ꞌLuuka 1:2 - ꞌBuuk cĩ Thõõth cĩ Nyekuci

² Ĩĩn thooꞌthioha baag ẽhẽẽd nẽẽg ko, nyeemuꞌnya baag aduhaakeet ngagĩĩt eeta baag ĩcĩnĩt hẽbẽrẽẽnnĩĩ cĩggĩĩng dẽẽdẽ.

ꞌLuuka 1:2 ပူးပေါင်းရင်းမြစ်များ

Maarko 1:1

Ĩĩn ciee ꞌthianaanĩt cĩ nyeemuut ꞌcĩ abũnnaa cĩ Ngeertĩ Nyekuci Yeesu Krĩstõ.

Maarko 16:20

Nĩngĩtĩ õõĩ nuyyiooha cĩgĩnnĩg allimanĩ thõõth cĩ Nyekuci loonyini vẽlẽk nẽ baa adticanni Makayyioohiti hõdẽĩ hĩ ĩhõõggõ nẽ aaꞌnyĩk ꞌlimman cĩnnĩ ho, hĩĩ dĩdĩ thooꞌthiohĩĩ ꞌcĩg ĩnaat eeta ĩcĩg baag adtican nuyyiooha.

Maarko 4:14

Athacĩ kattioohiti nyeemuut ꞌcĩ ĩĩn thõõth cĩ Nyekuci.

ꞌLuuka 24:48

Iiginnu niig hẽbẽrĩ ꞌcĩg agayyu thooꞌthiok iccig vẽlẽk.

Yõaannẽ 15:27

Adiim aduhaaku niig buúk eet thõõth caannĩ, hĩnĩngĩtĩ baa hũrũmtĩ naag hĩ ngagiit baa ĩĩcĩ oou.

Yõaannẽ 16:4

Haduhaakuung ꞌyioko naa ngagiit thõõth icci, hátĩ ma ikia kõrra niccia, ammuhooꞌthu hatĩ thõõth baa hiloottuung naa ngagiita.

Dtiicanĩ cĩg ꞌThooyyiahu 1:3

Ma baa urutaa ꞌcĩ ĩppĩĩraĩ Yeesu ẽlẽk, ikia eteretheek nẽẽ eet ẽlẽ cĩnnĩ thooꞌthiohĩĩ ꞌcĩg arũgnaanĩ nẽẽ daahĩtha. Baa uppwaannak Yeesu ꞌthooyyiak tabattĩ mẽẽlĩg waathinnioohĩĩ baag ĩĩn hẽẽn ꞌwec nẽ othoothito thooꞌthiok cĩg habuccieet cĩ Nyekuci.

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 14:25

ngaatĩ baa õõ allimanĩ eet ꞌtaaũnaa cĩ Pẽrga. Ma nĩngaata, ulluucci õõt ꞌtaaũnaa cĩ Attalia.

Dtiicanĩ cĩg ꞌThooyyiahu 16:6

Baa õvvõ Paaulo hĩ ꞌgõõnõgĩ looc cĩ Virigia hĩ ꞌGalaaꞌthia hũtũrũũr. Nẽẽthĩ, baa hõllõngaa ẽlẽmaakĩ Lorii ꞌcĩ Ẽllẽẽmĩth ĩhõõggõ hillimattõõ looccaa cĩ Aaꞌthia.

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

Dtiicanĩ cĩg ꞌThooyyiahu 26:16

Tĩnga ꞌyioko bĩĩl ꞌjieena. Huppwanakii naa nganiit nẽ hẽbẽraaii ĩĩ dticciannioohit nẽ iinu hebereec cĩ thõõth caannĩ ꞌcĩ acini nii ho, hĩ ꞌgii ꞌcĩ hatĩ heterꞌtheekii naa nganiita.

Dtiicanĩ cĩg ꞌThooyyiahu 4:20

Hĩnĩngĩtĩ hõllõngaa occa hĩjjaahinnia thõõth baa hĩthĩkta nẽ hĩcĩtta.”

Dtiicanĩ cĩg ꞌThooyyiahu 8:4

Õõt illimanit nuyyiooha cĩg Makayyioohit Yeesu, ꞌcĩg baag ĩꞌthaattĩ tahatak, nyeemuut ꞌcĩ abũnnaa ꞌgoolliohĩĩ ꞌcĩg baag õõĩ nẽẽgĩ.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

1 Korinthia 4:1

Nẽẽthĩ, ĩcĩttaangu nganĩĩt hĩ Appoolo hĩ dticcianniooha cĩg Krĩstõ, ꞌcĩg baag aaꞌnyĩhoothĩkeet dtiici ꞌcĩ hẽddẽẽbaka eet thooꞌthiok ꞌcĩg Nyekuci ꞌcĩg ĩllõõan ꞌgẽẽnyĩth cĩ eetu.

Ebereei 2:3

Nẽẽthĩ, má hũtũbũrĩt naag thõõth icci tiiri ꞌcĩ aꞌnyaha Makayyioohiti Yeesu ꞌcĩ occa heellianĩ ho, occa hatĩ halĩĩta naag ukẽẽnĩt nicci hutuno? Makayyioohit Yeesu ꞌcĩ baa aduha ĩĩcĩ oou thõõth ꞌcĩ heellianĩ naag ko, nẽ uduktaaheet eeta baag ĩthĩhĩt ĩnõõnnõ ĩĩttĩheet, ĩĩn thõõth ciee thõõth dĩdĩ.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

2 Pẽẽtũrũ 1:16

Baa hõllõngaa haduhaakuung naag dtẽẽllẽn ꞌcĩg haddangaanna thõng korrioohĩĩ baag haduhaakuung makaaꞌthĩt hĩ bõdaanĩt cĩ Makayyioohit cĩnaac Yeesu Krĩstõ nẽ ngagĩĩt ꞌcĩg hĩĩgĩnna hẽbẽrĩ cĩg makaaꞌthĩt cĩnnĩ ho.