ꞌLuuka 1:49 - ꞌBuuk cĩ Thõõth cĩ Nyekuci

⁴⁹ Hĩnĩngĩtĩ ĩdĩmaneeha Nyekuci ꞌTirriannioohiti thooꞌthiok ꞌcĩg tiirik gẽrrẽẽt. Ẽllẽẽmĩth ꞌthaara cĩgĩnnẽẽgĩ.

ꞌLuuka 1:49 ပူးပေါင်းရင်းမြစ်များ

ꞌThianaattõ 17:1

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

Luugithõõ 15:11

Nganĩ umwaa nyekuꞌnyaannĩ, ꞌcĩ occa aduhoonnu hĩ nganiit Makayyioohit? Nganĩ ꞌcĩ aaĩ hĩ nii, attirani nii bulẽẽtta hĩ ꞌlẽẽmĩtha, ĩllõõani nii bulẽẽtta nẽ ĩdĩmanuu thooꞌthiok ꞌcĩg ĩnaat eeta.

Maarko 5:13

Ma ho, ẽlẽmaahĩ Yeesu ĩhõõggõ hõõt, nĩngĩtĩ aduknaanĩ loriẽẽta ꞌcĩg abathĩ ho eeta nĩĩcĩ nẽ õõt uduhunit eleeti cĩg ꞌngõõhĩꞌnyannu. Ma nĩngaata noho, iita õꞌngõnytõõĩ ꞌngõõhĩꞌnya ꞌcĩg ĩĩn aalibꞌnya ꞌramma vẽlẽk ꞌthilo nẽ uumurrioothĩk bũlũcatõõ noho paappuu hutududdi hĩĩ lõõcĩ ꞌthĩĩ.

ꞌLuuka 1:48

Hĩnĩngĩtĩ aꞌthũũnna nẽẽ nganĩĩt dticciannioohit cĩnnĩ ꞌcĩ tarbalĩ. Utuvvuyyiaa hatĩ gõõng eeta irkiꞌnyiaannĩ ĩĩttĩhaa, ngaa ꞌcĩ aggatan Nyekuci.

ꞌLuuka 1:50

Ammaannĩk nẽẽ eet ꞌcĩg iꞌngolli ĩnõõnnõ irkiꞌnyia hĩ irkiꞌnyia.

Eevvetho 3:20

Nẽ ꞌyioko, aꞌnyĩĩk bulẽẽnĩt vẽlẽk haau hĩ Nyekuc. Ĩnõõnnõ ꞌcĩ ũũlũ ngaatĩ occa adticanĩ thooꞌthiok ꞌcĩg ĩllõõan ngaatĩ occa hajini ĩnõõnnõ hode hammuhi, ꞌtirrianaa ꞌcĩ adticaniini nẽẽ eleetinii cĩggaac.

Terethiinit 15:4

Makayyioohit, nganĩ occa ꞌcĩ hõllõngaa iꞌngoliinni nganiit nẽ ubuluth ꞌthaar cugunnig? Hĩnĩngĩtĩ nganiit dioo ꞌcĩ elleemi. Au hatĩ eeta cĩg loonyin vẽlẽk alayyi nganiita, hĩnĩngĩtĩ ẽdẽẽnyta dtiicanĩ cugunnig ꞌcĩg ẽllẽẽmĩth ko ẽlẽk.”

Terethiinit 4:8

Nẽ aꞌnyak hẽlẽggĩ ꞌcĩg arũgĩ ĩĩn ꞌwec ko vẽlẽk, havvuuto tõrkõnõn. Havvuutõnĩĩ nĩĩcĩg, aꞌnyak hẽbẽrĩ ĩĩttõõ hĩ battaala vẽlẽk nẽ aalla ebenni hẽlẽggĩ niccieeg arũgĩ ho, baalin hĩ waathĩn aĩ, “Ẽllẽẽmĩth, ẽllẽẽmĩth, ẽllẽẽmĩth, Makayyioohiti Nyekuci ꞌTirriannioohiti ꞌcĩ ĩllõõan vẽlẽk, baa aaĩ ĩĩcĩ oou nẽ aaĩ ꞌyioko nẽ õbõda hatĩ tarĩ.”