Luugithõõ 4:21 - ꞌBuuk cĩ Thõõth cĩ Nyekuci

²¹ Baa nẽ uduhaak Makayyioohiti Mũũꞌtha ĩĩnnĩk, “Ma õdõlanuu Ijjib, mũdoothĩk habu cĩ Ijjibi nẽ idticanuu thooꞌthiok vẽlẽk ꞌcĩg ĩnaat eeta, baag haduhaakii naa hanneekii bĩĩt hatĩ dticcian. Nẽẽthĩ, haaꞌnyihi hatĩ naa ꞌthĩnĩt cĩnnĩ hĩllõõr hiittiõõ hõllõngaa alahaneek eet hõõt.

Luugithõõ 4:21 ပူးပေါင်းရင်းမြစ်များ

ꞌThianaattõ 6:3

Ma kõr umwa, õthõõth Nyekuci Makayyioohiti ĩĩ, “Iittiõõ hatĩ hõllõngaa hẽlẽmaakĩ Lori caannĩ ꞌcĩ aꞌnyĩĩk eet rũgẽt ko, haau hĩ ĩhõõggõ ĩꞌthõng, hĩnĩngĩtĩ ĩĩn nẽẽg eet haaga. Nẽ kõr nicci ĩꞌthõng dtuurnanĩt cĩ lootu, iittiõõ hatĩ ẽẽtĩ ꞌcĩ nga arũgĩ hallaꞌnganit irkiꞌnyia cĩgĩnnĩg hĩĩtõ ꞌmiia hõdẽĩ hĩ hẽẽn ꞌramma tõõ (120).”

Luugithõõ 10:1

Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi, hĩnĩngĩtĩ haaꞌnyĩha naa ĩnõõnnõ hĩ makayyiook cĩgĩnnĩg hilloorito, hátĩ hidtican naa thooꞌthiok ꞌcĩg ĩnaat eeta hõrggẽẽnaa cĩnĩĩng,

Luugithõõ 10:20

Ma ngaati, aaꞌnyĩk hinnia Makayyioohiti habu cĩ Ijjibi hĩllõõr tarĩ nẽ iittiõõ hõllõngaa alahaaneek eet cĩg Ĩꞌthĩraẽlĩ hõõt.

Luugithõõ 10:27

Ma ho, aaꞌnyĩk hinnia Makayyioohiti habu cĩ Ijjibi hĩllõõr hiittiõõ hõllõngaa ẽlẽmaakĩ eet hõõt.

Luugithõõ 11:10

Baa adtican Mũũꞌtha hĩ Arõõnẽ thooꞌthiok iccig ĩnaat eeta ho muumaa cĩ habu cĩ Ijjibi, nẽẽthĩ, aalla aaꞌnyĩk Makayyioohiti habu cĩ Ijjibi hĩllõõr noho nẽ iittiõõ hõllõngaa ẽlẽmaakĩ eet cĩg Ĩꞌthĩraẽlĩ hũtũngteek looc cĩnnĩ.

Luugithõõ 11:9

Ma nĩngaata, uduhaak Makayyioohiti Mũũꞌtha ĩĩnnĩk, “Abũrĩ hatĩ habuui cĩ Ijjibi ngaatĩ athikni nganiit, hátĩ hĩĩtõ mẽẽlĩg thooꞌthioha cĩgannĩg ꞌcĩg ĩnaat eeta looccaa cĩ Ijjibi.”

Luugithõõ 14:17

Haaꞌnyihi hatĩ naa eet cĩg Ijjibi hilloorito nẽ unuyyiõõthĩ ĩhõõggõ. Nẽẽthĩ, edeeꞌnyia hatĩ bulẽẽnĩtĩ caannĩ ngaatĩ hĩllõõanĩĩ habu cĩ Ijjibi, ũũrũtaannĩ cĩgĩnnĩg noho hĩ ꞌgadiggadiꞌnya cĩgĩnnĩg hĩ athegereeꞌnya ꞌcĩg õvvõ nyangõõllẽẽꞌnyanĩ vẽlẽk.

Luugithõõ 14:4

Nẽ haaꞌnyihi hatĩ naa habu cĩ Ijjibi hĩllõõr nẽ ũnũõõthĩ ĩhõõggõ. Nẽẽthĩ hatĩ hũmmũda naa bulẽẽnĩt cĩ ẽlẽ caannĩ, ngaatĩ hĩllõõanĩĩ habu cĩ Ijjibi hĩ ũũrũta cĩgĩnnĩg vẽlẽk, nẽẽthĩ hatĩ iita agaacõ eeta cĩg Ijjibi ngaatĩ hĩĩnnĩ naa Makayyioohit dĩdĩ.” Nĩngĩtĩ adĩmanĩ eeta cĩg Ĩꞌthĩraẽlĩ thõõth icci.

Luugithõõ 14:8

Ma nĩngata, ikia aaꞌnyĩk Makayyioohiti habu cĩ Ijjibi hĩllõõr, nĩngĩtĩ anũõõꞌthĩ eet cĩg Ĩꞌthĩraẽlĩ ꞌcĩg baag ariheek ꞌgõõlaa cĩnĩĩng ꞌthinneetinii ꞌcĩg õkõmĩ.

