Luugithõõ 23:1 - ꞌBuuk cĩ Thõõth cĩ Nyekuci

¹ “Ma haduhaahi eet nyeemuꞌnya ꞌcĩg ĩĩn õlõng. Ma heeli eet ꞌcĩ abathĩ ngaatĩ ĩĩnnĩ hebereec cĩ thõõth ꞌcĩ hõllõngaa ĩĩn dĩdĩ.

Luugithõõ 23:1 ပူးပေါင်းရင်းမြစ်များ

ꞌThianaattõ 39:17

Ma baa uppwaanna maac cĩnnĩ ho, ikia uduhaak ĩĩnnĩk, “Aaĩ occa gõõng appahaca aa nunni ĩĩn Ebereeinit ngaati hutuno? Aku ngaati noho nẽ idiim aara hĩĩ ngaa cĩnnĩ.

Luugithõõ 20:16

Ma haddangaahi eet ꞌcĩ aaronnu.

Luugithõõ 23:7

Ma haddangaahi eet umwa thõõthaa ꞌcĩ ĩĩn õlõng. Ma hetteedihi eet ꞌcĩ ammĩrĩ daahĩth, hĩnĩngĩtĩ nga huduha naa eet ꞌcĩ ĩĩn nyeꞌtheccioohit hĩĩ ammĩrĩ.

Maatteeo 19:18

Ẽdẽcĩ ẽẽtĩ nicciee Yeesu anneek, “Tilooinit iina?” Ẽdẽcĩ Yeesu ĩnõõnnõ anneek, “Ma haruhi, ma hattihi ngaa cĩ eet umwa, ma hĩgõrꞌthĩ, ma haduha õlõng lokihooa,

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

ꞌLuuka 3:14

Nĩngĩtĩ au ajini athegereeꞌnya ũgẽẽgĩ buúk ĩnõõnnõ annẽẽkĩ, “Ma naag hĩdĩmatta hutuno?” Ẽdẽcĩ nẽẽ ĩhõõggõ anneek, “Ma harratanaannu eet ꞌrabbẽẽta, hode ma haꞌngaaꞌnyu eet umwa haaga. Aꞌnyĩĩk hũũppattuung ꞌrabbẽẽta ꞌcĩg adaku nyĩlõhẽẽnnĩ ho dioo.”

Yõaannẽ 7:51

“Aĩ nooyyia nyattalĩ cĩnaac occa hetteedĩk eet umwa thõõth haaga, hatĩ nga hĩthĩhĩt thooꞌthiok ꞌcĩg ẽꞌthẽcan nẽẽ ho buúk?”

ꞌRooma 3:8

Ongomĩtteet eeta ũgẽẽgĩ ngagĩĩt õõlõng aĩ haĩnna naag, “Hĩdĩmanit thõõth ꞌcĩ abathĩ, hátĩ hummuddiaaĩ thõõth ꞌcĩ abũnnaa!” Nẽẽthĩ, abũnnaa Nyekuci, uuk ꞌthẽk hatĩ nẽẽ ĩhõõggõ thooꞌthiohĩĩ cĩggĩĩng ko buúk.

Eevvetho 4:25

Ma nga hoolongeeku ꞌgoonogu, iꞌthiattaaĩ uduktaak ĩhõõggõ thõõth ꞌcĩ ĩĩn dĩdĩ, hĩnĩngĩtĩ hĩĩgĩn naag ũbũtĩ cĩ ẽlẽ hõdẽẽthõng.

2 Timotteeo 3:3

Aitiõõ ĩhõõggõ mĩnnanĩ tõõ, hõllõngaa ammaannĩk eet ꞌcĩg adĩman ĩhõõggõ ꞌbuth, ẽmẽddaanĩ ngaatĩ õꞌngõmtĩ ꞌgõõnõgĩ, hõllõngaa aꞌthũũnnĩ eleeti cĩggĩĩng, ĩĩn tongororriaak nẽ ũtũbũrĩt thooꞌthiok vẽlẽk ꞌcĩg abũnnaa.

1 Pẽẽtũrũ 3:16

Attacanit ĩhõõggõ ꞌthinneetinii ꞌcĩg alalĩ nẽ aanytĩk muhẽẽnĩt cĩ ꞌthinneeti cugguung hĩĩ tẽlla. Má othooꞌthuung eeta ꞌbuth, aggam hatĩ ĩhõõggõ ngaaoni hatĩ acĩn rũgẽt cunuung ꞌcĩ abũnnaa, hĩnĩngĩtĩ iiginnu niig cĩg Krĩstõ.

Terethiinit 12:10

Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.