Luugithõõ 9:14 - ꞌBuuk cĩ Thõõth cĩ Nyekuci

¹⁴ hode hĩꞌthõõakii hinnia hatĩ kõr icci ꞌtirrian cĩ ꞌthereeni cĩgannĩg vẽlẽk, hikia hĩ nganiit hĩ makayyiook cugunnig hĩ eet cugunnig, hátĩ gaa ngaatĩ aitiõõnnĩ eet umwaa ꞌcĩ haduhoonna hĩ nganĩĩt loota nĩnga vẽlẽk tõõ.

Luugithõõ 9:14 ပူးပေါင်းရင်းမြစ်များ

Luugithõõ 15:11

Nganĩ umwaa nyekuꞌnyaannĩ, ꞌcĩ occa aduhoonnu hĩ nganiit Makayyioohit? Nganĩ ꞌcĩ aaĩ hĩ nii, attirani nii bulẽẽtta hĩ ꞌlẽẽmĩtha, ĩllõõani nii bulẽẽtta nẽ ĩdĩmanuu thooꞌthiok ꞌcĩg ĩnaat eeta.

Luugithõõ 8:10

Ma ho, ĩĩ habuui cĩ Ijjibi, “Ẽlẽ, ijjia baaĩ laooyya lohotha.” Nĩngĩtĩ aĩnnĩ Mũũꞌtha, “Abũnnaa, aꞌnyĩĩk thĩ da haau hĩcĩ aduha nii ho, hátĩ gaa nii ngaatĩ aitiõõnnĩ eet umwaa ꞌcĩ aduhõõ hĩ Makayyioohit Nyekuc cĩnaang tõõ.

Luugithõõ 8:6

Ma ho, odongeek Arõõnẽ aꞌthiit cĩnnĩ maam cĩg Ijjibi nĩngĩtĩ au allũnganĩ lõkĩdõdõõknya looc.

Luugithõõ 9:15

Hĩnĩngĩtĩ kõr icci, occa harukii naa nganiit hĩ eet cugunnig vẽlẽk, ꞌthẽrẽtaa ꞌcĩ aggĩĩrannuung loota nĩnga vẽlẽk ĩĩtõ ꞌthĩĩ.

Terethiinit 18:8

Nẽẽthĩ hoti ho, atinya hatĩ nẽẽ ꞌcannan hĩ magĩth hĩ daahĩth kõr hõdẽẽthõng haaga. Aaĩ hatĩ nẽẽ ulwaanaa cobbi gẽrrẽẽt. Atũũth hatĩ ꞌgwaa ẽlẽ cĩnnĩ hĩĩ ꞌthĩĩ, hĩnĩngĩtĩ ẽttẽẽd Makayyioohiti Nyekuci ꞌTirriannioohiti thõõth cĩnnĩ ẽlẽk.”

Terethiinit 22:18

Nẽ naa Yõaannẽ, hiloottuung ngagiit vẽlẽk ꞌcĩg athiknu ꞌrioon cĩ ꞌbuuk icci ho. Má ĩttoorĩk ẽẽtĩ umwaa thõõth umwa cĩnnĩ, uuk hatĩ Nyekuci ĩnõõnnõ ꞌtheretwaanĩĩ ꞌcĩg abathĩ gẽrrẽẽt eheeddi ꞌbuuhatõõ cĩ ho.