Luugithõõ 9:6 - ꞌBuuk cĩ Thõõth cĩ Nyekuci

⁶ Ma ho, ĩdĩman Makayyioohiti hĩ baa ꞌthẽk aduha nẽẽnĩ. Loohoth tĩho, iggiirria hẽlẽggĩ cĩg eet cĩg Ijjibi vẽlẽk hĩĩ lõõcĩ ꞌthĩĩ, nẽẽthĩ, baa hiꞌthihi hẽlẽggĩ cĩg eet cĩg Ĩꞌthĩraẽlĩ ꞌcĩg adaahĩ ũdũt.

Luugithõõ 9:6 ပူးပေါင်းရင်းမြစ်များ

Luugithõõ 12:12

“Baalin niccia noho, hõvvõ hatĩ naa Ijjiba nẽ huruha lõhõlĩ ꞌcĩg maacĩg ꞌcĩg arrittiaa ĩĩcĩ oou, hĩ idiꞌngwa ꞌcĩg arrittiaa ĩĩcĩ oou vẽlẽk nẽ hatĩ huuka hẽlẽggĩ ꞌcĩg aar eeta hĩĩ nyekuꞌnya Ijjiba vẽlẽk. Hĩĩnĩ naa Makayyioohit.

Luugithõõ 12:29

Ma baa hõrggẽẽnaa cĩ baalinu, ikia uruk Makayyioohiti lõhõlĩ cĩg eet cĩg Ijjibi ꞌcĩg arrittiaa ĩĩcĩ oou vẽlẽk, iꞌthianaanĩ loholeecaa cĩ habu cĩ Ijjibi ꞌcĩ aayyi dtaaba, ĩꞌthõng hõdõlan loholeec ꞌcĩ oou cĩ baabutheenit ꞌcĩ baa aaĩ baabuuthatõõ hĩ maala hĩ mĩꞌnyõ ꞌcĩg arrittiaa ĩĩcĩ oou hĩĩ ꞌthĩĩ.

Luugithõõ 8:22

“ ‘Nẽẽthĩ kõr niccia, huunnihi hatĩ naa looc cĩ ꞌGõcẽnĩ, nĩngĩtĩ aattiyyi eeta cĩgannẽẽgĩ, aitiõõ hatĩ hĩrõnga ĩĩca tõõ, nẽẽthĩ hatĩ agayyu ngaatĩ haayyi naa Makayyioohiti looccaa cĩ.

Luugithõõ 9:25

Baa ĩcca tammu cĩ telleenu ho ꞌgii vẽlẽk mõrẽẽnĩtõõ hĩ manẽẽn vẽlẽk looccaa cĩ Ijjibi hũtũrũũr, õhõda eet hĩ hẽlẽggĩ, ammũũnyĩk manẽẽn vẽlẽk looc nẽ ũppũrũc hẽẽn vẽlẽk hĩĩ dtĩng.

Luugithõõ 9:26

Nẽẽthĩ, baa ꞌGõcẽn dioo, ngaatĩ baa aattiyyi eeta cĩg Ĩꞌthĩraẽlĩ, ꞌcĩ baa hõllõngaa atĩĩllĩ tammu cĩ telleenu.

Luugithõõ 9:4

Nẽẽthĩ, ahal hatĩ Makayyioohiti hẽlẽggĩ cĩg eet cĩg Ĩꞌthĩraẽlĩ haauto ẽmmẽn hĩ hẽlẽggĩ cĩg eet cĩg Ijjibi, hátĩ hiittiõõ hẽlẽggĩ cĩg Ĩꞌthĩraẽlĩ hõllõngaa adaahĩ.’ ”

Luugithõõ 9:5

Ẽbẽra Makayyioohiti kõr ꞌcĩ hatĩ iꞌthianaanĩ ꞌthẽrẽt cĩ heleggeennu ẽlẽk. Uduha nẽẽ ĩĩ, “Hadĩmani hatĩ thõõth icci lohotha.”