Luugithõõ 9:16 - ꞌBuuk cĩ Thõõth cĩ Nyekuci

¹⁶ Nẽẽthĩ hinnianĩ, baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.

Luugithõõ 9:16 ပူးပေါင်းရင်းမြစ်များ

Luugithõõ 14:17

Haaꞌnyihi hatĩ naa eet cĩg Ijjibi hilloorito nẽ unuyyiõõthĩ ĩhõõggõ. Nẽẽthĩ, edeeꞌnyia hatĩ bulẽẽnĩtĩ caannĩ ngaatĩ hĩllõõanĩĩ habu cĩ Ijjibi, ũũrũtaannĩ cĩgĩnnĩg noho hĩ ꞌgadiggadiꞌnya cĩgĩnnĩg hĩ athegereeꞌnya ꞌcĩg õvvõ nyangõõllẽẽꞌnyanĩ vẽlẽk.

Luugithõõ 14:4

Nẽ haaꞌnyihi hatĩ naa habu cĩ Ijjibi hĩllõõr nẽ ũnũõõthĩ ĩhõõggõ. Nẽẽthĩ hatĩ hũmmũda naa bulẽẽnĩt cĩ ẽlẽ caannĩ, ngaatĩ hĩllõõanĩĩ habu cĩ Ijjibi hĩ ũũrũta cĩgĩnnĩg vẽlẽk, nẽẽthĩ hatĩ iita agaacõ eeta cĩg Ijjibi ngaatĩ hĩĩnnĩ naa Makayyioohit dĩdĩ.” Nĩngĩtĩ adĩmanĩ eeta cĩg Ĩꞌthĩraẽlĩ thõõth icci.

Luugithõõ 18:11

Nẽẽthĩ ꞌyioko, hagawa aattĩ naa ngaatĩ ĩllõõanĩ Makayyioohiti nyekuꞌnya ũgĩ, hĩnĩngĩtĩ baa adĩmaneek nẽẽ thooꞌthiok iccig eet ꞌcĩg arratan eet cĩg Ĩꞌthĩraẽlĩ.”

Luugithõõ 9:15

Hĩnĩngĩtĩ kõr icci, occa harukii naa nganiit hĩ eet cugunnig vẽlẽk, ꞌthẽrẽtaa ꞌcĩ aggĩĩrannuung loota nĩnga vẽlẽk ĩĩtõ ꞌthĩĩ.

Luugithõõ 9:17

Nẽ nga aalla alaami eet cĩgannĩg noho.

ꞌRooma 9:17

Hĩnĩngĩtĩ baa aduhaak ꞌBuuhi cĩ Nyekuci habu cĩ Ijjibi anneek, “Baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.”

ꞌRooma 9:22

Baa adiim Nyekuci ẽtẽrꞌtha liilii cĩnnĩ nẽ ẽdẽẽnya ꞌtirrian cĩnnĩ hĩ eet vẽlẽk ꞌcĩg occa adiim aruhi. Nẽẽthĩ hinnianĩ, baa ẽmmẽẽthĩ nẽẽ ĩhõõggõ.

1 Pẽẽtũrũ 2:19

Accamanannuung hatĩ Nyekuci ngagiit, hatĩ adĩmannu thooꞌthiok ꞌcĩg agayyu niig ainnu aũlan nẽ etemeeꞌthu thooꞌthiok ꞌcĩg adĩmannuung ngagiit makayyiooha ꞌcĩg abathĩ ꞌbuth, hĩnĩngĩtĩ agayyu Nyekuc.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.