Luugithõõ 3:16 - ꞌBuuk cĩ Thõõth cĩ Nyekuci

¹⁶ “Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba.

Luugithõõ 3:16 ပူးပေါင်းရင်းမြစ်များ

ꞌThianaattõ 1:7

Nĩngĩtĩ aarĩkĩ Nyekuci nĩngĩtĩ ẽꞌngẽr maam cĩg lokoru hĩ cĩg lootu haauto cũũmõ cũũmõ. Nẽ baa ꞌthẽk aau noho dĩdĩ.

ꞌThianaattõ 21:1

Baa accamana Makayyioohiti Thaara gẽrrẽẽt, nĩngĩtĩ adĩmanẽẽkĩ ĩnõõnnõ thõõth baa aduha nẽẽnĩ.

ꞌThianaattõ 28:13

Baa abĩllaa Makayyioohiti hẽẽtahujjieen nẽ õthõõthak ĩnõõnnõ ĩĩnnĩk, “Nganĩĩt Makayyioohit Nyekuc cĩ maaconu Abũrahaamõ hĩcĩ Iꞌthaako. Haaꞌnyii hatĩ naa nganiit hĩ lõhõlĩ cugunnig, looc ꞌcĩ ꞌyioko oongiyyii nii ho.

ꞌThianaattõ 48:15

Nĩngĩtĩ aggatanĩ nẽẽ Yothebo annẽẽkĩ, “Aꞌnyĩĩk Nyekuc baa adticanoothĩk Abũrahamĩ hĩ Iꞌthaako, nẽ ĩĩ tũhayyioohit caannĩ rũgẽtaa caannĩ vẽlẽk,

ꞌThianaattõ 50:24

Ma baa ĩcĩnõõthĩ Yothebo õbõhĩ daahĩthĩ, ũtũvva ꞌgõtõõnõgĩ nẽ ĩĩnnĩk, “Hõlõ lõggõõ cieegi, nganĩĩt mĩĩ ciee ĩcĩttaangu hõbõhĩ hadaaha ho. Nẽ ma hammuku ainnu eelluung occa hatĩ nganĩ. Aꞌthuunnuung hatĩ Nyekuci ĩꞌthõng hobodduung looccaa ĩbaa ippotaneek nẽẽ Abũrahaamõ hĩ Iꞌthaako hĩ Yakobo.”

Luugithõõ 1:8

Ma ho, ikia aggam habuui umwaa ꞌcĩ baa hõllõngaa aga Yothebo Ijjib.

Luugithõõ 13:19

Baa õcõõd Mũũꞌtha ẽmmẽ cĩg Yothebo buúk, hĩnĩngĩtĩ baa aaꞌnyĩk Yothebo lõhõlĩ cĩg Ĩꞌthĩraẽlĩ hũbũtanit lõbũtĩ ꞌcĩ aĩ, “Aku hatĩ eelluung Nyekuci ngagiit dĩdĩ. Nẽẽthĩ, ocoodit ẽmmẽ cĩgannĩg hatĩ uluuktu ngaati.”

Luugithõõ 15:14

Athĩhĩ hatĩ eeta loonyini nẽ abarritita; ahayũnganni hatĩ eeta cĩg Viliꞌthia gẽrrẽẽt.

Luugithõõ 17:5

Ma nĩngaata, ẽdẽc Makayyioohiti Mũũꞌtha ĩĩnnĩk, “Tuanẽẽhĩ nẽẽ nii eet ĩĩcĩ oou. Thõhõt makayyiook ũgĩ cĩg eet cĩg Ĩꞌthĩraẽlĩ nẽ othohotuu hĩbahĩt baa uuki nii hidioo cĩ Naaĩlĩ buúk attiaa cunni nẽ oottu.

Luugithõõ 18:12

Ma nĩngaata, ittiha ꞌJeꞌthoro hõmõnẽẽcĩ cĩ Mũũꞌtha, ꞌbaaninit ꞌcĩ ĩwaaddi hĩ ꞌgaarriẽẽn ũgĩ nẽ aaꞌnyĩk Nyekuc, nĩngĩtĩ au aduhi Arõõnẽ hĩ makayyiook cĩg eet cĩg Ĩꞌthĩraẽlĩ, ũbũnẽẽt hõdẽĩ hĩ homoneec cĩ Mũũꞌtha hẽbẽrẽẽnnĩĩ cĩg Nyekuci.

Luugithõõ 2:25

Nĩngĩtĩ ẽdẽẽnyanĩ Nyekuci eet cĩg Ĩꞌthĩraẽlĩ nẽ atamaatĩk ĩhõõggõ.

