Luugithõõ 3:6 - ꞌBuuk cĩ Thõõth cĩ Nyekuci

⁶ Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.

Luugithõõ 3:6 ပူးပေါင်းရင်းမြစ်များ

ꞌThianaattõ 12:1

Ma baa aau Abũraamõ looccaa cĩ Haraanĩ ĩꞌthõng, ikia ũtũvvũ Nyekuci Makayyioohiti ĩnõõnnõ ĩĩnnĩk, “Abũraamõ, tũngeek looc cunni hĩ eet cugunnig hĩ õlõ cĩ maaconu vẽlẽk nẽ uuhu looccaa ꞌcĩ hatĩ hõkõ heterꞌtheekii naana.”

ꞌThianaattõ 12:7

Ma nĩngaata, uppwaannak Makayyioohiti Nyekuci Abũraamõ tarĩ nẽ ĩĩnnĩk ĩnõõnnõ, “Ĩĩn lõõcĩ ciee looc ꞌcĩ hatĩ haaꞌnyihi naa ngeeruni.” Ma nĩngaata, etehenyeek Abũraamõ Makayyioohit ꞌcĩ uppwaannak ĩnõõnnõ ho, nĩngĩtĩ ĩbbõõrĩkĩ Nyekuc ꞌgaarrieenit.

ꞌThianaattõ 17:3

Nĩngĩtĩ akannĩ Abũraamõ huruꞌnyia nẽ ĩĩnnĩk Nyekuci ĩnõõnnõ,

ꞌThianaattõ 24:12

Ma ho, alaõ dticciannioohiti cĩ Abũrahamĩ ho ĩĩ, “Makayyioohit Nyekuc cĩ makayyioohit caannĩ Abũrahaamõ, ẽlaa hũmmũda ngaa ꞌcĩ hakuunahi ho. Teretheek makayyioohit caannĩ Abũrahaamõ tarbalꞌthẽẽt cunni.

ꞌThianaattõ 26:24

Ma baalin niccia, ũũk uppwaannak Makayyioohiti Nyekuci ĩnõõnnõ nẽ ĩĩnnĩk, “Hĩĩnĩ naa Nyekuc cĩ maaconu Abũrahaamõ. Ma hiteelli, haꞌthuunni hatĩ naa nganiit nẽ haggataniina nẽ haaꞌnyii lõhõlĩ ꞌcĩg mẽẽlĩg, hĩnĩngĩtĩ thõõth baa haduhaahi naa dticciannioohit caannĩ Abũrahaamõ.”

ꞌThianaattõ 28:13

Baa abĩllaa Makayyioohiti hẽẽtahujjieen nẽ õthõõthak ĩnõõnnõ ĩĩnnĩk, “Nganĩĩt Makayyioohit Nyekuc cĩ maaconu Abũrahaamõ hĩcĩ Iꞌthaako. Haaꞌnyii hatĩ naa nganiit hĩ lõhõlĩ cugunnig, looc ꞌcĩ ꞌyioko oongiyyii nii ho.

ꞌThianaattõ 28:17

Nĩngĩtĩ itieelini nẽẽ gẽrrẽẽt nẽ ummuk ĩĩ, “Nĩngĩtĩ occa gõõng ꞌcĩ aaĩ hutuno ciee! Occa ꞌthẽk ꞌgõõl cĩ hattũũg cĩ õlõ cĩ Nyekuci cieeni!”

ꞌThianaattõ 31:42

Má hiittiõõ Nyekuci cĩ baaba Abũrahaamõ hĩ Iꞌthaako ngaatĩ ẽbẽka nganĩĩt tõõ, occa baa itiggiawaa haaga hiꞌthihi ꞌgii ꞌcĩ hõkõõĩ buúk. Nẽ ꞌyioko, ĩcĩn Nyekuci pĩĩrnanĩt caannĩ, hĩ dtiic baa hadĩmaneekii naa nganiita, ĩnõõ ꞌcĩ eggerꞌnyeeki nẽẽ nganiit aabaal ko.”

