Luugithõõ 6:7 - ꞌBuuk cĩ Thõõth cĩ Nyekuci

⁷ Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Luugithõõ 6:7 ပူးပေါင်းရင်းမြစ်များ

ꞌThianaattõ 26:3

Au nõõ looccaa cĩ hĩdĩhĩdĩĩc. Haꞌthuunni hatĩ naa nganiit nẽ haggataniina. Haaꞌnyii hatĩ naa nganiit hĩ lõhõlĩ cugunnig vẽlẽk looc icci nẽ hũꞌthũũtĩ thõõth baa habũtaneehi naa maaꞌnyu Abũrahaamõ.

ꞌThianaattõ 28:13

Baa abĩllaa Makayyioohiti hẽẽtahujjieen nẽ õthõõthak ĩnõõnnõ ĩĩnnĩk, “Nganĩĩt Makayyioohit Nyekuc cĩ maaconu Abũrahaamõ hĩcĩ Iꞌthaako. Haaꞌnyii hatĩ naa nganiit hĩ lõhõlĩ cugunnig, looc ꞌcĩ ꞌyioko oongiyyii nii ho.

Luugithõõ 13:14

“Waathinnioohĩĩ ꞌcĩg hatĩ nga au horumwa, má ajinnuung lohollia cugguung anneekuung, ‘Aĩ thõõth ciee neegi?’ Uduktaak ĩhõõggõ ĩĩttĩk, ‘Baa aluuganneet Makayyioohiti ngagĩĩt ꞌtirriaanaa cĩ aꞌthiit cĩnnĩ Ijjiba, looccaa cĩ appahacẽẽthĩtõõ.

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 14:18

Au hatĩ aga eeta cĩg Ijjibi vẽlẽk ngaatĩ hĩĩnnĩ naa Makayyioohit, hatĩ edeeꞌnyia bulẽẽnĩtĩ caannĩ hĩ habu, acĩn hatĩ eeta cĩg Ijjibi vẽlẽk bulẽẽnĩt caannĩ nẽ agaacõ ĩĩtõ, hĩĩnĩ naa Makayyioohit dĩdĩ!”

Luugithõõ 14:4

Nẽ haaꞌnyihi hatĩ naa habu cĩ Ijjibi hĩllõõr nẽ ũnũõõthĩ ĩhõõggõ. Nẽẽthĩ hatĩ hũmmũda naa bulẽẽnĩt cĩ ẽlẽ caannĩ, ngaatĩ hĩllõõanĩĩ habu cĩ Ijjibi hĩ ũũrũta cĩgĩnnĩg vẽlẽk, nẽẽthĩ hatĩ iita agaacõ eeta cĩg Ijjibi ngaatĩ hĩĩnnĩ naa Makayyioohit dĩdĩ.” Nĩngĩtĩ adĩmanĩ eeta cĩg Ĩꞌthĩraẽlĩ thõõth icci.

Luugithõõ 15:16

Adhukiaak hatĩ ĩhõõggõ barriti cobbiẽẽnĩ. ꞌTirriaanaa cĩ aꞌthiit cunni, emmeethĩk hatĩ nẽẽg hĩ bẽẽ, ĩꞌthõng hallacattĩ eeta cugunnẽẽgĩ Makayyioohit, ĩꞌthõng hallacattĩ eeta baag ũũta niina.

Luugithõõ 15:2

Ĩĩn Makayyioohiti ꞌtirrian caannĩ hĩ tẽgẽl caannĩ; ikia ĩĩ nẽẽ ellioohit caannĩ. Ĩĩn nẽẽ Nyekuc caannĩ, nẽ hadihithi hatĩ naa ĩnõõnnõ, Nyekuc cĩ nyakangaan caannĩ, habuluthi hatĩ naa ĩnõõnnõ.

Luugithõõ 16:12

“Hĩthĩha naa ngoongoi cĩ eet cĩg Ĩꞌthĩraẽlĩ. Nẽẽthĩ ꞌyioko, duhaak ĩhõõggõ anneek, ‘Adaku hatĩ iding ꞌjiaat nẽ ngerrenita, ammũdaannu hatĩ ũbũnẽẽt vẽlẽk ꞌcĩg adiimmu niiga. Nẽẽthĩ hatĩ iita agayyu niig ngaatĩ hĩĩnnĩ naa Makayyioohit Nyekuc cunuung dĩdĩ.’ ”

Luugithõõ 16:6

Nĩngĩtĩ annẽẽkĩ Mũũꞌtha hĩ Arõõnẽ eet cĩg Ĩꞌthĩraẽlĩ, “Ma utub lõõcĩ, agayyu thĩ hatĩ niig iittu, ĩko baa Makayyioohit ꞌcĩ aluugannuung ngagiit Ijjiba ho,

Luugithõõ 2:11

Ma kõr umwa, baa ĩtĩlĩtha Mũũꞌtha ĩĩ maka, ũũk ĩcĩn nẽẽ eet cĩgĩnnĩg ngaatĩ baa aattiyyi nẽ udtuuha ĩhõõggõ ngaatĩ attĩnganõõthĩkĩ dtiici. Ma nĩngaata, udtuuha Ijjibeenit umwa ngaatĩ uuki Ebereeinit eet cĩnnĩ dẽẽdẽ.

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 7:17

Nẽẽthĩ, thõõth ꞌcĩ aduha Makayyioohiti cieeni. Thõõthaa cĩ, aga hatĩ ꞌyioko nii ngaatĩ hĩĩnnĩ naa Makayyioohit. Huuki hatĩ naa maam cĩg Naaĩlaak hĩbahĩtaa caannĩ ho, hutuhuyyi hĩĩtõ biyyi.

Maatteeo 22:32

‘Hĩĩnĩ naa Nyekuc cĩ Abũrahamĩ, Nyekuc cĩ Iꞌthaako hĩ Nyekuc cĩ Yakobo.’ Ĩĩn nẽẽ Nyekuc cĩ eet ꞌcĩg arũgĩ, hõllõngaa ĩĩn Nyekuc cĩ daakiahu.”

ꞌRooma 8:31

Hẽdẽcĩ occa ꞌyioko thõõth icci haĩ ne? Má ĩĩn Nyekuci Nyekuc cĩnaac, nganĩ ꞌcĩ occa adĩmanneet ngagĩĩt ꞌbuth?

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.

Terethiinit 21:7

Aggatanni hatĩ eeta vẽlẽk ꞌcĩg ẽmmẽẽthĩ ꞌcannan nicci nẽ hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.