Luugithõõ 23:20 - ꞌBuuk cĩ Thõõth cĩ Nyekuci

²⁰ “Ĩcĩnĩt, hĩꞌthõõakuung naa aajĩlõ hutuaneekuung ngagiit nẽ hũꞌthũũttuung ngagiit ꞌgõõla, hátĩ haꞌnyahaauung looccaa ĩbaa hakũmaneekuung naa ngagiita.

Luugithõõ 23:20 ပူးပေါင်းရင်းမြစ်များ

ꞌThianaattõ 15:18

Nẽ ꞌgõõlẽẽ cĩ, iita adahit Makayyioohiti hĩ Abũraamõ lõhõt. Nĩngĩtĩ annẽẽkĩ Makayyioohiti Abũraamõ “Hẽlẽma naa ngaatĩ haaꞌnyĩkĩĩ lõhõlĩ cugunnig looc nicci vẽlẽk. Iꞌthianaanĩ hatĩ lokoorriaa cĩ Ijjibi ĩꞌthõng hõdõlan hidioo cobbi cĩ Euvaratẽthĩ,

ꞌThianaattõ 24:40

“Ẽdẽcĩ nẽẽ aĩ, ‘Gõõng hathihi naa Makayyioohit hõdõõkõthĩ, ĩꞌthõõakii hatĩ nẽẽ aajĩlõ cĩnnĩ hikia hẽtẽrẽthaahi bũhẽẽc cĩ loholeec caannĩ ittioonniohĩĩ ĩcĩg nyakangaan caannĩ.

ꞌThianaattõ 24:7

Baa Makayyioohit Nyekuc cĩ hẽẽtkujjieen ꞌcĩ aaꞌnya nganĩĩt hũtũngeek looc cĩ baaba hĩ ittioonniok cĩgannĩg ko. Ĩꞌthõõakii hatĩ nẽẽ aajĩlõ cĩnnĩ hikia heteretheehi ngaa cĩ loholeec caannĩ ĩĩca. Hĩnĩngĩtĩ baa abũtaneeka nẽẽ aĩ, ‘Haaꞌnyihi hatĩ looc icci lõhõlĩ cugunnig.’

ꞌThianaattõ 48:16

hĩ Aajĩlõ baa ẽẽlannaa nganĩĩt thooꞌthiohĩ ĩĩcĩg abathĩ vẽlẽk, haggatan buul iccig. Aꞌnyĩĩk ꞌthaar cĩgannĩg hĩ cĩg hĩbaangĩ cĩgannĩg Abũrahaamõ hĩ Iꞌthaako haallattia hĩ ĩhõõggõ. Aꞌnyĩĩk Nyekuc hĩbbaan ĩhõõggõ lõhõlĩ ꞌcĩg mẽẽlĩg loota nĩnga.”

Luugithõõ 14:19

Ma nĩngaata, ikia aajĩlõ cĩ Nyekuci ꞌcĩ baa uwwattẽẽkĩ athegereeꞌnya cĩg Ĩꞌthĩraẽlĩ, õbõdõõthĩ nẽ ũũk ũnũa ĩhõõggõ uruta. Baa uwwattĩ loduruui ꞌcĩ aaĩ hĩ uuro ho buúk õkõ ĩĩcĩ oou.

Luugithõõ 15:16

Adhukiaak hatĩ ĩhõõggõ barriti cobbiẽẽnĩ. ꞌTirriaanaa cĩ aꞌthiit cunni, emmeethĩk hatĩ nẽẽg hĩ bẽẽ, ĩꞌthõng hallacattĩ eeta cugunnẽẽgĩ Makayyioohit, ĩꞌthõng hallacattĩ eeta baag ũũta niina.

Luugithõõ 15:17

Aaꞌnyihi hatĩ nii eet cugunnig hõlõmanit muuraa ꞌcĩ aayyi niina, ngaatĩ ẽhẽnytĩ nii õlõ cunni Makayyioohit, nĩngĩtĩ aayyi niina, baa ẽhẽnyta nii athĩnĩĩ cugunnig.

Luugithõõ 23:23

Uwwatteekuung hatĩ ngagiit aajĩlõ caannĩ ĩĩcĩ oou nẽ aꞌnyahaauung looccaa cĩ Amõõrĩ hĩ ĩĩcĩ Hiiti hĩ ĩĩcĩ Peri hĩ ĩĩcĩ Kanaanĩ hĩ ĩĩcĩ Hiivvi hĩ ĩĩcĩ ꞌJeebu nẽ hacũda hatĩ naa ĩhõõggõ hĩĩ lõõcĩ ꞌthĩĩ.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Yõaannẽ 14:3

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.