Luugithõõ 24:6 - ꞌBuuk cĩ Thõõth cĩ Nyekuci

⁶ Nĩngĩtĩ akannaanĩ Mũũꞌtha biyyi ũgĩ hẽddẽẽmẽẽtĩ nẽ ittiha biyyi ꞌcĩg abadtẽc urwacanĩ nĩngĩtĩ ĩbboorini ꞌgaarrieeniti ho.

Luugithõõ 24:6 ပူးပေါင်းရင်းမြစ်များ

Luugithõõ 12:22

Akattiaak biyyi hẽddẽẽma. Uduullia bolloohinit nẽ aarrihu biyyẽẽtĩtõõ nẽ urwacattu ngadihẽẽt hĩ hattũũgẽt biyyiẽẽtĩ. Anneek eet ma haduknaannu battaala ĩꞌthõng haal lõõcĩ.

Luugithõõ 12:7

Aꞌnyĩĩk hitikta biyyi hurrwacanit ngadihẽẽt hĩ hattũũgẽt lokoraa cĩg ꞌcieethi ꞌcĩg adahĩ nẽẽg mĩꞌnyõ ho.

Luugithõõ 24:8

Ma ho, ittiha Mũũꞌtha biyyi hẽddẽẽma nẽ urwacanĩ eeta. Ma tarĩ ho, ĩĩnnĩk ĩhõõggõ, “Biyyi cĩg lõhõtaak cieegi, baag aarĩk Makayyioohiti hĩ ngagiit, hĩnĩngĩtĩ thooꞌthiok iccig vẽlẽk.”

1 Korinthia 11:25

Nẽ ꞌgõõla hõdẽẽthõng, ittiha nẽẽ hooppo cĩ viinoo nẽ ĩĩ, “Ĩĩn hooppo ciee cĩ lõhõt ꞌcĩ ĩĩn ngeju cĩ biyyi cĩgannĩg, ĩdĩmanit hatĩ gõõng thõõth icci, hatĩ ahuddu biyyi iccig, hátĩ ummuktaayyiaangu nganĩĩta.”

Kolooꞌthe 1:20

Nẽ baa accamana Nyekuci ngaatĩ aganĩthĩ hẽlẽggĩ vẽlẽk loota nĩnga hĩ hẽlẽggĩ cĩg hẽẽtkujjieen hoboddia hĩ ĩnõõnnõ. Baa adĩman nẽẽ ganõn icci biyyiẽẽtĩĩ cĩg Krĩstõ ĩĩ baag ẽrrẽnna hurucceea.

Ebereei 12:24

Nẽ iitiaau niig hĩ Yeesu ꞌcĩ ĩĩn jayyio ꞌcĩ õthõõthĩ lõhõt ꞌcĩ ĩĩn ngeju hõrggẽẽnaa cĩ Nyekuci hĩ eeta, hĩ biyyi ꞌcĩg urwacanni ꞌcĩg aꞌnyaha tũngẽẽnĩt cĩ ꞌthẽccaneetu, hõllõngaa aꞌnyaha oolo haauto hĩ biyyieeta baag Abeele.

Ebereei 8:9

Aitiõõ hatĩ lõhõt ciee hõllõngaa aaĩ hĩ baa hadaka naag hĩ hĩbaangĩ cĩggĩĩng baa haluuganĩĩ ĩhõõggõ Ijjiba, hikia hũtũbũra naa ĩhõõggõ, hĩnĩngĩtĩ baa hõllõngaa aꞌthũũnnĩ nẽẽg lõhõt caannĩ ho.

Ebereei 9:18

Ĩnõõ ꞌyioko baa aarĩhõõthĩkĩ lõhõt baa oou, hidticanõõ biyyiẽẽtĩĩ cĩg idiingak ko.

Ebereei 9:19

Urutaa baa itigiilihi Mũũꞌtha nyattalliook cĩg Nyekuci eet vẽlẽk, ikia ittiha nẽẽ biyyi cĩg maala hĩ cĩg ẽẽthak hĩ maam urwacanĩ ꞌbuuk cĩ nyattal cĩ Nyekuci hĩ eet buúk. Baa urwacaniini Mũũꞌtha cẽrẽm ꞌcĩ õlõõ hĩ bõllõõk.

Ebereei 9:21

ꞌGõõlaa nĩĩcĩ dioo, ikia urwacan Mũũꞌtha ꞌCieeth cĩ Nyekuci horrwaa ꞌcĩ õdõhõhĩĩ kak, hĩ hẽlẽggĩ vẽlẽk ꞌcĩg adticaniini paadĩrꞌnya laiitta.

1 Pẽẽtũrũ 1:19

Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.