ꞌThianaattõ 32:9

Ma nĩngaata, alaõ Yakobo ĩĩ, “Nyekuc cĩ hĩbaangĩ cĩgannĩg Abũrahaamõ hĩ Iꞌthaako, nii Makayyioohiti baa aduhaaka nganĩĩt anneeka, ‘Bodooth looccaa cunuung, bĩĩt mũdoothĩk ittioonniok cugunnig nẽ hatĩ haaꞌnyii baliinit.’

Luugithõõ 15:2

Ĩĩn Makayyioohiti ꞌtirrian caannĩ hĩ tẽgẽl caannĩ; ikia ĩĩ nẽẽ ellioohit caannĩ. Ĩĩn nẽẽ Nyekuc caannĩ, nẽ hadihithi hatĩ naa ĩnõõnnõ, Nyekuc cĩ nyakangaan caannĩ, habuluthi hatĩ naa ĩnõõnnõ.

Luugithõõ 3:16

“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Luugithõõ 4:5

Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

Maatteeo 17:6

Ma baa athĩhĩ nuyyiooha thõõth icci ho, iita itingolli nẽẽg gẽrrẽẽt, nĩngĩtĩ ẽttẽẽdĩ looc nĩngaata tẽẽlꞌthĩta.

Maatteeo 22:32

‘Hĩĩnĩ naa Nyekuc cĩ Abũrahamĩ, Nyekuc cĩ Iꞌthaako hĩ Nyekuc cĩ Yakobo.’ Ĩĩn nẽẽ Nyekuc cĩ eet ꞌcĩg arũgĩ, hõllõngaa ĩĩn Nyekuc cĩ daakiahu.”

Maarko 12:26

Agayyu niig thõõth ꞌcĩ arũgthaanĩ Nyekuci eet daahĩtha nẽ agayyu dtẽẽllẽn cĩg Mũũꞌtha hĩ thõõth baa atũũthẽnĩ tumuth nẽ ĩĩnnĩk Nyekuci ĩnõõnnõ, ‘Hĩĩnĩ naa Nyekuc cĩ Abũrahamĩ hĩ cĩ Iꞌthaako nẽ hĩĩna Nyekuc cĩ Yakobo.’

ꞌLuuka 20:37

Nẽẽthĩ, dtẽẽllẽnĩĩ baag atũũthẽnĩ tumutha, baa ẽtẽrꞌtha Mũũꞌtha ngaatĩ arũgnaanĩ eeta daahĩtha, hĩnĩngĩtĩ baa avvĩ nẽẽ Makayyioohit anneek, ‘Nyekuc cĩ Abũrahamĩ hĩ Nyekuc cĩ Iꞌthaako hĩ Nyekuc cĩ Yakobo.’

ꞌLuuka 5:8

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

Dtiicanĩ cĩg ꞌThooyyiahu 7:32

‘Nganĩĩt Nyekuc cĩ hĩbaangĩ cugunnig, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.’ Ikia abarrit Mũũꞌtha gẽrrẽẽt, nĩngĩtĩ abũrrĩ ngaatĩ acĩnĩ tumuth tĩho.

Dtiicanĩ cĩg ꞌThooyyiahu 7:34

Hĩcĩna naa pĩĩrnanĩt ꞌcĩ accananiini eeta cĩgannĩg Ijjiba. Hĩthĩha ulwa cĩnĩĩng nẽ ꞌyioko hikia loota hikia hõõga ĩhõõggõ. Nẽẽthĩ ꞌyioko, ijjia hĩꞌthooii bodooth Ijjiba.’

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 12:21

Baa abarrit Mũũꞌtha gẽrrẽẽt nẽ ĩĩ, “Habarriti naa tẽẽlꞌthĩtaa cobbi.”

Terethiinit 1:17

Ma baa hadtuuha ĩnõõnnõ ho, hẽttẽẽda looc ꞌthõõnĩĩ cĩgĩnnĩg haau hĩ ẽẽtĩ ꞌcĩ hadaaha ẽlẽk. Nĩngĩtĩ ataadĩka aꞌthiit cĩnnĩ cobbi nẽ ĩnnĩhaa, “Ma hiꞌngolli! Nganĩĩt ꞌcĩ hiꞌthianẽẽkĩ hẽlẽggĩ vẽlẽk nẽ nganĩĩt ꞌcĩ hadtuurna.