Luugithõõ 4:31 - ꞌBuuk cĩ Thõõth cĩ Nyekuci

³¹ nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Luugithõõ 4:31 ပူးပေါင်းရင်းမြစ်များ

ꞌThianaattõ 17:3

Nĩngĩtĩ akannĩ Abũraamõ huruꞌnyia nẽ ĩĩnnĩk Nyekuci ĩnõõnnõ,

ꞌThianaattõ 24:26

Ma nĩngaata, akat dticciannioohiti cĩ Abũrahamĩ ho huruꞌnyia nẽ ala Makayyioohit ĩĩnnĩk,

ꞌThianaattõ 29:32

Nĩngĩtĩ aku aꞌnyahiini Lẽẽa nẽ ũtũhũa loholeec ꞌcĩ maacĩ. Ma ho, akateek Lẽẽa loholeec ꞌthaar ꞌcĩg haĩ ꞌRuuben, hĩnĩngĩtĩ aĩ nẽẽ, “Ĩcĩna Makayyioohiti pĩĩrnanĩt caannĩ nẽ kõr icci, ĩmmĩnanaa thĩ hatĩ gõõng maac caannĩ nganĩĩta.” Nĩngĩtĩ akannẽẽkĩ loholeec ꞌthaar ꞌcĩg haĩ ꞌRuuben.

ꞌThianaattõ 50:24

Ma baa ĩcĩnõõthĩ Yothebo õbõhĩ daahĩthĩ, ũtũvva ꞌgõtõõnõgĩ nẽ ĩĩnnĩk, “Hõlõ lõggõõ cieegi, nganĩĩt mĩĩ ciee ĩcĩttaangu hõbõhĩ hadaaha ho. Nẽ ma hammuku ainnu eelluung occa hatĩ nganĩ. Aꞌthuunnuung hatĩ Nyekuci ĩꞌthõng hobodduung looccaa ĩbaa ippotaneek nẽẽ Abũrahaamõ hĩ Iꞌthaako hĩ Yakobo.”

Luugithõõ 12:27

Uduktaak ĩĩttĩg, ‘Ĩĩn ciee Karrama cĩ Kõr cĩ Haangittõõ hĩ Makayyioohit ꞌcĩ baa ahaang ꞌcieethi cĩg eet cĩg Ĩꞌthĩraẽlĩ Ijjiba nẽ iittiõõ hõllõngaa aruk eet cĩg Ĩꞌthĩraẽlĩ, baa aku aruk nẽẽ eet cĩg Ijjibi.’ ” Nĩngĩtĩ akannĩ eeta huruꞌnyia nẽ alaacõ ĩnõõnnõ.

Luugithõõ 14:31

Ma baa acĩn eeta cĩg Ĩꞌthĩraẽlĩ ꞌtirrian cobbi ꞌcĩ uuki Makayyioohiti eet cĩg Ijjibi ho, iita itingolli nẽẽg Makayyioohit nẽ aarrik ꞌthinneeti cĩggĩĩng hĩ ĩnõõnnõ hĩ Mũũꞌtha dticciannioohit cĩnnĩ buúk.

Luugithõõ 19:8

Baa ẽdẽca eeta vẽlẽk aĩ, “Hadĩmanna hatĩ thooꞌthiok vẽlẽk ꞌcĩg aduha Makayyioohiti ho.” Nĩngĩtĩ õbõdõõꞌthĩ Mũũꞌtha ĩĩcĩ aayyi Makayyioohiti hũũk huduhaak ĩnõõnnõ thõõth ꞌcĩ aduha nẽẽg ko.

Luugithõõ 19:9

Ma ho, uduhaak Makayyioohiti Mũũꞌtha tarĩ ĩĩnnĩk, “Hõkõ hatĩ hakuu naa hĩ nganiit loduruatõõ cobbi gẽrrẽẽt, hátĩ hĩthĩhĩt eeta ngaatĩ hõthõõthõnĩ naag hĩ nganiit nẽ hatĩ gõõng aarrik nẽẽg lemiinit cĩnĩĩng hĩ nganiita.” Nĩngĩtĩ aduhaakĩ Mũũꞌtha Makayyioohit thõõth ꞌcĩ baa aduha eeta.

Luugithõõ 2:25

Nĩngĩtĩ ẽdẽẽnyanĩ Nyekuci eet cĩg Ĩꞌthĩraẽlĩ nẽ atamaatĩk ĩhõõggõ.

Luugithõõ 3:16

“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Luugithõõ 3:18

“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 3:7

Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt.

Luugithõõ 4:5

Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

ꞌLuuka 1:68

“Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

ꞌLuuka 8:13

Nẽ hinyomona ꞌcĩg ĩꞌthanothoothĩk ꞌthẽhẽhĩ ho, ĩthakꞌthoothĩk eet ꞌcĩg athĩhĩ thõõth cĩ Nyekuci taliitta nẽ itiwiillik ĩĩcĩ deeccwaanu. Ẽlẽmĩ nẽẽg Nyekuc ꞌthaa ꞌcĩ huturi haaga, ma aku ꞌtĩmmanĩ ho, ataarriothĩ thõõth cĩnnĩ.

ꞌRuuth 1:6

Nĩngĩtĩ athĩknĩ Naoomi aĩ, ikia ẽẽl Makayyioohiti eet cĩgĩnnĩg looccaa cĩ ꞌJuuda, ngaatĩ aaꞌnyĩkĩ hibbiirito manẽẽna tarĩ. Ma nĩngaata, iita ũkũmattoothĩk Naoomi hĩ alawanĩt cĩgĩnnĩg ko ꞌrammaattiyyiaak, nĩngĩtĩ ũũnnĩkĩ Mõab nẽ oboddiõõthĩ õõt ĩĩcĩ looc cĩnnĩ.