Luugithõõ 7:20 - ꞌBuuk cĩ Thõõth cĩ Nyekuci

²⁰ Nĩngĩtĩ adĩmanĩ Mũũꞌtha hĩ Arõõnẽ hĩ baa aduhaak Makayyioohiti ĩhõõggõ. Ma nĩngaata, õdõng Arõõnẽ hĩbahĩt cĩnnĩ muumaa cĩ habu cĩ Ijjibi hĩ makayyiook cĩgĩnnĩg nẽ uuk maam cĩg Naaĩlaak, nĩngĩtĩ ũũkcẽnĩ maama vẽlẽk hĩĩtõ biyyi.

Luugithõõ 7:20 ပူးပေါင်းရင်းမြစ်များ

Luugithõõ 4:9

Nẽẽthĩ, má hõllõngaa ẽlẽmĩ nẽẽg thooꞌthiok ꞌcĩg ĩĩn ꞌramma ꞌcĩg ĩnaatti ho, hode hõllõngaa athikniina, dtĩĩla maam hidiowwaa cĩ Naaĩlĩ nẽ udduutihuu ngaatĩ õdõhõhõhĩĩ. Ũũkcĩ hatĩ maama cĩg hidiowwaak ko loota hĩĩtõ biyyi.”

Luugithõõ 7:10

Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ idticatteek thooꞌthiok baag aduhaak Makayyioohiti ĩhõõggõ hĩdĩmanit. Ma nĩngaata, udhuheek Arõõnẽ hĩbahĩt cĩnnĩ loota muumaa cĩ habu cĩ Ijjibi hĩ makayyiook cĩgĩnnĩg, nĩngĩtĩ ũũkcẽnĩ hĩbahĩtĩ hĩĩ hũkaat.

Luugithõõ 7:21

Ma ꞌthẽk nĩngaata noho, adaahito ulugo Naaĩlatõõ hõtõngõl hidiaa ꞌbõhõrõr, hiittiõõ eeta cĩg Ijjibi hõllõngaa occa ahũd maam. Ĩbbĩtĩt biyyieeta looc cĩ Ijjibi lokor vẽlẽk.

Luugithõõ 7:6

Nĩngĩtĩ adĩmanĩ Mũũꞌtha hĩ Arõõnẽ hĩ baa aduhaak Makayyioohiti ĩhõõggõ.

Terethiinit 8:8

Ma adtahĩ aajĩlõ ꞌcĩ ĩĩn ꞌramma tũũrĩ cĩnnĩ ho, ikia udhukia ꞌgwaa umwaa ꞌcĩ ĩĩkĩ muur nẽ udhuhoothĩk bũlũcatõõ nẽ ũtũhũĩ bũlũc ĩĩcĩ odoyyii ĩĩ biyyi,