Luugithõõ 23:15 - ꞌBuuk cĩ Thõõth cĩ Nyekuci

¹⁵ “Adahit nõõ Karrama cĩ Ũbũnẽẽt ꞌcĩg aitiõõ Abũũlana tõõ. Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũrkĩramma, hĩ baa haduhaakuung naa ngagiita. Adahit karrama icci korrioohĩĩ ꞌcĩg eberriaa nyĩlõõhaa cĩ Abiibi, hĩnĩngĩtĩ ĩĩn kõr baa aluugannu niig Ijjiba niccia. “Aitiõõ ẽẽtĩ ꞌcĩ occa aku uppwaanna muumaa caannĩ haaga, hiꞌthihi ꞌbaninit tõõ.

Luugithõõ 23:15 ပူးပေါင်းရင်းမြစ်များ

Luugithõõ 12:2

“Ĩĩn nyĩlõhĩ ciee hĩ ngagiit nyĩlõk ꞌcĩ oou cĩ irkit cunuung.

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 13:4

Kõr icci, nyĩlõõhaa cĩ Abiibi uluugtu niiga.

Luugithõõ 22:29

“Occa hõllõngaa agunyuꞌthu niig ꞌgiimwa, hatĩ aaꞌnyaangu nganĩĩt ꞌbaaninit cĩ haal cugguung hĩ mẽrtĩ cunuung. “Adiim aaꞌnyaangu niig nganĩĩt lõhõlĩ cugguung ꞌcĩg maacĩg ꞌcĩg arrittiaa ĩĩcĩ oou.

Maarko 14:12

Ma baa iꞌthianaanĩ kõrra ꞌcĩ oou cĩ Karrama cĩ Ũbũnẽẽt ꞌcĩg aitiõõ Abũũlana tõõ ho, iita ibboorito eeta ꞌgaarriẽẽn cĩg mĩꞌnyõ cĩg Kõr cĩ Haangittõõ. Ma ho, ijinit nuyyiooha Yeesu ĩĩttĩk, “Adiimmeet nii ngagĩĩt hoottia hũkũmatteeha nĩngĩtĩ adahĩ Karrama cĩ Haangittõõ ho ngaana?”

ꞌLuuka 2:41

Irkiꞌnyiaannĩ vẽlẽk, baa gõõng õõ maaꞌnyĩ Yeesu hĩ aattĩnnĩ ꞌJeruꞌthalẽma Kõrraa cĩ Haangittõõ.

ꞌLuuka 22:7

Ma baa õdõlan Kõrra cĩ Ũbũnẽẽt ꞌcĩg aitiõõ Abũũlana tõõ hĩ kõr ꞌcĩ ĩbboorini mĩꞌnyõõn ꞌcĩ ĩĩn ꞌgaarrieenit cĩ Kõr cĩ Haangittõõ,

Dtiicanĩ cĩg ꞌThooyyiahu 12:3

Ma baa adtuuha Ẽrõõdẽ ngaatĩ accamanaanĩ eeta cĩg ꞌJudeei thõõth icci ho, ũũk aggam Pẽẽtũrũ buúk. Baa aluba thõõth ciee Karramaawaa cĩ Ũbũnẽẽt ꞌcĩg aitiõõ Abũũlana tõõ.