Luugithõõ 8:20 - ꞌBuuk cĩ Thõõth cĩ Nyekuci

²⁰ Ma ho, ĩĩnnĩk Makayyioohiti Mũũꞌtha, “Lõõk da lohotha ngerrenita, õõt ommottio hĩ habu cĩ Ijjibi ꞌgõõlaa ꞌcĩ õkõõĩ hidiaa nẽ uduhaahu ĩnõõnnõ ĩĩnnĩhuu, ‘Thõõth ꞌcĩ aduha Makayyioohiti ciee aĩ, lahaneek eet cĩgannĩg hõõt halayyia nganĩĩta.

Luugithõõ 8:20 ပူးပေါင်းရင်းမြစ်များ

Luugithõõ 2:5

Ma nĩngaata, ĩtĩnga tĩnaatĩ habu cĩ Ijjibi, ũũk ꞌraanitta hidiaatõõ cĩ Naaĩlĩ nẽ baa õvvõ dticcianniooha cĩgĩnnĩg anũ dẽmẽt cĩ hidiowwo. Ma ho, udtuuha tĩnaatĩ habuuo ho ꞌguuvva ĩhaõõnnĩtõõ, nĩngĩtĩ ĩꞌthõõĩ appahaca ꞌcĩ ngayyi hũũk haꞌnyaha.

Luugithõõ 3:18

“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 4:23

nẽ baa huduhaahii naa nganiit hiinnihii, “Aꞌnyĩĩk loholeec caannĩ hũũk, hátĩ hũũk halawa nganĩĩta.” Nẽẽthĩ, ẽdẽnẽẽkĩ hinnia ngaatĩ õkõõĩ, nẽẽthĩ hoti ho, haruhi hatĩ naa ngeeruni ꞌcĩ oou hadaak.’ ”

Luugithõõ 5:1

Ma baa uruta, iita õõt ummuddioothĩk Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ĩꞌthĩraẽlĩ cieeni, ‘Aꞌnyĩĩk eet cĩgannĩg hõõt hadahit karrama ꞌcĩ adĩhĩꞌtha nganĩĩt horrwaa ꞌcĩ õdõhõhĩĩ kak.’ ”

Luugithõõ 5:3

Ma ho, ĩĩttĩk Mũũꞌtha hĩ Arõõnẽ ĩnõõnnõ, “Baa hommotoonna naag hĩ Nyekuc cĩ Ebereei. Nẽẽthĩ ꞌyioko, anyeet heeroni cĩ waathinniook iyyio, hõõt hibboorriha Makayyioohit Nyekuc cĩnaang ꞌgaarriẽẽn horrwaa ꞌcĩ õdõhõhĩĩ kak, hátĩ hiittiõõ hõllõngaa uukeet mooriꞌthioohĩ hode eꞌngedĩtteet nyetuboota.”

Luugithõõ 7:15

Mũdoothĩk habu cĩ Ijjibi ngaalloohoth, hĩcĩ õkõ nẽẽ ĩĩcĩ hidiowwo. ꞌRẽẽõ dẽmẽtaa cĩ Naaĩlĩ, hátĩ ommottio hĩ ĩnõõnnõ, ꞌnyaak hĩbahĩt baa ũũkcĩ hĩĩ hũkaat buúk.

Luugithõõ 8:1

Ma ho, ĩĩnnĩk Makayyioohiti Mũũꞌtha, “Bĩĩt duhaak habu cĩ Ijjibi anneek, ‘Thõõth ꞌcĩ aduha Makayyioohiti cieeni. Lahaneek eet cĩgannĩg, hátĩ hõõt halayyia nganĩĩta.

Luugithõõ 8:21

Má hõllõngaa alahaneehi eet cĩgannĩg hõõt, hĩꞌthõõakii hatĩ hĩrõng ꞌcĩg mẽẽlĩg ꞌrĩng nganiit hĩ makayyiook cugunnig hĩ eet cugunnig hĩ ꞌcieethi cugguung vẽlẽk. Abbĩꞌthĩĩ hatĩ hĩrõnga ꞌcieethi cĩg eet cĩg Ijjibi hĩ looc vẽlẽk ꞌcĩ aattiyyi nẽẽgĩ.

Luugithõõ 9:13

Ma tarĩ ho, ikia uduhaak Makayyioohiti Mũũꞌtha ĩĩnnĩk, “Tĩnga lohotha ngerrenita õõt ommottio hĩ habu cĩ Ijjibi nẽ ĩĩnnĩhuu, ‘Thõõth ꞌcĩ aduha Makayyioohiti Nyekuci cĩ Ebereei cieeni. Lahaneek eet cĩgannĩg hõõt halayyia nganĩĩta,