Luugithõõ 24:8 - ꞌBuuk cĩ Thõõth cĩ Nyekuci

⁸ Ma ho, ittiha Mũũꞌtha biyyi hẽddẽẽma nẽ urwacanĩ eeta. Ma tarĩ ho, ĩĩnnĩk ĩhõõggõ, “Biyyi cĩg lõhõtaak cieegi, baag aarĩk Makayyioohiti hĩ ngagiit, hĩnĩngĩtĩ thooꞌthiok iccig vẽlẽk.”

Luugithõõ 24:8 ပူးပေါင်းရင်းမြစ်များ

Luugithõõ 24:6

Nĩngĩtĩ akannaanĩ Mũũꞌtha biyyi ũgĩ hẽddẽẽmẽẽtĩ nẽ ittiha biyyi ꞌcĩg abadtẽc urwacanĩ nĩngĩtĩ ĩbboorini ꞌgaarrieeniti ho.

Maatteeo 26:28

Biyyi cĩgannĩg cieegi ꞌcĩg ĩĩn lõhõt cĩ Nyekuci hĩ eet cĩgĩnnĩg. Ẽrrẽnnaa, hĩnĩngĩtĩ eet ꞌcĩg mẽẽlĩg, hátĩ hũtũngtoothĩk ꞌthẽccanẽẽta.

Maarko 14:24

Ma nĩngaata, ĩĩnnĩk ĩhõõggõ, “Biyyi cĩg lõhõt caannĩ cieegi, ꞌcĩg hatĩ ẽrrẽnna, hĩnĩngĩtĩ eet vẽlẽk.

ꞌLuuka 22:20

Ma urutaa ꞌcĩ edecciaaĩ ꞌgẽẽna, ittiha hooppo nẽ ĩĩ, “Ĩĩn hooppo ciee lõhõt ꞌcĩ ĩĩn ngeju cĩ biyyi cĩgannĩg, ꞌcĩg hatĩ ẽrrẽnna, hĩnĩngĩtĩ ngagiita.

1 Korinthia 11:25

Nẽ ꞌgõõla hõdẽẽthõng, ittiha nẽẽ hooppo cĩ viinoo nẽ ĩĩ, “Ĩĩn hooppo ciee cĩ lõhõt ꞌcĩ ĩĩn ngeju cĩ biyyi cĩgannĩg, ĩdĩmanit hatĩ gõõng thõõth icci, hatĩ ahuddu biyyi iccig, hátĩ ummuktaayyiaangu nganĩĩta.”

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.