Luugithõõ 3:15 - ꞌBuuk cĩ Thõõth cĩ Nyekuci

¹⁵ Baa aduhaak Nyekuci Mũũꞌtha anneek, “Duhaak eet cĩg Ĩꞌthĩraẽlĩ anneek, ‘Ĩꞌthõõannaa Makayyioohiti Nyekuci cĩ maajihu cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo, hikia hĩ ngagiita. Haĩ ꞌthaar cĩgannĩg, Makayyioohit, ꞌthaar cĩgannĩg cieeg ooo. ꞌThaar ꞌcĩg hatĩ ammuhaanna nganĩĩt eeta hĩ lõhõlĩ cĩg lõhõlĩ ꞌcĩg nga au horumwa.’

Luugithõõ 3:15 ပူးပေါင်းရင်းမြစ်များ

ꞌThianaattõ 24:12

Ma ho, alaõ dticciannioohiti cĩ Abũrahamĩ ho ĩĩ, “Makayyioohit Nyekuc cĩ makayyioohit caannĩ Abũrahaamõ, ẽlaa hũmmũda ngaa ꞌcĩ hakuunahi ho. Teretheek makayyioohit caannĩ Abũrahaamõ tarbalꞌthẽẽt cunni.

Luugithõõ 15:2

Ĩĩn Makayyioohiti ꞌtirrian caannĩ hĩ tẽgẽl caannĩ; ikia ĩĩ nẽẽ ellioohit caannĩ. Ĩĩn nẽẽ Nyekuc caannĩ, nẽ hadihithi hatĩ naa ĩnõõnnõ, Nyekuc cĩ nyakangaan caannĩ, habuluthi hatĩ naa ĩnõõnnõ.

Luugithõõ 15:3

Ĩĩn Makayyioohiti toromeec; haĩ ꞌthaar cĩgĩnnĩg Makayyioohit.

Luugithõõ 3:13

Ma ho, ĩĩnnĩk Mũũꞌtha Nyekuc, “Má ꞌyioko hũũk naa hĩ eet cĩg Ĩꞌthĩraẽlĩ nẽ hũũk hĩĩnnĩha ĩhõõggõ, ‘Ĩꞌthõõannaa nganĩĩt Nyekuci cĩ maajihu cugguung hikia hĩ ngagiit,’ nẽ ijitta nganĩĩt ĩĩttĩhaa, ‘Haĩ ꞌthaar cĩgĩnnĩg nganĩ?’ Haduhaahi occa hatĩ naa ĩhõõggõ hanneehi ne?”

Luugithõõ 3:6

Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.

Luugithõõ 4:1

Baa ẽdẽcĩ Mũũꞌtha Nyekuc anneek, “Ma hatĩ ma hõllõngaa ẽlẽmma eeta cĩg Ĩꞌthĩraẽlĩ nganĩĩt hode hõllõngaa athĩkna nẽẽg nganĩĩt nẽ ĩĩttĩhaa, ‘Baa nga huppwaannahii Makayyioohiti nganiita’?”

Luugithõõ 4:5

Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

Luugithõõ 6:2

Nẽ tarĩ ĩĩnnĩk Nyekuci Mũũꞌtha, “Ẽlẽ, hĩĩnĩ naa Makayyioohit.

Maatteeo 22:32

‘Hĩĩnĩ naa Nyekuc cĩ Abũrahamĩ, Nyekuc cĩ Iꞌthaako hĩ Nyekuc cĩ Yakobo.’ Ĩĩn nẽẽ Nyekuc cĩ eet ꞌcĩg arũgĩ, hõllõngaa ĩĩn Nyekuc cĩ daakiahu.”

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

Dtiicanĩ cĩg ꞌThooyyiahu 7:32

‘Nganĩĩt Nyekuc cĩ hĩbaangĩ cugunnig, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.’ Ikia abarrit Mũũꞌtha gẽrrẽẽt, nĩngĩtĩ abũrrĩ ngaatĩ acĩnĩ tumuth tĩho.

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 13:8

Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.