Luugithõõ 3:18 - ꞌBuuk cĩ Thõõth cĩ Nyekuci

¹⁸ “Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’

Luugithõõ 3:18 ပူးပေါင်းရင်းမြစ်များ

ꞌThianaattõ 12:1

Ma baa aau Abũraamõ looccaa cĩ Haraanĩ ĩꞌthõng, ikia ũtũvvũ Nyekuci Makayyioohiti ĩnõõnnõ ĩĩnnĩk, “Abũraamõ, tũngeek looc cunni hĩ eet cugunnig hĩ õlõ cĩ maaconu vẽlẽk nẽ uuhu looccaa ꞌcĩ hatĩ hõkõ heterꞌtheekii naana.”

ꞌThianaattõ 14:13

Ma ho, ikia uduhaak eet umwaa ꞌcĩ avvira joratõõ Abũraamõ eet ꞌcĩ ĩĩn Ebereeinit, thõõth ꞌcĩ aggamiini Lõõtĩ ho. Baa aꞌnyak Abũraamõ õlõ cĩnnĩ nohota ngaatĩ õbõhõõ hĩ hẽẽn cĩg Mamre eet cĩ Amoorĩ. Baa ĩĩn Mamre hĩ ꞌgõtõõnõgĩ ꞌcĩg haĩ Ethokol hĩ Aner, eet ꞌcĩg õõkõrõõ hĩ Abũraamõ gẽrrẽẽt.

ꞌThianaattõ 15:1

Ma baa urutaa cĩ thooꞌthiok iccig vẽlẽk, ikia aaꞌnyĩk Makayyioohiti Abũraamõ hõhõnõõthĩ nẽ ĩĩnnĩk, “Abũraamõ, ma hiteelli, hĩĩnĩ hatĩ naa hilib ꞌcĩ heteiinni nganiit thooꞌthiohĩĩ ꞌcĩg abathĩ. Haggatannii hatĩ naa nganiit gẽrrẽẽt.”

ꞌThianaattõ 17:1

Ma baa õdõlanit Abũraamõ irkiꞌnyia ĩĩtõ hẽẽn tũrkũwwec hĩ tũrkũwwec (99), ikia uppwaannak Makayyioohiti ĩnõõnnõ nẽ ĩĩnnĩk, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. Má athihi thõõth caannĩ hõdõõkõthĩ, dĩman thõõth ꞌcĩ aũlanĩ.

ꞌThianaattõ 48:3

Ma nĩngaata, uduhaak Yakobo Yothebo ĩĩnnĩk, “Yothebo, baa uppwannakaa nganĩĩt Nyekuci ꞌTirriannioohiti ꞌcĩ ĩllõõan vẽlẽk ꞌLuutha looccaa cĩ Kanaanĩ, nĩngĩtĩ aggatanna

Luugithõõ 10:3

Nĩngĩtĩ õõ ammũdõõthĩkĩ Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ebereei cieeni, ‘Aburi hatĩ nii ngaatĩ athĩkna nganĩĩt ĩꞌthõng ningina? Lahaneeka eet cĩgannĩg hõõt halayyia nganĩĩta.

Luugithõõ 17:5

Ma nĩngaata, ẽdẽc Makayyioohiti Mũũꞌtha ĩĩnnĩk, “Tuanẽẽhĩ nẽẽ nii eet ĩĩcĩ oou. Thõhõt makayyiook ũgĩ cĩg eet cĩg Ĩꞌthĩraẽlĩ nẽ othohotuu hĩbahĩt baa uuki nii hidioo cĩ Naaĩlĩ buúk attiaa cunni nẽ oottu.

Luugithõõ 19:1

Ma baa urutaa cĩ nyĩlõhĩ iyyio, iita ũtũngteek eeta cĩg Ĩꞌthĩraẽlĩ Ijjib, kõr niccia dẽẽdẽ nẽ õõt õdõlanit horu ꞌcĩ õdõhõhĩĩ kak ꞌcĩ haĩ ꞌThĩnaĩ.

Luugithõõ 3:12

Nẽ ĩĩnnĩk Nyekuci ĩnõõnnõ, “Haaĩ hatĩ naa hĩ nganiita. Nẽ ĩĩn hatĩ ciee terethiinit hĩ nganiit ꞌcĩ ẽtẽrꞌtha aĩ, nganĩĩt ꞌcĩ hĩꞌthooyyii nganiita. Ma ũũk uluugaĩĩ nii eet looccaa cĩ Ijjibi, auunnu hatĩ alayyu Nyekuc muuraa cĩ.”

