Luugithõõ 22:28 - ꞌBuuk cĩ Thõõth cĩ Nyekuci

²⁸ “Ma hothooꞌthu Nyekuc ꞌbuth hode othooꞌthu makayyiook cĩg eet cugguung ꞌbuth.

Luugithõõ 22:28 ပူးပေါင်းရင်းမြစ်များ

Luugithõõ 13:12

aanytĩk Makayyioohit lõhõlĩ ꞌcĩg arrittiaa ĩĩcĩ oou. Ĩĩn hẽlẽggĩ ꞌcĩg arrittiaa ĩĩcĩ oou ꞌcĩg maacĩg cĩg Makayyiooktak.

Luugithõõ 13:2

“Aanytaangu nganĩĩt lõhõlĩ ꞌcĩg arrittiaa ĩĩcĩ oou eetinii cĩg Ĩꞌthĩraẽlĩ. Lohollia ꞌcĩg au arrittiaa ĩĩcĩ oou, hode maala hĩ mĩꞌnyõ vẽlẽk ꞌcĩg au arrittiaa ĩĩcĩ oou, ĩĩn cĩgannĩg.”

Luugithõõ 21:17

“Ẽẽtĩ ꞌcĩ õdõõm maaꞌnyĩ hode aattĩnnĩ, occa aruhi nẽẽ hadaak.

Luugithõõ 23:16

“ꞌRamma cĩnnĩ, adahit Karrama cĩ Janiitto hatĩ aꞌnyahaakaangu nganĩĩt haal ꞌcĩg ajanaannu manẽẽnĩĩ cugguung. “Adahit Karrama ꞌcĩ ẽdẽcaaku janiinit hatĩ edeccia nyĩlõhĩ cĩ janiitto, hatĩ ajattaau haal vẽlẽk manẽẽnĩĩ cugguung.

Luugithõõ 23:19

“Hĩcĩ ajannu niig manẽẽn cugguung, aꞌnyakta haal ꞌcĩg abbiiri jurrung ꞌcĩg ajanaannu ĩĩcĩ oou, ꞌCieethaa cĩ Makayyioohit Nyekuc cunuung. “Ma haaku mĩꞌnyõõn cĩ eetho iriaanĩ cĩg aattĩnnĩ.

Dtiicanĩ cĩg ꞌThooyyiahu 23:3

Nĩngĩtĩ annẽẽkĩ Paaulo ĩnõõnnõ, “Atabaaꞌngi hatĩ Nyekuci nganiit buúk, ꞌcĩ aaĩ hĩ dilat ꞌcĩ arrũũbĩ doobaa ꞌcĩ õõrĩ ho! Iccioloongani nĩngaata ĩꞌthõng nẽ etteedĩhaa nganĩĩt thõõth nyattaalaa cĩ Mũũꞌtha, ĩko nẽẽ ẽꞌthẽcani nii nyattal ngaatĩ aduhaakĩ eet hatabangta nganĩĩta!”

Dtiicanĩ cĩg ꞌThooyyiahu 23:5

Ẽdẽcĩ Paaulo aĩ, “ꞌGotoonoga, iyyia mĩĩ hõllõngaa haga ngaatĩ ĩĩnnĩ nẽẽ paadĩr cobbi, hĩnĩngĩtĩ eheeddi ꞌBuuhaa cĩ Nyekuci aĩ, ‘Ma hothoothi makayyioohit cĩ eet cugunnig ꞌbuth.’ ”

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.

2 Pẽẽtũrũ 2:10

Ĩĩn thõõth ciee thõõth ꞌcĩ ĩĩn dĩdĩ, eetinii ꞌcĩg anũ thooꞌthiok ꞌcĩg abũraneek nẽẽg ꞌcĩg abathĩ nẽ odoomito eet ꞌcĩg ĩĩn makayyiook cĩggĩĩng. Aꞌthĩlan nẽẽg nẽ ĩthĩngõõnyanita, nẽ hõllõngaa iꞌngolli ngaatĩ accĩĩnĩ aajĩlẽẽt cĩg hẽẽtkujjieen.

ꞌJuud 1:8

Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci.