ꞌLuuka 1:35 - ꞌBuuk cĩ Thõõth cĩ Nyekuci

³⁵ Ẽdẽcĩ aajĩlõ ĩnõõnnõ anneek, “Alluucciakii hatĩ Lorii ꞌcĩ Ẽllẽẽmĩth nganiit nẽ ummuti ꞌtirriani cĩ Nyekuc ꞌcĩ ĩllõõan vẽlẽk. Ma urutaa cĩnnĩ, ũũkcaa hatĩ loholeec ꞌcĩ ẽllẽẽmĩth ꞌcĩ hatĩ haĩ Ngeertĩ Nyekuci.

ꞌLuuka 1:35 ပူးပေါင်းရင်းမြစ်များ

Maatteeo 1:18

ꞌGõõl ꞌcĩ baa arrittiaanĩ Yeesu Krĩstõ cieeni: Baa aaĩ bũhẽẽcĩ umwaa ꞌcĩ haĩ Maria ꞌcĩ ẽlẽmmõõ hĩ eet ꞌcĩ haĩ Yothebo cĩ hattũũg cĩ habu Daavide. Ma baa nga hũrũmtĩ hõdẽĩ, ikia ummuddia thõõth ꞌcĩ aĩ, aꞌnyak Maria loholeec ꞌcĩ arrittiaa Loriiaa ꞌcĩ Ẽllẽẽmĩthĩ.

Maatteeo 1:20

Ma baa nga ammuk nẽẽ thõõth icci, ikia uduhaak ĩnõõnnõ aajĩlõ cĩ Makayyiookto honoothittatõõ ĩĩnnĩk, “Ẽlẽ Yothebo ngeertĩ Daavide, ma hiteelli ngaatĩ aꞌthũwanĩĩ Maria hĩĩ ngaa cunni, hĩnĩngĩtĩ ĩĩn loholeec cĩ aꞌnyak Maria ho, loholeec ꞌcĩ aku hĩ Lori ꞌcĩ Ẽllẽẽmĩthĩ.

Maatteeo 14:33

nĩngĩtĩ au alaĩ nuyyiooha ꞌcĩg baag aattĩg haahũlatõõ Yeesu annẽẽkĩ, “Ĩĩnĩ nii Ngeertĩ Nyekuci dĩdĩ!”

Maatteeo 27:54

Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”

Maatteeo 4:3

Nĩngĩtĩ aku attĩmanĩ ꞌThĩttaanĩ ĩnõõnnõ annẽẽkĩ, “Má ĩĩnĩ nii Ngeertĩ Nyekuci dĩdĩ, duhaak biyyiẽẽn iccig hutuhuyyi hĩĩtõ ũbũnẽẽta.”

Maarko 1:1

Ĩĩn ciee ꞌthianaanĩt cĩ nyeemuut ꞌcĩ abũnnaa cĩ Ngeertĩ Nyekuci Yeesu Krĩstõ.

Maarko 1:24

“Adiimi nii hĩ ngagĩĩt neegi Yeesu cĩ Naaꞌtharẽtĩ? Akuu nii, hátĩ ijjia ꞌruheet ngagĩĩta? Hagayyi naag nganiit ĩĩnĩ Eet ꞌcĩ Ẽllẽẽmĩth cĩ Nyekuci!”

ꞌLuuka 1:27

hũũk hũmmũdoothĩk bũhẽẽc ꞌcĩ nga hatagguutho hĩ eet umwa ũdũt ꞌcĩ haĩ Maria. Baa anũõõ Maria hĩ nyahaappan ꞌcĩ haĩ Yothebo cĩ hattũũg cĩ Daavide.

ꞌLuuka 1:34

Ma ho, ijin Maria aajĩlõ ĩĩnnĩk, “Haꞌnyaki occa hatĩ hutuno? Nga hatagguuꞌtha hĩ eet nganĩngĩtĩ harittiaanĩ.”

ꞌLuuka 1:36

Aꞌnyahõ ꞌyioko ittioonniohit cunuung Eliꞌthẽbẽta aagõõng arannĩ eeta anneek cõhõlaac. Ĩĩtõ ꞌyioko nyĩlõhĩ ꞌcĩg aꞌnyahiini nẽẽ tõrkõnõn. Tananga atahaany nẽẽ gẽrrẽẽt, õkõ hatĩ aꞌnyak nẽẽ buúk loholeec.

Yõaannẽ 1:34

Hĩcĩna ĩnõõnnõ dĩdĩ nẽ hagawa ngaatĩ ĩĩnnĩ nẽẽ Ngeertĩ Nyekuci.”

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Dtiicanĩ cĩg ꞌThooyyiahu 8:36

Ma baa nga ẽdẽcĩ nẽẽg ꞌgõõla, iita ummuddiaak nĩngĩtĩ õllõõdĩkĩ maama nẽ ĩĩ ꞌgaalacĩ, “Cĩĩn nõõ, maam ũgĩ cieegi. Ĩcca occa hõllõngaa haggami baattithimo?”

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!