Luugithõõ 5:21 - ꞌBuuk cĩ Thõõth cĩ Nyekuci

²¹ nẽ ĩĩtõ, “Aanytĩk Makayyioohit hĩcĩnaauung nẽ uukuung ngagiita. Ĩtĩhĩĩttaheetu niig ngagĩĩt hĩĩtta eet ꞌcĩg habaꞌtha muumaa cĩ habu cĩ Ijjibi hĩ makayyiook cĩgĩnnĩg nẽ ꞌyioko aggamit nẽẽg nyetubooꞌnya ꞌcĩg arukeet ngagĩĩta.”

Luugithõõ 5:21 ပူးပေါင်းရင်းမြစ်များ

ꞌThianaattõ 16:5

Ma nĩngaata, ĩĩnnĩk Tharaĩ Abũraamõ, “Baa haaꞌnyii naa nganiit ũrũmtĩ hĩ Hagaar, ma ꞌyioko ma aꞌnyaki ho, ikia ĩthĩngõõnyan gẽrrẽẽt nẽ atararra nganĩĩta. Nganiit ꞌthẽk ꞌcĩ ahĩĩnakaa nganĩĩt thõõth icci vẽlẽk ko. Aꞌnyĩĩk Makayyioohit hũmmũda nganĩ ꞌcĩ ĩĩn nyeꞌtheccioohit hõrggẽẽnaa cĩnaac.”

ꞌThianaattõ 31:53

Aꞌnyĩĩk Nyekuc cĩ Abũrahamĩ hĩ cĩ Naahõrĩ, Nyekuc cĩ nyakangaaꞌnya cĩggĩĩng hẽttẽẽd thõõth cĩnaac ko.” Nĩngĩtĩ abũtanĩ Yakobo ꞌthaarĩĩ cĩg Nyekuc hõdẽẽthõng baa abuluth maaꞌnyia Iꞌthaako.

ꞌThianaattõ 34:30

Ma nĩngaata, ikia ĩĩnnĩk Yakobo ꞌThimiõõnẽ hĩ ꞌLeevi, “Aꞌnyaktahaangu niig nganĩĩt bathi. Nẽ ꞌyioko, aaburrieeha hatĩ eeta cĩg Kanaanĩ hĩ cĩg Peri, hĩ eet vẽlẽk ꞌcĩg aattĩg looccaa nĩĩcĩ. Agayyu niig ngaatĩ hĩĩgĩnnĩ naag ngatũrĩg haaga, ꞌyioko hũrũmtĩ nẽẽg vẽlẽk nẽ iita jora, occa acũdaanneet hĩĩtõ dtĩng.”

Luugithõõ 14:11

Ma nĩngaata, iita ijinit nẽẽg Mũũꞌtha ĩĩttĩk, “Inni baa ꞌthẽk luugayyeet nii ngagĩĩt hiita hadaakta horrwaa ꞌcĩ õdõhõhĩĩ kak ko? Hĩdĩcĩg baa ꞌthẽk ꞌlõõhĩta ꞌcĩg occa baa hadaiinna naag Ijjiba thõng? Ne ꞌcĩ adĩmaneekeet nii ngagĩĩt ko? Inni ꞌnyahaaeet ngagĩĩt hũtũngteeha looc cĩ Ijjibi ho?

Luugithõõ 15:24

Ma nĩngaata, iita ongoongoyyieek eeta cĩg Ĩꞌthĩraẽlĩ Mũũꞌtha nẽ ijinit ĩĩttĩk, “Ẽlẽ, hahũdda ꞌyioko hatĩ ne?”

Luugithõõ 16:2

Ma horrwatõõ ꞌcĩ õdõhõhĩĩ kak ko, ikia ongoongoeek lothippiti hũtũrũũr Mũũꞌtha hĩ Arõõnẽ.

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Luugithõõ 5:20

Ma baa ũtũngteek makayyiooha cĩg Ĩꞌthĩraẽlĩ habu cĩ Ijjibi, iita ommottio nẽẽg hĩ Mũũꞌtha hĩ Arõõnẽ ꞌcĩg baag ẽrẽ ĩhõõggõ,

Luugithõõ 6:9

Ma ho, ũũk uduhaak Mũũꞌtha eet cĩg Ĩꞌthĩraẽlĩ thõõth icci, abũrĩ hinnia eeta cĩg Ĩꞌthĩraẽlĩ ngaatĩ athĩknĩ ĩnõõnnõ, hĩnĩngĩtĩ baa uduulli ĩhõõggõ ꞌthinneeti hĩ pĩĩrnanĩt ꞌcĩ ecebiini nẽẽgĩ.