ꞌLuuka 1:15 - ꞌBuuk cĩ Thõõth cĩ Nyekuci

¹⁵ Hĩnĩngĩtĩ ĩĩn hatĩ nẽẽ eet ꞌcĩ tiiri gẽrrẽẽt hẽbẽrẽẽnnĩĩ cĩg Nyekuc Makayyioohit. Ma haaꞌnyiku hũhũd mẽrtĩ hode viino. Ĩĩn hatĩ nẽẽ eet ꞌcĩ aaĩ Lorii ꞌcĩ Ẽllẽẽmĩth hĩ ĩnõõnnõ nganĩngĩtĩ hatĩ arrittiaanĩ.

ꞌLuuka 1:15 ပူးပေါင်းရင်းမြစ်များ

ꞌThianaattõ 12:2

“Hõkõ hatĩ haaꞌnyii naa nganiit lõhõlĩ ꞌcĩg mẽẽlĩg ꞌrĩng ꞌcĩg hatĩ õlõman looc cobbi gẽrrẽẽt. Haggatannii hatĩ naa nganiit nẽ haaꞌnyĩha ꞌthaar cugunnig hubulli, hátĩ haggatattĩ eeta vẽlẽk, hĩnĩngĩtĩ nganiita.

ꞌThianaattõ 48:19

Ma aĩ hõdõnga aꞌthiit cĩ maacõnĩ õõa cĩ Evaraimi nẽ aĩ hataadĩk ĩĩcĩ Manaaꞌthe ho, abũrĩ hinnia maaꞌnyia nẽ ĩĩ, “Haga ꞌthẽk, aku hatĩ ciee buúk maka hattũũgaa cĩ õlõ cĩnnĩ, abuli hatĩ nẽẽ buúk. Nẽẽthĩ ꞌthẽk hatĩ ubuli ciee hidici ho hĩllõõan cobbi ho. Aku hatĩ ĩĩn ꞌcĩ hidici ho maaꞌnyĩ eet cĩg loonyin ꞌcĩg mẽẽlĩg ꞌrĩng.”

ꞌLuuka 1:14

Aaꞌnyi hatĩ ꞌtirriaanĩtĩ cĩnnĩ ꞌcammanoothĩk nẽ ꞌthẽk hatĩ accamattoothĩk eeta ꞌcĩg mẽẽlĩg buúk, hĩnĩngĩtĩ ꞌtirriaanĩt cĩnnĩ.

ꞌLuuka 7:28

Haduhaakuung dĩdĩ, aitiõõ ẽẽtĩ umwaa ꞌcĩ arrita ngaaĩ cĩg irkiꞌnyia iccig ꞌcĩ ĩllõõan Yõaannẽ tõõ. Nẽẽthĩ, ẽẽtĩ ꞌcĩ adtuurna habuccieetaa cĩ Nyekuci, ĩllõõan nẽẽ Yõaannẽ.”

ꞌLuuka 7:33

Ẽdẽta Yõaannẽ Batitta ẽlẽ ꞌgẽẽna hĩ viinoa, ainnu hinnia ‘Aꞌnyak lori ꞌcĩ abathĩ.’

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

Dtiicanĩ cĩg ꞌThooyyiahu 2:4

Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.

ꞌGalaaꞌthia 1:15

Nẽẽthĩ, baa nga hittirria naana, baa ẽbẽraawa Nyekuci nganĩĩt nẽ ũtũvvaawa bũnnaiittaa cĩnnĩ. Nĩngĩtĩ accamanõõthĩkĩ nẽẽ

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.