Luugithõõ 3:20 - ꞌBuuk cĩ Thõõth cĩ Nyekuci

²⁰ Nẽẽthĩ hoti ho, hodongi hatĩ naa aꞌthiit caannĩ nẽ huuka eet cĩg Ijjibi thooꞌthiohĩĩ vẽlẽk ĩcĩg ĩnaatti, ĩcĩg hatĩ hadĩmani naa hõrggẽẽnaa cĩnĩĩng. Ma urutaa cĩnnĩ, ẽlẽmaakuung hatĩ õõtõ.

Luugithõõ 3:20 ပူးပေါင်းရင်းမြစ်များ

ꞌThianaattõ 15:14

Nẽẽthĩ, hõkõ hatĩ huuki naa eet cĩg looc ꞌcĩ aaꞌnyĩk ĩhõõggõ hĩĩtõ appahacaaꞌnya ho. Nẽ urutaa cĩnnĩ, aluuga hatĩ nẽẽg looccaa ꞌcĩ ꞌrĩĩng hata. Õthõkta hatĩ nẽẽg baliinit cobbi gẽrrẽẽt.

Luugithõõ 11:1

Nẽẽthĩ ꞌyioko, uduhaak Makayyioohiti Mũũꞌtha ĩĩnnĩk, “Nga haꞌnyahaahi naa habu cĩ Ijjibi, hĩ looc cĩ Ijjibi ꞌthẽrẽt umwa tarĩ noho. Ma urutaa cĩ, ẽlẽmaakuung hatĩ nẽẽ õõtõ, nẽẽthĩ ma ĩdĩman noho, itiggiaeehuung aattĩ hatĩ ꞌgõõl õõt ũdũt.

Luugithõõ 12:39

Iita ĩwaaddia nẽẽg ũbũnẽẽt ꞌcĩg nga harrihoothĩk abũũlana, tũkaanaa ĩbaa aꞌnyaha nẽẽg Ijjiba. Baa nga harrihoothĩk tũkan tĩho abũũlana, hĩnĩngĩtĩ baa iiggia eeta cĩg Ijjibi ĩhõõggõ nẽ iittiõõ kõrra ꞌcĩ occa atturri nẽẽg ꞌgẽẽn ꞌcĩ occa adak tõõ.

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 13:9

Ĩĩn karrama ciee cunni haau hĩ nyamacaar ꞌcĩ aaĩ attiaa cunni nẽ aau hĩ nyamacaar ꞌcĩ aꞌnyahi nii attia hode muumaa cunni. Aꞌnyĩĩk hatĩ gõõng hummuhaahi karrama ciee hõdõõkõthĩ, hátĩ tigiil ꞌlimman icci Makayyiookto ho, ‘Baa ẽẽlannuung Makayyioohiti ngagiit looccaa cĩ Ijjibi attiaa cĩnnĩ ĩĩcĩ attiranĩ.’

Luugithõõ 15:11

Nganĩ umwaa nyekuꞌnyaannĩ, ꞌcĩ occa aduhoonnu hĩ nganiit Makayyioohit? Nganĩ ꞌcĩ aaĩ hĩ nii, attirani nii bulẽẽtta hĩ ꞌlẽẽmĩtha, ĩllõõani nii bulẽẽtta nẽ ĩdĩmanuu thooꞌthiok ꞌcĩg ĩnaat eeta.

Luugithõõ 15:6

Aꞌnyamanni aꞌthiiti cunni cobbi ꞌtirriaana Makayyioohit. Ĩꞌthaan aꞌthiiti cunni cobbi mĩrõk Makayyioohit.

Luugithõõ 4:21

Baa nẽ uduhaak Makayyioohiti Mũũꞌtha ĩĩnnĩk, “Ma õdõlanuu Ijjib, mũdoothĩk habu cĩ Ijjibi nẽ idticanuu thooꞌthiok vẽlẽk ꞌcĩg ĩnaat eeta, baag haduhaakii naa hanneekii bĩĩt hatĩ dticcian. Nẽẽthĩ, haaꞌnyihi hatĩ naa ꞌthĩnĩt cĩnnĩ hĩllõõr hiittiõõ hõllõngaa alahaneek eet hõõt.

Luugithõõ 6:1

Nĩngĩtĩ aduhaakĩ Makayyioohiti Mũũꞌtha annẽẽkĩ, “Acini aattĩ hatĩ nii ꞌyioko thõõth ꞌcĩ hadticaneehi naa habu cĩ Ijjibi. Hĩnĩngĩtĩ ꞌtirrian cĩ aꞌthiit caannĩ, alahaneek hatĩ nẽẽ eet hõõt nẽ itiggia ĩhõõggõ looccaa cĩnnĩ.”

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 9:15

Hĩnĩngĩtĩ kõr icci, occa harukii naa nganiit hĩ eet cugunnig vẽlẽk, ꞌthẽrẽtaa ꞌcĩ aggĩĩrannuung loota nĩnga vẽlẽk ĩĩtõ ꞌthĩĩ.

Dtiicanĩ cĩg ꞌThooyyiahu 7:36

Nĩngĩtĩ õõganĩ nẽẽ ĩhõõggõ Ijjiba ngaatĩ adticanĩ hẽlẽggĩ ꞌcĩg ĩnaat eeta Ijjiba hĩ Bũlũcaa ꞌcĩ Marihi, hĩ irkiꞌnyiaannĩĩ ꞌcĩg baag ĩĩn hẽẽn ꞌwec horrwaa ꞌcĩ õdõhõhĩĩ kak.