Luugithõõ 23:21 - ꞌBuuk cĩ Thõõth cĩ Nyekuci

²¹ Ĩthĩhĩt thõõth vẽlẽk ꞌcĩ aduha aajĩlõ jurrung, hĩnĩngĩtĩ haaꞌnyĩha naa ĩnõõnnõ makaaꞌthĩt nẽ hõllõngaa occa hatĩ ẽlẽmĩ nẽẽ eet ꞌcĩ ĩĩn ꞌloorriahit.

Luugithõõ 23:21 ပူးပေါင်းရင်းမြစ်များ

Luugithõõ 3:14

Anneek Nyekuci Mũũꞌtha, “NGANĨĨT ꞌCĨ HĨĨNĨ NGANĨĨTA. Thõõth ꞌcĩ hatĩ õkõ aduhaahi nii eet cĩg Ĩꞌthĩraẽlĩ ho cieeni, ‘NGANĨĨT ꞌcĩ ĩꞌthõõannaa nganĩĩt hikia hĩ ngagiit ko.’ ”

Luugithõõ 6:3

Baa huppwaannahi naa Abũrahaamõ hĩ Iꞌthaako hĩ Yakobo hĩ Nyekuci ꞌTirriannioohiti ꞌcĩ ĩllõõan vẽlẽk, ꞌthaarĩĩ cĩgannĩg ĩcĩg kaĩ Makayyioohit, baa nga heteretheek naa ĩhõõggõ ẽlẽ caannĩ.

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:38

Nẽẽthĩ, má hadĩmani naa thooꞌthiok ꞌcĩg adĩman Baaba, tananga hiittiõõ hõllõngaa ẽlẽmmaangu nganĩĩta, elemit ꞌthĩ nẽẽ thooꞌthiok ꞌcĩg ĩnaat eeta ho, hátĩ agaac ĩĩtõ, aaĩ Baaba hĩ nganĩĩta nẽ haau naa hĩ ĩnõõnnõ.”

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Eevvetho 4:30

Nẽ ma haaꞌnyiku Lori ꞌcĩ Ẽllẽẽmĩth cĩ Nyekuci hĩlĩĩlĩ, Lori baa amacaaraniinnu niig, hĩnĩngĩtĩ kõr ꞌcĩ hatĩ ooggiannu ꞌthẽccanẽẽtĩĩ cugguung.

Kolooꞌthe 2:9

Hĩnĩngĩtĩ aaĩ Nyekuci hũtũrũũr ẽllaa cĩ Krĩstõ.

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 3:16

Hĩ nganĩ baa ꞌcĩg ĩthĩhĩt molook cĩ Nyekuci nẽ ũtũbũrĩt ko? Hõllõngaa nooyyia eet baag aꞌnyaha Mũũꞌtha looccaa cĩ Ijjibi baag abũrĩ molook cĩ Nyekuci ho?

1 Yõaannẽ 5:16

Má acĩn lemmioohiti umwaa ꞌgõtõnĩ hode ngõõnĩ adĩman ꞌthẽccan ꞌcĩ occa hõllõngaa aꞌnyaha daahĩth, alayyiõõĩ ĩnõõnnõ, hátĩ haaꞌnyĩk Nyekuci eet tĩho rũgẽt ꞌcĩ aalla ooo. Nẽẽthĩ, aaĩ ꞌthẽccanĩ ꞌcĩ aꞌnyaha daahĩth nẽ hõllõngaa haini naa alayyiõõĩ eet ꞌcĩg adĩman ꞌthẽccan tĩho ho.

Terethiinit 1:8

Õthõõth Makayyioohiti Nyekuci aĩ, “Nganĩĩt ꞌcĩ hiꞌthianaanĩ nẽ hudtuura. Baa haalla haaĩ baangaani nẽ nga haalla noho nẽ hakuu hatĩ tarĩ. Nganĩĩt ꞌTirriannioohit ꞌcĩ hĩllõõani vẽlẽk.”

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.

Terethiinit 2:8

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu, ꞌtaaũnaa cĩ Thĩmĩrna. “Duhaak anneek, nyeemuut nicciaa ꞌcĩ aku hĩ eet ꞌcĩ baa iꞌthianaanĩ hẽlẽggĩ vẽlẽk nẽ udtuura. Baa adaaha nẽ ꞌyioko kõr icci ũrũga.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.