Luugithõõ 7:13 - ꞌBuuk cĩ Thõõth cĩ Nyekuci

¹³ Ma ngaati, aalla tarĩ nga adĩĩtĩ habu cĩ Ijjibi õõ pĩd noho nẽ hõllõngaa athĩhĩ thõõth cĩ Mũũꞌtha hĩ cĩ Arõõnẽ ho buúk, hĩ baa aduha Makayyioohiti.

Luugithõõ 7:13 ပူးပေါင်းရင်းမြစ်များ

Luugithõõ 10:1

Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi, hĩnĩngĩtĩ haaꞌnyĩha naa ĩnõõnnõ hĩ makayyiook cĩgĩnnĩg hilloorito, hátĩ hidtican naa thooꞌthiok ꞌcĩg ĩnaat eeta hõrggẽẽnaa cĩnĩĩng,

Luugithõõ 10:20

Ma ngaati, aaꞌnyĩk hinnia Makayyioohiti habu cĩ Ijjibi hĩllõõr tarĩ nẽ iittiõõ hõllõngaa alahaaneek eet cĩg Ĩꞌthĩraẽlĩ hõõt.

Luugithõõ 10:27

Ma ho, aaꞌnyĩk hinnia Makayyioohiti habu cĩ Ijjibi hĩllõõr hiittiõõ hõllõngaa ẽlẽmaakĩ eet hõõt.

Luugithõõ 14:17

Haaꞌnyihi hatĩ naa eet cĩg Ijjibi hilloorito nẽ unuyyiõõthĩ ĩhõõggõ. Nẽẽthĩ, edeeꞌnyia hatĩ bulẽẽnĩtĩ caannĩ ngaatĩ hĩllõõanĩĩ habu cĩ Ijjibi, ũũrũtaannĩ cĩgĩnnĩg noho hĩ ꞌgadiggadiꞌnya cĩgĩnnĩg hĩ athegereeꞌnya ꞌcĩg õvvõ nyangõõllẽẽꞌnyanĩ vẽlẽk.

Luugithõõ 4:21

Baa nẽ uduhaak Makayyioohiti Mũũꞌtha ĩĩnnĩk, “Ma õdõlanuu Ijjib, mũdoothĩk habu cĩ Ijjibi nẽ idticanuu thooꞌthiok vẽlẽk ꞌcĩg ĩnaat eeta, baag haduhaakii naa hanneekii bĩĩt hatĩ dticcian. Nẽẽthĩ, haaꞌnyihi hatĩ naa ꞌthĩnĩt cĩnnĩ hĩllõõr hiittiõõ hõllõngaa alahaneek eet hõõt.

Luugithõõ 7:12

Baa adhuheek nẽẽg hõdẽĩ hõdẽĩ hĩbahĩꞌnya cĩggĩĩng looc, nĩngĩtĩ ũũkcẽnĩ ĩĩnnĩ hũkaaꞌnya. Nẽẽthĩ, baa hinnia aku hĩbahĩtĩ cĩ Arõõnẽ hĩbahĩꞌnya cĩggĩĩng ko vẽlẽk.

Luugithõõ 7:14

Ma ho, ĩĩnnĩk Makayyioohiti Mũũꞌtha, “Aitiõõ habuui cĩ Ijjibi hõllõngaa athĩknĩ, abũrĩ ngaatĩ alahanẽẽkĩ eet hõõt.

Luugithõõ 7:22

Nẽẽthĩ hinnianĩ, baa adtican ngarĩta buúk, thooꞌthiok ꞌcĩg aduhõõ hĩ ꞌcĩg adtican Arõõnẽ ho thõng, ꞌgõõlaa cĩnĩĩng ĩcĩ ammiꞌthi, nĩngĩtĩ aku õkõmmĩ habu cĩ Ijjibi õõ hiittiõõ hõllõngaa athĩhĩ thõõth cĩ Mũũꞌtha hĩ cĩ Arõõnẽ, hĩ baa aduha Makayyioohiti.

Luugithõõ 8:11

Uunnikii hatĩ lõkĩdõdõõknya nganiit hĩ ꞌcieethi cugunnig, hĩ makayyiook cugunnig hĩ eet cugguung, idiongan hatĩ nẽẽg Naaĩlatõõ diooni.”

Luugithõõ 8:15

Ma baa acĩn habuui cĩ Ijjibi ngaatĩ aku abũnnayyĩ lõõcĩ ho, ikia ĩllõõr tarĩ nẽ ũtũbũr ngaatĩ athĩknĩ thõõth cĩ Mũũꞌtha hĩ cĩ Arõõnẽ, haau hĩ baa ꞌthẽk aduha Makayyioohiti.

Luugithõõ 8:19

Ma ho, iita ĩĩttĩk ngarĩta habu cĩ Ijjibi, “Nyekuc ꞌcĩ adĩman thõõth ꞌcĩ aaĩ hoti ho.” Aalla hinnia ĩllõõrĩth habuui cĩ Ijjibi haau hĩ baa ꞌthẽk aduha Makayyioohiti.

Luugithõõ 8:28

Ma ho, ĩĩ habuui cĩ Ijjibi, “Hẽlẽmaakuung naa ngagiit õõt ibboorrik Makayyioohit Nyekuc cunuung ꞌgaarriẽẽn horrwaa ꞌcĩ õdõhõhĩĩ kak nẽ ma hooyyu ꞌrẽẽna. Nẽẽthĩ ꞌyioko, laooyyaanĩ.”

Luugithõõ 9:12

Nẽẽthĩ, baa hinnia aaꞌnyĩk Makayyioohiti habu cĩ Ijjibi hĩllõõr, hiittiõõ hõllõngaa athĩhĩ Mũũꞌtha hode Arõõnẽ, hĩ baa ꞌthẽk aduhaak Makayyioohiti Mũũꞌtha.

Luugithõõ 9:35

Nĩngĩtĩ ĩllõõrrĩ ꞌthẽk habuui cĩ Ijjibi haaga nẽ ũtũbũr ngaatĩ ẽlẽmaakĩ Ĩꞌthĩraẽl hõõt, hĩ baa ꞌthẽk aduha Makayyioohiti ũtũũgaa cĩ Mũũꞌtha.

Luugithõõ 9:7

Ma nĩngaata, ikia ĩꞌthõ habuui cĩ Ijjibi eet hõõt hotorootito, hatĩ adaahĩ hẽlẽggĩ cĩg eet cĩg Ĩꞌthĩraẽlĩ buúk, õõ hinnia ammũda hiꞌthihi hẽlẽggĩ cĩg eet cĩg Ĩꞌthĩraẽlĩ ꞌcĩg adaahĩ. Nẽ nẽẽ aalla ĩllõõrĩth habuui cĩ Ijjibi noho nẽ hõllõngaa adiim alahaneek eet hõõt buúk.

ꞌRooma 1:28

Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.

Ebereei 3:13

Eellio nyaagwaana hõdõõkõthĩ hĩcĩ ꞌyioko adukiaakeet kõr nicci ho, hátĩ hiittiõõ ẽẽtĩ ꞌcĩ hatĩ ĩggõõl ꞌthẽccanĩ nẽ õkõm ngaatĩ athĩknĩ thõõth cĩ Nyekuci tõõ.