Luugithõõ 4:23 - ꞌBuuk cĩ Thõõth cĩ Nyekuci

²³ nẽ baa huduhaahii naa nganiit hiinnihii, “Aꞌnyĩĩk loholeec caannĩ hũũk, hátĩ hũũk halawa nganĩĩta.” Nẽẽthĩ, ẽdẽnẽẽkĩ hinnia ngaatĩ õkõõĩ, nẽẽthĩ hoti ho, haruhi hatĩ naa ngeeruni ꞌcĩ oou hadaak.’ ”

Luugithõõ 4:23 ပူးပေါင်းရင်းမြစ်များ

Luugithõõ 10:3

Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ebereei cieeni, ‘Aburi hatĩ nii ngaatĩ athĩkna nganĩĩt ĩꞌthõng ningina? Lahaneeka eet cĩgannĩg hõõt halayyia nganĩĩta.

Luugithõõ 10:4

Má aburi ngaatĩ alahanẽẽekĩ ĩhõõggõ hõõt, hĩꞌthõõahi hatĩ looc cunni ꞌgirooc lohotha.

Luugithõõ 11:5

Adaahĩ hatĩ lohollia ꞌcĩg maacĩg ꞌcĩg arrittiaa ĩĩcĩ oou Ijjiba, iꞌthianaanĩ loholeecaa ꞌcĩ maacĩ ĩcĩ habu cĩ Ijjibi ꞌcĩ arrittiaa ĩĩcĩ oou, ꞌcĩ aayyi dtaaba hĩ lõhõlĩ vẽlẽk cĩg appahacaaꞌnya ꞌcĩg ngayyig ꞌcĩg ereki hirriẽẽtĩĩ cĩggĩĩng, hĩ maala ꞌcĩg arrittiaa ĩĩcĩ oou vẽlẽk.

Luugithõõ 12:29

Ma baa hõrggẽẽnaa cĩ baalinu, ikia uruk Makayyioohiti lõhõlĩ cĩg eet cĩg Ijjibi ꞌcĩg arrittiaa ĩĩcĩ oou vẽlẽk, iꞌthianaanĩ loholeecaa cĩ habu cĩ Ijjibi ꞌcĩ aayyi dtaaba, ĩꞌthõng hõdõlan loholeec ꞌcĩ oou cĩ baabutheenit ꞌcĩ baa aaĩ baabuuthatõõ hĩ maala hĩ mĩꞌnyõ ꞌcĩg arrittiaa ĩĩcĩ oou hĩĩ ꞌthĩĩ.

Luugithõõ 13:15

Ma baa ĩllõõr habuui cĩ Ijjibi nẽ etedeyekeet ngagĩĩt ngaatĩ hauunna, ikia uruk Makayyioohiti lõhõlĩ ꞌcĩg arrittiaa ĩĩcĩ oou vẽlẽk Ijjiba hĩĩ dtĩng, lõhõlĩ ꞌcĩg maacĩg hĩ maala hĩ mĩꞌnyõ cĩg heleggeennu. Ĩnõõ ꞌyioko ꞌcĩ hĩbboorĩka naag Makayyioohit ꞌgaarrieenit cĩ hẽlẽggĩ ꞌcĩg maacĩg vẽlẽk ꞌcĩg arittiaa ĩĩcĩ oou nẽ hataalliawa lõhõlĩ ꞌcĩg maacĩg vẽlẽk ꞌcĩg arrittiaa ĩĩcĩ oou ho.’

Luugithõõ 18:8

Ma ho, uduhaak Mũũꞌtha homoneec cĩnnĩ ho thooꞌthiok vẽlẽk ꞌcĩg baag adĩmaneek Makayyioohiti habu cĩ Ijjibi hĩ eet cĩg Ijjibi, hĩnĩngĩtĩ eet cĩg Ĩꞌthĩraẽlĩ hĩ ꞌcannan vẽlẽk ꞌcĩ baa ammũda nẽẽg ꞌgõõla, hĩ ꞌgõõl ꞌcĩ baa ẽẽlanĩ Makayyioohiti ĩhõõggõ.

