattõ 7:1

Ma ho, uduhaak Makayyioohiti Nõõa ĩĩnnĩk, “Nganiit dioo ꞌcĩ hammũdaannii loota nĩnga vẽlẽk ngaatĩ ĩĩnnĩ eet ꞌcĩ abũnnaa. Uduhunit haahũlatõõ hĩ õlõ cunni vẽlẽk.

ꞌLuuka 1:7

Nẽẽthĩ, ammũdeek hinnia baa aitiõõ Eliꞌthẽbẽta lohollia tõõ nẽ tarĩ, baa atahaanyito nẽẽg ꞌrammaattĩg buúk.

ꞌLuuka 16:15

Nĩngĩtĩ annẽẽkĩ Yeesu ĩhõõggõ, “Gõõng ꞌthẽk ngagiit ꞌcĩg athĩngõnyannu ainnu abũnnayyu hẽbẽrẽẽnnĩĩ cĩg eet vẽlẽk. Nẽẽthĩ, aga Nyekuci ꞌthinneeti cugguung. ꞌGii ꞌcĩ tiiri hĩ eeta, ĩĩn ꞌgii ꞌcĩ abathĩ hĩ Nyekuc.”

ꞌLuuka 2:25

Baa ammũdeek aaĩ ẽẽtĩ umwaa ꞌcĩ haĩ ꞌThimiõõnẽ ꞌJeruꞌthalẽma, ꞌcĩ baa itieelli Nyekuc nẽ ala ĩnõõnnõ gẽrrẽẽt ũdũt. Baa ẽrẽ nẽẽ Ellioohit hikia hẽẽla eet cĩg Ĩꞌthĩraẽlĩ, nẽ baa aaĩ Lorii ꞌcĩ Ẽllẽẽmĩth hĩ ĩnõõnnõ.

Dtiicanĩ cĩg ꞌThooyyiahu 2:25

Aduha habuui Daavide thõõth ꞌcĩ Yeesu aĩ, “ ‘Hacini naa Makayyioohit hõdõõkõthĩ muumaa caannĩ. Hĩnĩngĩtĩ aaĩ nẽẽ attiaa caannĩ ĩcobbi, nẽ aitiõõ hatĩ ꞌgii ꞌcĩ hiteelli tõõ.

Dtiicanĩ cĩg ꞌThooyyiahu 23:1

Baa nẽẽ akatĩ Paaulo makayyiook cĩg lokihooak hẽbẽrĩ nẽ ĩĩ, “ꞌGotoonoga hĩ ngoonoga, kõr icci hadticanoothihi naa Nyekuc thõõthaa ꞌcĩ tẽllĩ.”

Dtiicanĩ cĩg ꞌThooyyiahu 24:16

Nẽ harrĩcanaa hõdõõkõthĩ ngaatĩ haꞌnyahĩ ꞌthĩnĩt ꞌcĩ tẽllĩ muumaa cĩ Nyekuci hĩ muumtinii cĩg eetuk.

Dtiicanĩ cĩg ꞌThooyyiahu 8:21

Occa hõllõngaa hõthõl naag hĩ nganiit dtiic icci, hĩnĩngĩtĩ hõllõngaa aũlan ꞌthĩnĩt cunni muumaa cĩ Nyekuci.

ꞌRooma 8:4

Baa adĩman Nyekuci hoti, hátĩ hĩdĩmanit thõõth ꞌcĩ adiimmeet nyattalĩ hidticanit ꞌgõõlaa ꞌcĩ hathĩknĩ Lori ꞌcĩ Ẽllẽẽmĩthĩ, hĩllõõan ngaatĩ hathĩknĩ thooꞌthiok ꞌcĩg habũraneek naaga.

1 Korinthia 11:2

Hirriani naa hĩnĩngĩtĩ ngagiita, hĩnĩngĩtĩ ammuhaannaangu niig nganĩĩt hõdõõkõthĩ nẽ uꞌthuuttu ꞌlimman baa hallimaneekuung naana.

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

Pilippi 2:15

hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Kolooꞌthe 1:22

Nẽ ꞌyioko, ikia aganĩthuung nẽẽ ngagiit, hátĩ agayyio hĩ ĩnõõnnõ daahĩthaa cĩ Krĩstõ. Nẽ hĩnĩngĩtĩ thõõth icci, aꞌnyahaauung nẽẽ ngagiit muumaa cĩnnĩ nẽ iittu eet ꞌcĩg ẽllẽẽmĩth cĩg Nyekuci ꞌcĩg ammĩrĩ ꞌcĩg abillu muumaa cĩnnĩ hiꞌthihi ꞌthẽccan umwa.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

1 Yõaannẽ 2:29

Hĩcĩ haga naag haĩ, adĩman Krĩstõ thõõth ꞌcĩ aũlanĩ, haga naag buúk haĩ ĩĩn eeta vẽlẽk ꞌcĩg adĩman thõõth ꞌcĩ aũlan, lõhõlĩ cĩg Nyekuci.

1 Yõaannẽ 2:3

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

1 Yõaannẽ 3:7

Niig lohollia, ma haaꞌnyiku eet umwa higgooluung thõõthaa cĩ. Ma adĩman eeta thõõth ꞌcĩ aũlanĩ, ẽtẽrꞌtha thõõth tĩho aĩ, ĩĩn nẽẽg eet ꞌcĩg abũnnaa, hĩcĩ abũnnaa Krĩstõ.