Luugithõõ 24:4 - ꞌBuuk cĩ Thõõth cĩ Nyekuci

⁴ Ma ngaati ẽtẽhẽẽd Mũũꞌtha thooꞌthiok vẽlẽk baag aduha Makayyioohiti loota. Ma baa loohoth ꞌcĩ ꞌrĩĩng, ĩtĩnga nẽẽ ẽtẽhẽny nĩngĩtĩ ĩbboorini ꞌgaarrieeniti muura uruta nẽ adaeek biyyiẽẽn õmmõtõ hĩ ꞌramma ꞌcĩg ĩthakꞌthoothĩk habucieeꞌnya õmmõtõ hĩ ꞌramma cĩg Ĩꞌthĩraẽlĩ.

Luugithõõ 24:4 ပူးပေါင်းရင်းမြစ်များ

ꞌThianaattõ 12:7

Ma nĩngaata, uppwaannak Makayyioohiti Nyekuci Abũraamõ tarĩ nẽ ĩĩnnĩk ĩnõõnnõ, “Ĩĩn lõõcĩ ciee looc ꞌcĩ hatĩ haaꞌnyihi naa ngeeruni.” Ma nĩngaata, etehenyeek Abũraamõ Makayyioohit ꞌcĩ uppwaannak ĩnõõnnõ ho, nĩngĩtĩ ĩbbõõrĩkĩ Nyekuc ꞌgaarrieenit.

ꞌThianaattõ 28:18

Ma baa ngerrenita, ĩtĩnga Yakobo nẽ ittiha bẽẽ baa aruhaanĩ õõ adaeek hĩbĩl ꞌcũl nẽ udduuttik ngõõrrõ lokora, hátĩ hubuluth Nyekuc.

ꞌThianaattõ 28:22

Nẽ bẽẽ ciee hadaeehi naa hĩbĩl ngaati ho, ĩĩn hatĩ gõõng nĩngĩtĩ abulꞌthĩ eeta Nyekuc. Nẽ hẽlẽggẽẽnnĩ vẽlẽk ĩcĩg aaꞌnyaa nii nganĩĩta, hẽꞌngẽraakii hatĩ gõõng naa nganiit Nyekuc ꞌgiimwa ꞌcĩ abadtẽc.”

ꞌThianaattõ 31:45

Nĩngĩtĩ õdõngaanĩ Yakobo bẽẽ umwa nẽ adaeek hĩbĩl ꞌcũl, hátĩ hĩĩ terethiinit ꞌcĩ aalla ũdũt.

Luugithõõ 17:14

Ma ho, uduhaak Makayyioohiti Mũũꞌtha ĩĩnnĩk, “Tẽhẽẽd thõõth icci waragaawa hĩĩ ꞌgii ꞌcĩ hatĩ ammuhaannu nẽ dĩdĩ, aꞌnyĩĩk ꞌJooꞌthua hĩthĩk thõõth icci, hĩnĩngĩtĩ hacũda hatĩ naa eet cĩg Amalẽhĩ loota nĩnga hĩĩ dtĩng.”

Luugithõõ 17:15

Nĩngĩtĩ aku ẽhẽnytĩ Mũũꞌtha nĩngĩtĩ ĩbbõõrĩ ꞌgaarrieenit nẽ akateek ꞌthaar ꞌcĩg haĩ, “Aaꞌnya Makayyioohiti ꞌtirrian hĩllõõan mĩrõk.”

Luugithõõ 21:1

“Nyattalliook ꞌcĩg occa aaꞌnyihi nii eet hũnnẽẽcõ cieegi.

Luugithõõ 24:7

Ma ho, ittiha ꞌBuuk cĩ Lohoto nẽ itigiilik eet molooha cobbi. Ẽdẽcĩ eeta tarĩ anneek, “Hathĩkna hatĩ Makayyioohit nẽ hĩdĩmatta thõõth vẽlẽk ꞌcĩ aduha nẽẽnĩ.”

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

ꞌGalaaꞌthia 2:9

Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.

Terethiinit 21:14

Baa ẽhẽnytĩ dilat cĩ araanõ biyyiẽẽnĩĩ ꞌcĩg ĩĩn õmmõtõ hĩ ꞌramma. Nẽ baa eheedothoothĩk ꞌthaara cĩg ꞌthooyyiak cĩg Mĩꞌnyõõnak biyyiẽẽnĩĩ cĩg hõdẽĩ hõdẽĩ.