ꞌLuuka 1:41 - ꞌBuuk cĩ Thõõth cĩ Nyekuci

⁴¹ Ma baa athĩhĩ Eliꞌthẽbẽta ꞌThaainit cĩ Maria ho, ĩꞌngõth loholeec hẽẽngatõõ cĩnnĩ nẽ ikia Lorii ꞌcĩ Ẽllẽẽmĩth ꞌthĩnĩtaa cĩnnĩ.

ꞌLuuka 1:41 ပူးပေါင်းရင်းမြစ်များ

ꞌThianaattõ 25:22

Ma baa nga hutuhuyyiaa Rẽbẽka, baa aga nẽẽ ngaatĩ aꞌnyahĩ hũũhũꞌnya, hĩnĩngĩtĩ baa athĩknoothi nẽẽ ngaatĩ ĩddaaõnĩ hũũhũꞌnya niccieeg hẽẽngatõõ. Nĩngĩtĩ ammuhi Rẽbẽka aĩnnĩ, “Inni occa gõõng hikiaaha thõõth ꞌcĩ aaĩ hoti ho?” Ma nĩngaata, ũũk ala nẽẽ Makayyioohit, hĩnĩngĩtĩ thõõth icci.

ꞌLuuka 1:15

Hĩnĩngĩtĩ ĩĩn hatĩ nẽẽ eet ꞌcĩ tiiri gẽrrẽẽt hẽbẽrẽẽnnĩĩ cĩg Nyekuc Makayyioohit. Ma haaꞌnyiku hũhũd mẽrtĩ hode viino. Ĩĩn hatĩ nẽẽ eet ꞌcĩ aaĩ Lorii ꞌcĩ Ẽllẽẽmĩth hĩ ĩnõõnnõ nganĩngĩtĩ hatĩ arrittiaanĩ.

ꞌLuuka 1:40

nĩngĩtĩ õkõ adukni halang cĩ ꞌThakaria nẽ ũũk ĩꞌtha Eliꞌthẽbẽta.

ꞌLuuka 1:42

Ma nĩngaata, othoothĩk Eliꞌthẽbẽta Maria moloohaa cobbi taliitta ĩĩnnĩk, “Aggatanii nganiit Nyekuci hõrggẽẽnaa cĩ ngaainu vẽlẽk nẽ aggatanĩ loholeec ꞌcĩ hatĩ ũũkca nii ho buúk!

ꞌLuuka 1:44

Aa ma hathihi ꞌthaainit cunni ho, ĩꞌngõth nganĩĩt loholeec hẽẽngatõõ taliitta.

ꞌLuuka 1:67

Ma ho, aaꞌnyĩk Lorii ꞌcĩ Ẽllẽẽmĩth ꞌThakaria maaꞌnyĩ loholeeco hẽddẽẽbak eet thõõth cĩ Nyekuci ꞌcĩ hatĩ aku edeeꞌnyia horumwa. Baa nẽ õthõõth nẽẽ ĩĩ,

ꞌLuuka 4:1

Ma baa õbõda Yeesu ĩĩcĩ hidioo cĩ ꞌJõrdanĩ, baa aaĩ Lorii ꞌcĩ Ẽllẽẽmĩth hĩ ĩnõõnnõ, nĩngĩtĩ õkõõĩ Lorii ꞌcĩ Ẽllẽẽmĩth ko ĩnõõnnõ ĩĩcĩ horu ꞌcĩ õdõhõhĩĩ kak.

Dtiicanĩ cĩg ꞌThooyyiahu 2:4

Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.

Dtiicanĩ cĩg ꞌThooyyiahu 4:8

Baa ammũdeek aaĩ Lorii ꞌcĩ Ẽllẽẽmĩth hĩ Pẽẽtũrũ, nĩngĩtĩ aduhaakĩ nẽẽ ĩhõõggõ annẽẽkĩ, “Niig makayyiooha hĩ eet ꞌcĩg obbitig cĩg eetuk!

Dtiicanĩ cĩg ꞌThooyyiahu 6:3

ꞌGotoonoga hĩ ngoonoga, eberria eet tũkĩramma hõrggẽẽnaa cunuung ꞌcĩg iꞌngolli eeta nẽ agayyi ngaatĩ aꞌnyahĩ ꞌgẽẽnyĩth hĩ ngaatĩ aayyi Lorii cĩ Nyekuci hĩ ĩhõõggõ. Haaꞌnyĩk hatĩ ĩhõõggõ haggamit dtiic icci.

Dtiicanĩ cĩg ꞌThooyyiahu 7:55

Nẽẽthĩ hinnia, baa aaĩ Lorii ꞌcĩ Ẽllẽẽmĩth hĩ Tẽẽvẽnõ, nĩngĩtĩ acĩnõõꞌthĩ hẽẽtkujjieen hudtuuha bulẽẽnĩt cĩ Nyekuci nẽ ĩcĩnõõthĩ Yeesu ngaatĩ abĩllĩ attiaa cobbi ĩĩcĩ Nyekuci.

Dtiicanĩ cĩg ꞌThooyyiahu 9:17

Nĩngĩtĩ õkõ adukni Anania õlõ tĩho. Ma nĩngaata, ataadĩk athĩn cĩgĩnnĩg hĩ ꞌThaaulo nẽ ĩĩ, “ꞌGõtõna ꞌThaaulo, Makayyioohit Yeesu baa uppwannakii nganiit ꞌgõõlaa ꞌcĩ akuuni ngaati ho, ꞌcĩ ĩꞌthõõannaa nganĩĩt, hátĩ cĩnĩ nii tarĩ nẽ ũmmũda Lori ꞌcĩ Ẽllẽẽmĩthĩ.”

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.

Terethiinit 1:10

Ma baa kõr ꞌcĩ halaiinna naag lemmiooha, ikia aggama Lorii ꞌcĩ Ẽllẽẽmĩth nganĩĩt nẽ hĩthĩha molook cobbi ꞌcĩ ẽggẽrẽny ĩĩcĩ bahuc caannĩ haau hĩ mõlõõhĩ cĩ tũũrĩõ.