Luugithõõ 6:6 - ꞌBuuk cĩ Thõõth cĩ Nyekuci

⁶ “Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 6:6 ပူးပေါင်းရင်းမြစ်များ

Luugithõõ 1:11

Nĩngĩtĩ aarĩkĩ eeta cĩg Ijjibi makayyiook cĩg appahacaaꞌnyanu, hommokteek eet cĩg Ĩꞌthĩraẽlĩ dtiic nẽ aanytĩk hetehenyit ꞌtaaũn ꞌcĩ haĩ Pithom hĩ ꞌtaaũn ꞌcĩ haĩ Rametheth, hĩĩtõ ꞌtaaũnniook cĩg habu cĩ Ijjibi ꞌcĩg alũtõõthĩkĩ ꞌgẽẽna.

Luugithõõ 12:41

Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 12:51

Ma baa kõr niccia noho, ikia uluugi Makayyioohiti eet cĩg Ĩꞌthĩraẽlĩ looccaa cĩ Ijjibi.

Luugithõõ 13:14

“Waathinnioohĩĩ ꞌcĩg hatĩ nga au horumwa, má ajinnuung lohollia cugguung anneekuung, ‘Aĩ thõõth ciee neegi?’ Uduktaak ĩhõõggõ ĩĩttĩk, ‘Baa aluuganneet Makayyioohiti ngagĩĩt ꞌtirriaanaa cĩ aꞌthiit cĩnnĩ Ijjiba, looccaa cĩ appahacẽẽthĩtõõ.

Luugithõõ 13:16

Aaĩ hatĩ karrama ciee hĩ nyamacaar ꞌcĩ amacaaranoothĩk attiaa cunni hode muumaa cunni. Ĩĩn hatĩ ciee terethiinit ꞌcĩ hammuhaanĩ ꞌtirrian cĩ aꞌthiit cĩ Makayyioohit baa aluuganneet ngagĩĩt looccaa cĩ Ijjibi.”

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 15:13

Mĩnnaniitta cunni ĩĩcĩ hõllõngaa edecciaa, aggami hatĩ nii eet baag ẽẽla niina. ꞌTirriaanaa cunni, atiꞌthiti hatĩ nii ĩhõõggõ ĩꞌthõng hõdõlanit nĩngĩtĩ ẽllẽẽmĩth ꞌcĩ aayyi niina.

Luugithõõ 16:6

Nĩngĩtĩ annẽẽkĩ Mũũꞌtha hĩ Arõõnẽ eet cĩg Ĩꞌthĩraẽlĩ, “Ma utub lõõcĩ, agayyu thĩ hatĩ niig iittu, ĩko baa Makayyioohit ꞌcĩ aluugannuung ngagiit Ijjiba ho,

Luugithõõ 18:1

Nẽẽthĩ ꞌyioko, baa ĩthĩk ꞌJeꞌthoro paadĩrĩ cĩ looc cĩ Midianĩ, ꞌcĩ baa ĩĩn homoneec cĩ Mũũꞌtha, hẽlẽggĩ vẽlẽk ꞌcĩg baag adĩmaneek Nyekuci Mũũꞌtha, hĩ eet cĩg Ĩꞌthĩraẽlĩ hĩ ꞌgõõl ꞌcĩ baa aluuganĩ Makayyioohiti eet cĩg Ĩꞌthĩraẽlĩ looccaa cĩ Ijjibi.

Luugithõõ 2:11

Ma kõr umwa, baa ĩtĩlĩtha Mũũꞌtha ĩĩ maka, ũũk ĩcĩn nẽẽ eet cĩgĩnnĩg ngaatĩ baa aattiyyi nẽ udtuuha ĩhõõggõ ngaatĩ attĩnganõõthĩkĩ dtiici. Ma nĩngaata, udtuuha Ijjibeenit umwa ngaatĩ uuki Ebereeinit eet cĩnnĩ dẽẽdẽ.

Luugithõõ 3:17

Nẽ baa huduha naa hĩĩna, hõõgannuung hatĩ naa ngagiit pĩĩrnattaa ꞌcĩ aꞌnyaku Ijjiba ho nẽ huukuung looccaa cĩ eet cĩg Kanaanĩ hĩ ĩĩcĩg Hiiti hĩ ĩĩcĩg Amoorĩ hĩ ĩĩcĩg Peri hĩ ĩĩcĩg Hiivvi hĩ ĩĩcĩg ꞌJeebu, looc ꞌcĩ abatanĩ irana hĩ loteec.’

Luugithõõ 3:8

Nẽẽthĩ hoti ho, hulluuccia naa loota hikia hẽẽla ĩhõõggõ eetinii cĩg Ijjibi nẽ hatĩ huluugi ĩhõõggõ hũũhĩ looccaa ꞌcĩ abũnnaa ĩcĩ maka, looc ꞌcĩ abatanĩ irana hĩ loteec, õlõ cĩ eet cĩg Kanaanĩ hĩ cĩg Hiiti hĩ cĩg Amoorĩ hĩ cĩg Peri hĩ cĩg Hiivvi hĩ cĩg ꞌJeebu.

Luugithõõ 6:2

Nẽ tarĩ ĩĩnnĩk Nyekuci Mũũꞌtha, “Ẽlẽ, hĩĩnĩ naa Makayyioohit.

Luugithõõ 6:29

ikia ĩĩnnĩk ĩnõõnnõ, “Hĩĩnĩ naa Makayyioohit. Duhaak habu cĩ Ijjibi thõõth vẽlẽk ꞌcĩ haduhaakii naa nganiita.”

Luugithõõ 6:8

Haꞌnyahaannuung hatĩ naa ngagiit looccaa baa habũtaneehi Abũrahaamõ hĩ Iꞌthaako hĩ Yakobo, nẽ haaꞌnyuung hĩĩ looc cunuung. Hĩĩnĩ naa Makayyioohit.’ ”

Luugithõõ 7:4

aitiõõ hatĩ habuui cĩ Ijjibi hõllõngaa athĩkni nganiita. Nẽẽthĩ, huuki hatĩ naa eet cĩg Ijjibi ꞌtirriaanaa cĩ aꞌthiit caannĩ nẽ huluugaĩĩ eet cĩgannĩg Ĩꞌthĩraẽl.

Luugithõõ 7:5

Ma hõdõnga naa aꞌthiit caannĩ ꞌcĩ attiran ko nẽ huluugi eet cĩg Ĩꞌthĩraẽlĩ Ijjiba, iita thĩ hatĩ agaacõ eeta cĩg Ijjibi, ngaatĩ hĩĩnnĩ naa Makayyioohit.”

Dtiicanĩ cĩg ꞌThooyyiahu 13:17

Ẽbẽra Nyekuci cĩ eet cĩg Ĩꞌthĩraẽlĩ hĩbaangĩ cĩggaac nẽ aaꞌnyĩk eet cĩggaac hubulli gẽrrẽẽt baa aattĩg Ijjiba. Ma ho, ikia uluugi Nyekuci ĩhõõggõ ꞌtirriaanaa cĩnnĩ looccaa cĩ Ijjibi battaala,