Luugithõõ 3:10 - ꞌBuuk cĩ Thõõth cĩ Nyekuci

¹⁰ Nẽẽthĩ ꞌyioko, hĩꞌthooyyii naa nganiit bĩĩt hĩ habu cĩ Ijjibi, bĩĩt luugaĩĩ eet cĩgannĩg Ĩꞌthĩraẽl Ijjiba.”

Luugithõõ 3:10 ပူးပေါင်းရင်းမြစ်များ

ꞌThianaattõ 15:13

Nĩngĩtĩ annẽẽkĩ Makayyioohiti ĩnõõnnõ, “Gaooth thĩ ngaatĩ au hatĩ õlõmanĩ lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

ꞌThianaattõ 15:14

Nẽẽthĩ, hõkõ hatĩ huuki naa eet cĩg looc ꞌcĩ aaꞌnyĩk ĩhõõggõ hĩĩtõ appahacaaꞌnya ho. Nẽ urutaa cĩnnĩ, aluuga hatĩ nẽẽg looccaa ꞌcĩ ꞌrĩĩng hata. Õthõkta hatĩ nẽẽg baliinit cobbi gẽrrẽẽt.

Luugithõõ 12:40

Baa nohota, baa ĩĩtõ irkiꞌnyia ꞌcĩg aattiyyi eeta cĩg Ĩꞌthĩraẽlĩ Ijjiba, ꞌmiiaꞌnya ꞌwec hĩ hẽẽn iyyio (430).

Luugithõõ 12:41

Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 6:26

Baa Arõõnẽ icci hĩ Mũũꞌtha ꞌcĩg baag anneek Makayyioohiti, “Uluukti eet cĩg Ĩꞌthĩraẽlĩ lothippiꞌnyaannĩĩ cĩggĩĩng vẽlẽk, hũtũngteek looc cĩ Ijjibi.”

Dtiicanĩ cĩg ꞌThooyyiahu 7:34

Hĩcĩna naa pĩĩrnanĩt ꞌcĩ accananiini eeta cĩgannĩg Ijjiba. Hĩthĩha ulwa cĩnĩĩng nẽ ꞌyioko hikia loota hikia hõõga ĩhõõggõ. Nẽẽthĩ ꞌyioko, ijjia hĩꞌthooii bodooth Ijjiba.’

Dtiicanĩ cĩg ꞌThooyyiahu 7:36

Nĩngĩtĩ õõganĩ nẽẽ ĩhõõggõ Ijjiba ngaatĩ adticanĩ hẽlẽggĩ ꞌcĩg ĩnaat eeta Ijjiba hĩ Bũlũcaa ꞌcĩ Marihi, hĩ irkiꞌnyiaannĩĩ ꞌcĩg baag ĩĩn hẽẽn ꞌwec horrwaa ꞌcĩ õdõhõhĩĩ kak.

Dtiicanĩ cĩg ꞌThooyyiahu 7:6

Baa nẽ tarĩ uduhaak Nyekuci Abũrahaamõ ĩĩnnĩk, ‘Au hatĩ õlõman lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

Dtiicanĩ cĩg ꞌThooyyiahu 7:7

Nẽẽthĩ, hõkõ hatĩ huuki naa eet cĩg looc ꞌcĩ aaꞌnyĩk ĩhõõggõ hĩĩtõ appahacaaꞌnya ho. Ma urutaa cĩnnĩ, aluuga hatĩ nẽẽg looccaa ꞌcĩ ꞌrĩĩng hata hiita halayyia nganĩĩt ngaati.’