Luugithõõ 3:19

Nẽẽthĩ, haga naa hõllõngaa hatĩ ẽlẽmaakuung habuui cĩ Ijjibi ngagiit õõtõ, hatĩ nga hĩttĩnganeek aꞌthiiti caannĩ ꞌcĩ attiran ĩnõõnnõ halahaneehuunga.

Luugithõõ 3:20

Nẽẽthĩ hoti ho, hodongi hatĩ naa aꞌthiit caannĩ nẽ huuka eet cĩg Ijjibi thooꞌthiohĩĩ vẽlẽk ĩcĩg ĩnaatti, ĩcĩg hatĩ hadĩmani naa hõrggẽẽnaa cĩnĩĩng. Ma urutaa cĩnnĩ, ẽlẽmaakuung hatĩ õõtõ.

Luugithõõ 7:13

Ma ngaati, aalla tarĩ nga adĩĩtĩ habu cĩ Ijjibi õõ pĩd noho nẽ hõllõngaa athĩhĩ thõõth cĩ Mũũꞌtha hĩ cĩ Arõõnẽ ho buúk, hĩ baa aduha Makayyioohiti.

Luugithõõ 7:3

Nẽẽthĩ, haaꞌnyihi hatĩ naa habu cĩ Ijjibi hĩllõõr, tananga hadticani thooꞌthiok ꞌcĩg mẽẽlĩg ꞌcĩg ĩnaat eeta Ijjiba,

Luugithõõ 8:11

Uunnikii hatĩ lõkĩdõdõõknya nganiit hĩ ꞌcieethi cugunnig, hĩ makayyiook cugunnig hĩ eet cugguung, idiongan hatĩ nẽẽg Naaĩlatõõ diooni.”

Luugithõõ 8:15

Ma baa acĩn habuui cĩ Ijjibi ngaatĩ aku abũnnayyĩ lõõcĩ ho, ikia ĩllõõr tarĩ nẽ ũtũbũr ngaatĩ athĩknĩ thõõth cĩ Mũũꞌtha hĩ cĩ Arõõnẽ, haau hĩ baa ꞌthẽk aduha Makayyioohiti.

Luugithõõ 8:32

Nẽẽthĩ kõr icci buúk, aalla nga aku ĩllõõrĩth habuui cĩ Ijjibi noho nẽ ẽtẽdẽyẽẽhĩ eet ꞌgõõl ngaatĩ õõĩ.

Luugithõõ 9:12

Nẽẽthĩ, baa hinnia aaꞌnyĩk Makayyioohiti habu cĩ Ijjibi hĩllõõr, hiittiõõ hõllõngaa athĩhĩ Mũũꞌtha hode Arõõnẽ, hĩ baa ꞌthẽk aduhaak Makayyioohiti Mũũꞌtha.

Luugithõõ 9:35

Nĩngĩtĩ ĩllõõrrĩ ꞌthẽk habuui cĩ Ijjibi haaga nẽ ũtũbũr ngaatĩ ẽlẽmaakĩ Ĩꞌthĩraẽl hõõt, hĩ baa ꞌthẽk aduha Makayyioohiti ũtũũgaa cĩ Mũũꞌtha.

Yõaannẽ 12:40

“Akata Nyekuci hẽbẽrĩ cĩggĩĩng, nẽ aaꞌnyĩk ooti cĩggĩĩng hilloorito. Adĩman Nyekuci thõõth icci, hátĩ hiittiõõ hõllõngaa acĩnĩ nẽẽgĩ, nẽ iittiõõ hõllõngaa athĩknĩ, nẽ iittiõõ hõllõngaa õbõda hĩ nganĩĩt nẽ haaꞌnyĩha ĩhõõggõ hũbũttaathõ.”

ꞌRooma 1:28

Nẽẽthĩ hoti ho, hĩcĩ ũtũbũrĩt eeta cieeg ngaatĩ aꞌthũũnnĩ thõõth cĩ Nyekuci ho, ikia alahanẽẽhĩ nẽẽ muhẽẽnĩt ꞌcĩ abathĩ haggam ĩhõõggõ, hátĩ hĩdĩmanit nẽẽg thooꞌthiok ꞌcĩg hõllõngaa occa adĩmanni.

ꞌRooma 9:18

Nẽẽthĩ hoti ho, ammaannĩk Nyekuci eet ꞌcĩg adiim ammaannĩk nẽẽnĩ nẽ aaꞌnyĩk ꞌlõõrĩth eet ꞌcĩg adiim nẽẽ hilloorito.

2 Korinthia 2:16

Nẽ eeta ꞌcĩg iꞌngittõõthĩ, õꞌngõlĩ nyeemuut ꞌcĩ abũnnaa hĩ ĩhõõggõ, muyuuk ꞌcĩ õꞌngõlĩ daahĩth, nẽ hĩ eet cĩg eelliaa, õꞌngõlĩ nyeemuut hĩ ĩhõõggõ, muyuuk cĩ rũgẽtõ nẽ nganĩ ꞌthẽk ꞌcĩ occa ũũlũ ngaatĩ adticanĩ dtiic icci aaddi ho?

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.