ꞌLuuka 1:32 - ꞌBuuk cĩ Thõõth cĩ Nyekuci

³² Aku hatĩ ĩĩn nẽẽ eet cobbi gẽrrẽẽt ꞌcĩ hatĩ haĩ, Ngeertĩ Nyekuc ꞌcĩ ĩllõõan vẽlẽk. Aaꞌnyĩk hatĩ Makayyioohiti Nyekuci ĩnõõnnõ hĩĩ habu, hĩ baa maaꞌnyia Daavide.

ꞌLuuka 1:32 ပူးပေါင်းရင်းမြစ်များ

Maatteeo 1:1

Baa arrittiaa Yeesu Krĩstõ halaangatõõ cĩ habu Daavide hĩ halaangatõõ cĩ Abũrahamĩ. Nẽ ꞌthaarriok cĩg hĩbaangĩ cĩgĩnnĩg cieegi.

Maatteeo 12:42

Abĩlĩ hatĩ ngaa ꞌcĩ ĩĩn habu cĩ looc cĩ hujjieen, hõrggẽẽnaa cunuung nẽ etteeddihuung ngagiit thõõth. Baa aku nẽẽ ꞌrẽẽna gẽrrẽẽt, hikia hĩthĩk ꞌgẽẽnyĩth cĩ ꞌThõlõmõõnẽ. Nẽẽthĩ ꞌyioko, aau eet umwaa ꞌcĩ ĩllõõan ꞌThõlõmõõnẽ ngaati.

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maarko 14:61

Baa hõllõngaa ẽdẽcĩ Yeesu thõõth icci ũdũt. Õbõdẽẽkĩ paadĩrĩ cobbi ajin ĩnõõnnõ tarĩ anneek, “Ĩĩnĩ nii Krĩstõ Ngeertĩ Eet ꞌcĩ Abuli?”

Maarko 5:7

nẽ okoleek ulwa ĩĩ, “Yeesu Ngeertĩ Nyekuc ꞌcĩ aaĩ hẽẽtahujjieen, atabi nii hĩ nganĩĩt neegi? Halayyi ꞌthĩnĩta ꞌthaarĩĩ cĩg Nyekuc ꞌcĩ ĩllõõan vẽlẽk, ma huukaanĩ!”

ꞌLuuka 1:15

Hĩnĩngĩtĩ ĩĩn hatĩ nẽẽ eet ꞌcĩ tiiri gẽrrẽẽt hẽbẽrẽẽnnĩĩ cĩg Nyekuc Makayyioohit. Ma haaꞌnyiku hũhũd mẽrtĩ hode viino. Ĩĩn hatĩ nẽẽ eet ꞌcĩ aaĩ Lorii ꞌcĩ Ẽllẽẽmĩth hĩ ĩnõõnnõ nganĩngĩtĩ hatĩ arrittiaanĩ.

ꞌLuuka 1:35

Ẽdẽcĩ aajĩlõ ĩnõõnnõ anneek, “Alluucciakii hatĩ Lorii ꞌcĩ Ẽllẽẽmĩth nganiit nẽ ummuti ꞌtirriani cĩ Nyekuc ꞌcĩ ĩllõõan vẽlẽk. Ma urutaa cĩnnĩ, ũũkcaa hatĩ loholeec ꞌcĩ ẽllẽẽmĩth ꞌcĩ hatĩ haĩ Ngeertĩ Nyekuci.

ꞌLuuka 1:76

Nẽẽthĩ, niina loholeec caannĩ ho, auyyi hatĩ eeta anneeki põrõvẽtaac cĩ Nyekuc ꞌcĩ ĩllõõan vẽlẽk, hĩnĩngĩtĩ uwwattẽẽkĩ hatĩ nii Makayyioohit õkõ akũmanẽẽkĩ ĩnõõnnõ ꞌgõõla.

ꞌLuuka 3:16

Nĩngĩtĩ ẽdẽcĩ Yõaannẽ ĩhõõggõ vẽlẽk annẽẽkĩ, “Habattithannuung naa ngagiit maamĩ haaga, nẽẽthĩ, aaĩ hatĩ eet umwaa cobbi ꞌcĩ aku hĩdĩĩkoothong ꞌcĩ ĩllõõannaa nganĩĩta, eet ꞌcĩ hõllõngaa hũũlũ naa ngaatĩ hõõganĩ lõhamũcĩ cĩg caawa cĩgĩnnĩg. Aku hatĩ aggameekuung nẽẽ baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Yõaannẽ 12:34

Nĩngĩtĩ õthõõthĩ lothippiti aĩnnĩ, “Baa hathĩkna naag aĩ nyattalĩ, aalla hatĩ Krĩstõ ũdũt. Nẽ inni ĩĩ nii odoꞌngi hatĩ Ngeertĩ Eeto hẽẽtahujjieen ko? Nganĩ ꞌcĩ ĩĩn Ngeertĩ Eeto ho?”

Yõaannẽ 6:69

Helemmi naag nganiit nẽ hagayyia ngaatĩ ĩĩnnĩ nii Loholeec ꞌcĩ Odoyyii ꞌcĩ Elleemi cĩ Nyekuci.”

Dtiicanĩ cĩg ꞌThooyyiahu 16:17

Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.”

Dtiicanĩ cĩg ꞌThooyyiahu 2:30

Nẽẽthĩ, baa ĩĩn Daavide põrõvẽtaac nẽ aga ngaatĩ aduhaakĩ Nyekuci ĩnõõnnõ ngaatĩ hatĩ aarĩkĩ loholeec umwa cĩ hattũũg cĩnnĩ, hikia haavvi dtaaba cĩnnĩ hĩĩ habu.

Dtiicanĩ cĩg ꞌThooyyiahu 2:36

“Nẽẽthĩ, aanytĩk hagaacõ eeta cĩg Ĩꞌthĩraẽlĩ vẽlẽk ngaatĩ aaꞌnyĩkĩ Nyekuci Yeesu baa odooddiku niig hurucceea, hĩĩ Makayyioohit nẽ ĩĩ Krĩstõ.”

Dtiicanĩ cĩg ꞌThooyyiahu 7:48

“ꞌGõõlaa umwaanĩ, aitiõõ Nyekuci ꞌcĩ ĩllõõan vẽlẽk, hõllõngaa õlõman ꞌcieethinii ꞌcĩg ẽhẽnyĩt eeta. Hĩ baa aduha põrõvẽtaacĩ aĩ,

ꞌRooma 1:4

Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.