ꞌLuuka 1:20 - ꞌBuuk cĩ Thõõth cĩ Nyekuci

²⁰ Nẽ hĩ ꞌyioko hõllõngaa elemi nii thõõth ꞌcĩ haduhaakii naa ho, iittiõõ hatĩ nii hõllõngaa othoothi ĩꞌthõng kõr ꞌcĩ hatĩ arrittiaanĩ loholeec ꞌcĩ haduha naa ho.”

ꞌLuuka 1:20 ပူးပေါင်းရင်းမြစ်များ

Luugithõõ 4:11

Nĩngĩtĩ annẽẽkĩ Makayyioohiti ĩnõõnnõ, “Ẽlẽ, nganĩ nooyyia baa ꞌcĩ aaꞌnyĩk eet ũtũg ko? Nganĩ ꞌcĩ aaꞌnyĩk ĩnõõnnõ hidiitti ĩĩna, hode hĩjjaahõ hiittiõõ hõllõngaa õthõõth ko? Nganĩ ꞌcĩ aaꞌnyĩk eet hĩcĩnĩ hode hĩĩ ruben ko? Hõllõngaa nooyyia nganĩĩt Makayyioohit ꞌcĩ haaꞌnyihi ho?

Maarko 16:14

Ma urutaa cĩnnĩ vẽlẽk, ikia uppwaannak Yeesu nuyyiook ꞌcĩg ĩĩn õmmõtõ hĩ hõdẽĩ baa nga aduhi. Baa eggerꞌnyeek Yeesu ĩhõõggõ, hĩnĩngĩtĩ aitiõõ hõllõngaa aꞌnyak lemiinit. Hĩnĩngĩtĩ baa õkõmĩ nuyyiook ꞌthinneeti ngaatĩ ẽlẽmmĩ thõõth cĩ eet baag ĩcĩnĩt Yeesu, baa ũrũga nẽẽ daahĩtha.

Maarko 9:19

Ma nĩngaata, uduhaak Yeesu lothippit ĩĩnnĩk, “Niig eeta ꞌcĩg aitioonnuung lemiiniti tõõ ho, ĩꞌthõng ꞌthẽk hatĩ ningina ꞌcĩ occa harũmẽẽnĩ naag hĩ ngagiit? Nẽ ĩꞌthõng hatĩ ningina ꞌcĩ occa hemeeꞌthuung naa ngagiit? Aꞌnyaktahaangu nganĩĩt buulenit ngaati!”

ꞌLuuka 1:19

Ma ho, ẽdẽc aajĩlõ nicciee ĩnõõnnõ ĩĩnnĩk, “Haĩnna nganĩĩt ꞌGaburẽẽlẽ, dticciannioohit cĩ Nyekuci. Hĩꞌthooyyia naa hikia huduhaahii nganiit nyeemuut ꞌcĩ abũnnaa ho.

ꞌLuuka 1:21

Ma baa nga ẽrẽ eeta ꞌThakaria hõbõda ꞌCieethaa cĩ Nyekuci, baa apuppudii nẽẽg aĩ, inni haawua nẽẽ ĩꞌthõng ko.

ꞌLuuka 1:22

Ma baa adukna nẽẽ battaala ho, aꞌnyaman hinnia ngaatĩ õthõõthĩ, nĩngĩtĩ aku õthõõthĩkĩ eet athĩnĩ haaga hĩ ẽẽtĩ ꞌcĩ adĩĩtĩ ĩĩna. Ma nĩngaata noho, agayyiõõthĩ eeta ngaatĩ ĩcĩnĩ nẽẽ ꞌgiimwa ꞌcĩ aku hĩ Nyekuc ꞌCieethaa cĩ Nyekuci.

ꞌLuuka 1:45

Aggatanni nganiit Makayyioohiti, hĩnĩngĩtĩ elemi nii thõõth ꞌcĩ hatĩ adticanneeki nẽẽ nganiit ko!”

ꞌLuuka 1:64

Ma ꞌthẽk nĩngaata noho, iꞌthianaaĩ ꞌThakaria õthõõth lõꞌngõõc, nĩngĩtĩ adĩkꞌthĩ Nyekuc.

ꞌRooma 3:3

Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?

2 Timotteeo 2:13

Má hĩccaad naag lemiinit cĩnaac, aalla nẽẽ elemmeet Yeesu ngagĩĩt ũdũt noho, hĩnĩngĩtĩ hõllõngaa occa ĩggõõl nẽẽ ẽlẽ cĩnnĩ.”

Tiito 1:2

ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

Terethiinit 3:19

“Hilooti naa eet ꞌcĩg hammĩnani, nẽẽthĩ ꞌyioko, ũtũngteek ꞌthẽccanẽẽt cugguung.