Luugithõõ 24:11

Tananga baa ĩcĩnĩt nyakangaaꞌnya cĩg Ĩꞌthĩraẽlĩ Nyekuc, baa hõllõngaa aruk Nyekuci ĩhõõggõ buúk. Nĩngĩtĩ aduhẽẽnĩ nẽẽg nẽ uhuddi muumaa cĩ Makayyiookto.

Luugithõõ 3:2

Ma nĩngaata, uppwaannak aajĩlõ cĩ Makayyiookto Mũũꞌtha ꞌgwoyyiaa ꞌcĩ atũũth tumuth umwa. Baa adtuuha nẽẽ ꞌgwoo ngaatĩ aggamĩ tumuth nẽ hinnia hõllõngaa atũũthĩ buúk.

Luugithõõ 3:6

Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.

Luugithõõ 4:1

Baa ẽdẽcĩ Mũũꞌtha Nyekuc anneek, “Ma hatĩ ma hõllõngaa ẽlẽmma eeta cĩg Ĩꞌthĩraẽlĩ nganĩĩt hode hõllõngaa athĩkna nẽẽg nganĩĩt nẽ ĩĩttĩhaa, ‘Baa nga huppwaannahii Makayyioohiti nganiita’?”

Luugithõõ 4:29

Nĩngĩtĩ alũtaanĩ Mũũꞌtha hĩ Arõõnẽ makayyiook cĩg Ĩꞌthĩraẽlĩ vẽlẽk,

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Luugithõõ 4:5

Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

Maatteeo 26:3

Ma ho, iita ulutti makayyiooha cĩg paadĩrꞌnyaannu hĩ makayyiook cĩg eetuk ꞌcieethaa cĩ Kaĩava, eet ꞌcĩ baa ĩĩn paadĩr cobbi.

ꞌLuuka 1:68

“Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

ꞌLuuka 19:44

Õrrõyõõhaneekuung hatĩ nẽẽg ngagiit looc, hõdẽĩ hĩ lõhõlĩ cugguung vẽlẽk. Hĩnĩngĩtĩ hõllõngaa hatĩ ũũnnĩk mĩrõha cugguung bẽẽ umwa hataadĩ ꞌgoonnia, hĩnĩngĩtĩ hõllõngaa elemmu niig kõr cĩ elliaanĩt cunuung.”

Dtiicanĩ cĩg ꞌThooyyiahu 11:30

Nĩngĩtĩ aduhaakĩ nẽẽg Baarnaba hĩ ꞌThaaulo hootti ꞌbaaninit cĩnĩĩng haꞌnyaktoothĩk makayyiook cĩg lemmioohu ꞌJeruꞌthalẽma.

Dtiicanĩ cĩg ꞌThooyyiahu 15:14

Ẽddẽbaheet ꞌThimõõnẽ ꞌgõõl ꞌcĩ baa akuuni Nyekuci ĩĩcĩ oou hĩ eet ꞌcĩg hõllõngaa ĩĩn ꞌJudeei nẽ aaꞌnyĩk ũgĩ hĩĩtõ eet cĩgĩnnĩg.

Dtiicanĩ cĩg ꞌThooyyiahu 20:17

Ma Mileeto, ĩꞌthooĩk Paaulo nyeemuut makayyiook cĩg lothippit cĩ lemmiook cĩg Eevvetho.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 5:1

Nẽ ꞌyioko, haꞌnyahi thõõth ꞌcĩ hadiim haduhaakuung ngagiit makayyiook cĩg lothippit cĩ lemmioohu. Hĩĩnĩ naa buúk makayyioohit nẽ hĩĩna hebereec cĩ ꞌcannan cĩ Krĩstõ nẽ hõthõlla hatĩ naag buúk hĩ ĩnõõnnõ bulẽẽnĩt cĩnnĩ, hatĩ ikia õbõda nẽẽ loota nĩnga. Halayyuung ngagiit hĩ makayyioohiti ꞌcĩ haduhõõ hĩ ngagiit thõng.

ꞌRuuth 1:6

Nĩngĩtĩ athĩknĩ Naoomi aĩ, ikia ẽẽl Makayyioohiti eet cĩgĩnnĩg looccaa cĩ ꞌJuuda, ngaatĩ aaꞌnyĩkĩ hibbiirito manẽẽna tarĩ. Ma nĩngaata, iita ũkũmattoothĩk Naoomi hĩ alawanĩt cĩgĩnnĩg ko ꞌrammaattiyyiaak, nĩngĩtĩ ũũnnĩkĩ Mõab nẽ oboddiõõthĩ õõt ĩĩcĩ looc cĩnnĩ.