Luugithõõ 9:29 - ꞌBuuk cĩ Thõõth cĩ Nyekuci

²⁹ Ẽdẽcĩ Mũũꞌtha habu anneek, “Ma hũtũngeeha naa ꞌtaaũn, hõkõ hatĩ hodongeehi Makayyioohit athĩn cĩgannĩg nẽ halawa. Abĩlĩ hatĩ madĩĩthĩ cĩ tammwo nẽ iittiõõ tammu cĩ telleenu ho tõõ, hátĩ gaa nii ngaatĩ ĩĩnnĩ lõõcĩ vẽlẽk cĩ Makayyiookto.

Luugithõõ 9:29 ပူးပေါင်းရင်းမြစ်များ

Luugithõõ 19:5

Nẽẽthĩ ꞌyioko, má athĩknaangu nganĩĩt jurrung nẽ uꞌthuuttu lõhõt caannĩ, iiginnu hatĩ eet cĩgannĩg dẽẽdẽ eetini vẽlẽk. Hĩnĩngĩtĩ, ĩĩn lõõcĩ vẽlẽk caannĩ,

Luugithõõ 20:11

Hĩnĩngĩtĩ waathinniooha ꞌcĩg ĩĩn tõrkõnõn ko, ĩĩn waathinniook baag ẽhẽnytaanĩ Makayyioohiti hẽẽtkujjieen hĩ looc hĩ bũlũccwa hĩ hẽlẽggĩ vẽlẽk ꞌcĩg aattiyyi ĩhõõggõ, nẽẽthĩ, baa iyyioman nẽẽ kõrraa ꞌcĩ ĩĩn tũrkĩramma. Nẽẽthĩ hoti ho, aggatan Makayyioohiti Kõr cĩ ꞌYiommaanõ nẽ aaꞌnyĩk hiꞌngiranĩ.

Luugithõõ 8:22

“ ‘Nẽẽthĩ kõr niccia, huunnihi hatĩ naa looc cĩ ꞌGõcẽnĩ, nĩngĩtĩ aattiyyi eeta cĩgannẽẽgĩ, aitiõõ hatĩ hĩrõnga ĩĩca tõõ, nẽẽthĩ hatĩ agayyu ngaatĩ haayyi naa Makayyioohiti looccaa cĩ.

Luugithõõ 8:6

Ma ho, odongeek Arõõnẽ aꞌthiit cĩnnĩ maam cĩg Ijjibi nĩngĩtĩ au allũnganĩ lõkĩdõdõõknya looc.

Luugithõõ 9:33

Nĩngĩtĩ ũũnnĩkĩ Mũũꞌtha habu cĩ Ijjibi nẽ ũũk battaalaa cĩ ꞌtaaũnõõ nẽ odongeek athĩn cĩgĩnnĩg Makayyioohit, nĩngĩtĩ ahulꞌthi tammu cĩ telleenu ho nẽ iittiõõ hõllõngaa ĩccaayyi.

1 Korinthia 10:26

Hĩnĩngĩtĩ eheeddi ꞌBuuhaa cĩ Nyekuci aĩ, “Ĩĩn lõõcĩ hĩ hẽlẽggĩ vẽlẽk ꞌcĩg aattĩg loota nĩnga cĩg Makayyiooktak.”

1 Korinthia 10:28

Nẽẽthĩ, má iinnihii eet umwaa, “Iding ꞌcĩ baa ĩbboorothoothĩk nyekuc ꞌcĩ hõllõngaa ĩĩn dĩdĩ cieeni,” ma thĩ hadahi, hátĩ ẽla ẽlẽ cunni hĩ eet ꞌcĩ aduhaaki ho buúk.