Luugithõõ 4:27 - ꞌBuuk cĩ Thõõth cĩ Nyekuci

²⁷ Ma ngaati, uduhaak Makayyioohiti Arõõnẽ ĩĩnnĩk, “Õõt ommottio hĩ Mũũꞌtha horrwatõõ ꞌcĩ õdõhõhĩĩ kak.” Nĩngĩtĩ ammũdõõthĩkĩ Arõõnẽ Mũũꞌtha muuraa cĩ Nyekuci nẽ ĩꞌtha ĩnõõnnõ.

Luugithõõ 4:27 ပူးပေါင်းရင်းမြစ်များ

ꞌThianaattõ 29:11

Ma baa uhuddi aꞌtha ẽlẽk, ikia ĩꞌtha nẽẽ Rakĩlẽ taliitta,

Luugithõõ 18:5

Ma ho, ookorria ꞌJeꞌthoro hõmõnẽẽcĩ cĩ Mũũꞌtha hĩ ngaa cĩ Mũũꞌtha lõhõlẽẽnĩ noho, hiita hĩcĩnĩt Mũũꞌtha horrwaa ꞌcĩ õdõhõhĩĩ kak, ngaatĩ baa ẽttẽẽdĩ Mũũꞌtha tuggẽẽt ngaatĩ õbõhõõ hĩ muur cĩ Nyekuci.

Luugithõõ 18:7

Ma nĩngaata, ĩtĩnga Mũũꞌtha ũũk ithirriaamanõõthĩ homoneec cĩnnĩ, ma baa õmmõtõõ ho, iggiing nẽẽ õõ nĩngĩtĩ ĩꞌthaaĩ homoneec cĩnnĩ. Ĩꞌthaayyio noho nĩngĩtĩ adukni tuggatõõ.

Luugithõõ 19:3

Ma ho, õtõd Mũũꞌtha ũũk ĩĩcĩ aayyi Nyekuci, nĩngĩtĩ avvaanĩ Makayyioohiti ĩnõõnnõ muura nẽ ĩĩnnĩk, “Thõõth ꞌcĩ occa õkõ aduhaahi nii halang cĩ Yakobo hĩ eet cĩg Ĩꞌthĩraẽlĩ cieeni,

Luugithõõ 20:18

Ma baa adtuuha eeta madĩĩth nẽ ĩthĩhĩt ꞌgerenyi cĩ tammwo nẽ ĩthĩhĩt tũũrĩ nẽ tarĩ udtuukta bũrrẽt muura hujjieen ko, iita abarritit nẽẽg tẽẽlꞌthĩta, nĩngĩtĩ abĩllaanĩ ꞌrẽẽna,

Luugithõõ 24:13

Nĩngĩtĩ ĩꞌngaannĩ Mũũꞌtha hĩ dticciannioohit cĩnnĩ ꞌJooꞌthua nẽ ũũk õtõd Mũũꞌtha muur cĩ Nyekuci.

Luugithõõ 3:1

Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.

Luugithõõ 4:26

Nĩngĩtĩ ũũnnĩkĩ Makayyioohiti Mũũꞌtha hõllõngaa aruhi. Ma ho, õthõõth ꞌThippora ĩĩ, “Dĩdĩ, eellia nii, hĩnĩngĩtĩ ꞌteedinit icci, maac caannĩ.”

Dtiicanĩ cĩg ꞌThooyyiahu 10:20

Tĩnga hataman ꞌlũũcĩ loota. Ma haburi ngaatĩ ookorru hĩ ĩhõõggõ, hĩnĩngĩtĩ nganĩĩt ꞌcĩ hĩꞌthõõa ĩhõõggõ ho.”