Luugithõõ 3:18

“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 5:1

Ma baa uruta, iita õõt ummuddioothĩk Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ĩꞌthĩraẽlĩ cieeni, ‘Aꞌnyĩĩk eet cĩgannĩg hõõt hadahit karrama ꞌcĩ adĩhĩꞌtha nganĩĩt horrwaa ꞌcĩ õdõhõhĩĩ kak.’ ”

Luugithõõ 6:11

“Bĩĩt duhaak habu cĩ Ijjibi anneek lahaneek eet cĩg Ĩꞌthĩraẽlĩ huluugito Ijjiba.”

Luugithõõ 7:16

Nẽ ĩĩnnĩhuu ĩnõõnnõ, ‘Ĩꞌthõõannaa nganĩĩt Makayyioohiti Nyekuci cĩ Ebereei, hikia hiinnihii nganiit, lahaneek eet cĩgannĩg hõõt, hátĩ hõõt halayyia nganĩĩt horrwaa ꞌcĩ õdõhõhĩĩ kak. Nẽẽthĩ hĩĩ noho, nga aburi nii thõõth caannĩ.

Luugithõõ 8:1

Ma ho, ĩĩnnĩk Makayyioohiti Mũũꞌtha, “Bĩĩt duhaak habu cĩ Ijjibi anneek, ‘Thõõth ꞌcĩ aduha Makayyioohiti cieeni. Lahaneek eet cĩgannĩg, hátĩ hõõt halayyia nganĩĩta.

Luugithõõ 8:16

Ma ho, ĩĩnnĩk Makayyioohiti Mũũꞌtha, “Duhaak Arõõnẽ anneek, ‘Dõõng hĩbahĩt cunni nẽ uuku looc,’ hikia hũtũhũĩ tuduhaacĩ hĩĩ wĩĩny looccaa cĩ Ijjibi hũtũrũũr.”

Luugithõõ 8:17

Nĩngĩtĩ adĩmanĩ nẽẽg noho, ma baa õdõng Arõõnẽ aꞌthiit cĩnnĩ nẽ uuk looc hĩbahĩta ho, itigirriaak wĩĩnya eet hĩ idiꞌngwa vẽlẽk. Ikia ũtũhũĩ tuduhaacĩ Ijjib hũtũrũũr ĩĩ wĩĩny.

Luugithõõ 8:20

Ma ho, ĩĩnnĩk Makayyioohiti Mũũꞌtha, “Lõõk da lohotha ngerrenita, õõt ommottio hĩ habu cĩ Ijjibi ꞌgõõlaa ꞌcĩ õkõõĩ hidiaa nẽ uduhaahu ĩnõõnnõ ĩĩnnĩhuu, ‘Thõõth ꞌcĩ aduha Makayyioohiti ciee aĩ, lahaneek eet cĩgannĩg hõõt halayyia nganĩĩta.

Luugithõõ 9:1

Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi bĩĩt duhaak anneek, ‘Thõõth ꞌcĩ aduha Makayyioohiti Nyekuci cĩ Ebereei cieeni, “Aꞌnyĩĩk eet cĩgannĩg hõõt halayyia nganĩĩta.”

Luugithõõ 9:13

Ma tarĩ ho, ikia uduhaak Makayyioohiti Mũũꞌtha ĩĩnnĩk, “Tĩnga lohotha ngerrenita õõt ommottio hĩ habu cĩ Ijjibi nẽ ĩĩnnĩhuu, ‘Thõõth ꞌcĩ aduha Makayyioohiti Nyekuci cĩ Ebereei cieeni. Lahaneek eet cĩgannĩg hõõt halayyia nganĩĩta,

Luugithõõ 9:2

Má ẽdẽnẽẽkĩ ĩhõõggõ ꞌgõõl nẽ aggameehu looc noho,