Luugithõõ 3:16

“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Luugithõõ 4:1

Baa ẽdẽcĩ Mũũꞌtha Nyekuc anneek, “Ma hatĩ ma hõllõngaa ẽlẽmma eeta cĩg Ĩꞌthĩraẽlĩ nganĩĩt hode hõllõngaa athĩkna nẽẽg nganĩĩt nẽ ĩĩttĩhaa, ‘Baa nga huppwaannahii Makayyioohiti nganiita’?”

Luugithõõ 4:23

nẽ baa huduhaahii naa nganiit hiinnihii, “Aꞌnyĩĩk loholeec caannĩ hũũk, hátĩ hũũk halawa nganĩĩta.” Nẽẽthĩ, ẽdẽnẽẽkĩ hinnia ngaatĩ õkõõĩ, nẽẽthĩ hoti ho, haruhi hatĩ naa ngeeruni ꞌcĩ oou hadaak.’ ”

Luugithõõ 4:24

Ma ꞌgõõla, ngaatĩ gõõng ooginni eeta, iita ommottio Makayyioohiti hĩ Mũũꞌtha, nĩngĩtĩ abũcanaanĩ Makayyioohiti Mũũꞌtha aĩ huruk hadaak.

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Luugithõõ 5:1

Ma baa uruta, iita õõt ummuddioothĩk Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ĩꞌthĩraẽlĩ cieeni, ‘Aꞌnyĩĩk eet cĩgannĩg hõõt hadahit karrama ꞌcĩ adĩhĩꞌtha nganĩĩt horrwaa ꞌcĩ õdõhõhĩĩ kak.’ ”

Luugithõõ 5:3

Ma ho, ĩĩttĩk Mũũꞌtha hĩ Arõõnẽ ĩnõõnnõ, “Baa hommotoonna naag hĩ Nyekuc cĩ Ebereei. Nẽẽthĩ ꞌyioko, anyeet heeroni cĩ waathinniook iyyio, hõõt hibboorriha Makayyioohit Nyekuc cĩnaang ꞌgaarriẽẽn horrwaa ꞌcĩ õdõhõhĩĩ kak, hátĩ hiittiõõ hõllõngaa uukeet mooriꞌthioohĩ hode eꞌngedĩtteet nyetuboota.”

Luugithõõ 7:16

Nẽ ĩĩnnĩhuu ĩnõõnnõ, ‘Ĩꞌthõõannaa nganĩĩt Makayyioohiti Nyekuci cĩ Ebereei, hikia hiinnihii nganiit, lahaneek eet cĩgannĩg hõõt, hátĩ hõõt halayyia nganĩĩt horrwaa ꞌcĩ õdõhõhĩĩ kak. Nẽẽthĩ hĩĩ noho, nga aburi nii thõõth caannĩ.

Luugithõõ 8:1

Ma ho, ĩĩnnĩk Makayyioohiti Mũũꞌtha, “Bĩĩt duhaak habu cĩ Ijjibi anneek, ‘Thõõth ꞌcĩ aduha Makayyioohiti cieeni. Lahaneek eet cĩgannĩg, hátĩ hõõt halayyia nganĩĩta.

Luugithõõ 8:20

Ma ho, ĩĩnnĩk Makayyioohiti Mũũꞌtha, “Lõõk da lohotha ngerrenita, õõt ommottio hĩ habu cĩ Ijjibi ꞌgõõlaa ꞌcĩ õkõõĩ hidiaa nẽ uduhaahu ĩnõõnnõ ĩĩnnĩhuu, ‘Thõõth ꞌcĩ aduha Makayyioohiti ciee aĩ, lahaneek eet cĩgannĩg hõõt halayyia nganĩĩta.

Luugithõõ 8:23

Heꞌngeri hatĩ naa eet cĩgannĩg hĩ eet cugunnig haauto ẽmmẽn. Edeeꞌnyia hatĩ thõõth ꞌcĩ ĩnaat eeta ho lohotha.’ ”

Luugithõõ 9:1

Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi bĩĩt duhaak anneek, ‘Thõõth ꞌcĩ aduha Makayyioohiti Nyekuci cĩ Ebereei cieeni, “Aꞌnyĩĩk eet cĩgannĩg hõõt halayyia nganĩĩta.”

Luugithõõ 9:13

Ma tarĩ ho, ikia uduhaak Makayyioohiti Mũũꞌtha ĩĩnnĩk, “Tĩnga lohotha ngerrenita õõt ommottio hĩ habu cĩ Ijjibi nẽ ĩĩnnĩhuu, ‘Thõõth ꞌcĩ aduha Makayyioohiti Nyekuci cĩ Ebereei cieeni. Lahaneek eet cĩgannĩg hõõt halayyia nganĩĩta,