Luugithõõ 24:12 - ꞌBuuk cĩ Thõõth cĩ Nyekuci

¹² Ma nĩngaata, ĩĩnnĩk Makayyioohiti Mũũꞌtha, “Tõda muura hujjieen nẽ nõõ ikia aau ngaati hĩdĩhĩdĩĩc. Haaꞌnyii hatĩ naa nganiit biyyiẽẽn ꞌramma ꞌcĩg ꞌthabalĩg, ꞌcĩg baag heteheedĩha naa nyattalliook ꞌcĩg hatĩ allimaneehi eeta.”

Luugithõõ 24:12 ပူးပေါင်းရင်းမြစ်များ

Luugithõõ 19:3

Ma ho, õtõd Mũũꞌtha ũũk ĩĩcĩ aayyi Nyekuci, nĩngĩtĩ avvaanĩ Makayyioohiti ĩnõõnnõ muura nẽ ĩĩnnĩk, “Thõõth ꞌcĩ occa õkõ aduhaahi nii halang cĩ Yakobo hĩ eet cĩg Ĩꞌthĩraẽlĩ cieeni,

Luugithõõ 24:15

Ma baa õtõd Mũũꞌtha muur, ikia ũmmũlũũnyan loduruui muur,

Luugithõõ 24:18

Nĩngĩtĩ adukni Mũũꞌtha loduruuwatõõ hĩcĩ õtõd nẽẽ muura lokora. Nẽ aau muura nĩngaata, waathinniook hẽẽn ꞌwec hĩ baalinniook hẽẽn ꞌwec buúk.

Luugithõõ 24:2

Nẽẽthĩ, Mũũꞌtha dioo ꞌcĩ occa aku hikia hõbõktõ hĩ Makayyioohit. Adiim occa hõllõngaa au nyakangaaꞌnya buúk, hiita hõbõktõ hĩ Makayyioohit nẽ aitiõõ eeta ũgẽẽgĩ ꞌcĩg occa alahanoothĩk hiita hotoddia hĩ Mũũꞌtha hummuddioothĩk Makayyioohit muura lokora tõõ.”

Maatteeo 5:19

Má abũrĩ eet umwaa tilooinit ꞌcĩ hidici cĩ nyattaalõ nẽ illimaneek ꞌgõõnõgĩ ũgĩ buúk hũtũbũrĩt, auyyuung hatĩ eeta anneekuung, eet ꞌcĩg kidicig gẽrrẽẽt habuccieetaa cĩ hẽẽtkujjieen. Nẽẽthĩ, ẽẽtĩ ꞌcĩ ẽlẽmĩ nyattalliook cĩg Nyekuci nẽ illimaneek ꞌgõõnõgĩ, aũ hatĩ eeta ĩnõõnnõ anneek, eet cobbi habuccieetaa cĩ hẽẽtkujjieen.

2 Korinthia 3:3

Aattiyyu niig hĩ waraga ꞌcĩ ẽhẽẽd Krĩstõ nẽ haꞌnyaktaawa naaga. Hĩnĩngĩtĩ hõllõngaa eheedinnu niig ꞌgaalama, hode biyyiẽẽnĩĩ cĩg ꞌthabalĩg. Baa eheedĩk Lorii cĩ Nyekuc ꞌcĩ arũgĩ waraga icci ꞌthinneetinii cĩg eetuk.

2 Korinthia 3:7

Baa aku aꞌnyaha nyattalĩ cĩ Mũũꞌtha daahĩth, tananga baa eheeddi nyattalĩ ciee biyyiẽẽnĩ nẽ aaꞌnyĩhoothĩk eet cĩg Ĩꞌthĩraẽlĩ ꞌgõõlaa cĩ tiiri gẽrrẽẽt. Nẽ baa aalla nyattalĩ aaꞌnyĩk muum cĩ Mũũꞌtha hattaal gẽrrẽẽt haau hĩ kõrra, hiittiõõ eeta cĩg Ĩꞌthĩraẽlĩ hõllõngaa occa ẽbẽk ĩnõõnnõ, tananga baa ĩĩn ciee bulẽẽnĩt ꞌcĩ hatĩ aꞌnginoothi.

Ebereei 9:4

Aꞌnyak nĩngĩtĩ ciee altaarĩ ꞌcĩ ĩĩn ꞌdaab ꞌcĩ ĩwaadini mõhõõkacĩ nẽ aꞌnyak cadduk ꞌcĩ ĩĩn ꞌdaab cĩ lohoto. Nẽ cadduha ĩĩtõ, aꞌnyak hutuba ꞌcĩ ĩĩn ꞌdaab ꞌcĩ abbĩꞌthĩĩ ꞌgẽẽn ꞌcĩ haĩ manna, nẽ baa aaĩ hĩbahĩtĩ cĩ Arõõnẽ ꞌcĩ appuuha bõllõõk, nẽ aauto biyyiẽẽna cĩg lõhõtaak tõõ.