ꞌLuuka 1:13 - ꞌBuuk cĩ Thõõth cĩ Nyekuci

¹³ Anneek hinnia aajĩlõ nicciee ĩnõõnnõ, “ꞌThakaria, ma hiꞌngolinnaanĩ! Ĩthĩk Nyekuci laiinit cunni. Aꞌnyaki hatĩ ngaa cunni Eliꞌthẽbẽta nẽ ũtũhũwa loholeec ꞌcĩ maacĩ. Nẽ ma utuhuyyiaa, kateek ꞌthaar ꞌcĩg kaĩ Yõaannẽ.

ꞌLuuka 1:13 ပူးပေါင်းရင်းမြစ်များ

ꞌThianaattõ 17:10

Ĩĩn ciee lõhõt caannĩ hĩ nganiita hĩ lõhõlĩ cugunnig, nẽẽꞌthẽk hĩ lõhõlĩ ꞌcĩg nga hatĩ arrittiaa irkiꞌnyiaannĩ vẽlẽk. ꞌTẽẽd eleeti cĩg lõhõlĩ ꞌcĩg maacĩg hĩ eet ꞌcĩg maacĩg ꞌcĩg aattĩg õlõõ cunni vẽlẽk.

ꞌThianaattõ 17:19

Ẽdẽcĩ hinnia Nyekuci anneek, “Aitiõõ hõllõngaa occa aaĩ noho, arrita hatĩ Thaara ngaa cunni dẽẽdẽ loholeec ꞌcĩ maacĩ ꞌcĩ hatĩ akanneehi ꞌthaar ꞌcĩg haĩ Iꞌthaako. Haꞌthũũnnĩ hatĩ naa lõhõt caannĩ hĩ ĩnõõnnõ hĩ lõhõlĩ cĩgĩnnĩg vẽlẽk ũdũt.

ꞌThianaattõ 18:14

Aaĩ occa ꞌthẽk ꞌgiimwaa ꞌcĩ aꞌnyaman Makayyioohit? Hĩcĩ haduha naa ho, ma hõbõda naa irkit cĩ gõlla kõr ꞌcĩ aaĩ hĩ cieeni, hũmmũdeeha hatĩ Thaara ũtũhũa loholeec ꞌcĩ maacĩ.”

ꞌThianaattõ 25:21

Baa alaiini Iꞌthaako Rẽbẽka hĩ Makayyioohit, hĩnĩngĩtĩ baa aitiõõ nẽẽ hõllõngaa aꞌnyaki. Baa nẽ ĩthĩk Makayyioohiti laiinit cĩ Iꞌthaako, nĩngĩtĩ aku aꞌnyahiini Rẽbẽka.

Maatteeo 1:21

Ũũkca hatĩ nẽẽ loholeec ꞌcĩ maacĩ. Kateek hatĩ loholeec ꞌthaar ꞌcĩg haĩ Yeesu, hĩnĩngĩtĩ ẽẽla hatĩ nẽẽ eet cĩgĩnnĩg ꞌthẽccanẽẽtĩĩ cĩggĩĩng.”

Maatteeo 14:27

Ma hĩdĩĩkoothong, ikia othoothĩk Yeesu ĩhõõggõ ĩĩnnĩk, “Aanytĩk ꞌthinneeti hokomit! Nganĩĩt Yeesu. Ma hiteelinnu.”

Maatteeo 28:5

Nẽ uduhaak aajĩlõ nicciee ngaaĩ niccig ĩĩnnĩk, “Ma hiteelinnu, haga naa adiimmu niig Yeesu baa odooddothoothĩk hurucceea.

Maarko 16:6

Ma nĩngaata ikia uduhaak nyahaappanĩ tĩhõ ĩhõõggõ ĩĩnnĩk, “Ma hiꞌngolinnu. Haga naa adiimmu niig Yeesu cĩ Naaꞌtharẽtĩ baa odooddothoothĩk hurucceea, iittiõõ nẽẽ ngaati tõõ, baa ũrũga nẽẽnĩ. Ĩcĩnĩt da nĩngĩ baa ammũtĩ eeta ẽlẽ cĩ Yeesu.

ꞌLuuka 1:14

Aaꞌnyi hatĩ ꞌtirriaanĩtĩ cĩnnĩ ꞌcammanoothĩk nẽ ꞌthẽk hatĩ accamattoothĩk eeta ꞌcĩg mẽẽlĩg buúk, hĩnĩngĩtĩ ꞌtirriaanĩt cĩnnĩ.

ꞌLuuka 1:30

Nĩngĩtĩ aduhaakĩ aajĩlõ ĩnõõnnõ annẽẽkĩ, “Maria, ma hiteelli, accamanaai nganiit Nyekuci,

ꞌLuuka 2:21

Ma baa õdõlanit waathinniooha ĩĩtõ turkiyyio, ikia ẽttẽẽdĩ ĩdõlĩ ẽlẽ nẽ akattioothĩk ꞌthaara ꞌcĩg haĩ Yeesu, ꞌThaar baag akanneek aajĩlõ ĩnõõnnõ baa nga haꞌnyahĩ hẽẽngatõõ.

Dtiicanĩ cĩg ꞌThooyyiahu 10:31

nẽ ĩĩ, ‘Korneellio, ĩthĩk Nyekuci laiinit cunni nẽ ummuhõõthĩ ꞌbaaninit gõõng aaꞌnyihi nii hullaha.