Luugithõõ 22:10 - ꞌBuuk cĩ Thõõth cĩ Nyekuci

¹⁰ “Má iroraneek ẽẽtĩ umwaa eet ꞌcĩ aarõõ olĩ hode aꞌtheet hode hẽlẽggĩ ũgĩ cĩgĩnnĩg hũtũhaeek nẽ adaak hode appũũthĩ hode ammanyanni haaga nẽ hõllõngaa adtuuha ẽẽtĩ umwaa buúk,

Luugithõõ 22:10 ပူးပေါင်းရင်းမြစ်များ

ꞌThianaattõ 39:8

Abũrĩ hinnia Yothebo thõõth nicci nĩngĩtĩ ẽdẽcĩ ngaa nicci annẽẽkĩ, “Hattiha occa gõõng ꞌthĩnĩt ꞌcĩ occa hadĩmanĩĩ thõõth ꞌcĩ aaĩ noho ho ngaana?

Luugithõõ 22:11

aꞌnyĩĩk eet ꞌcĩ iroranoothĩk hẽlẽggĩ ho, hũbũtan muumaa cĩ Makayyiookto. Má ũmmũda Makayyioohiti ĩnõõnnõ ngaatĩ ammĩrrĩ, aꞌnyĩĩk baattĩ taꞌngõõ hẽlẽm thõõth icci nẽ iittiõõ hõllõngaa adiim dũman.

Luugithõõ 22:9

Ma aruhõõnĩ eeta ꞌramma olĩ hode thigir hode aꞌtheet hode cẽrẽm hode ꞌthẽk ijjioonit ꞌcĩ aꞌnginoothi, aĩ eet umwaa cĩnnĩ nẽ tarĩ ĩĩ umwaa buúk cĩnnĩ. Má aaĩ hoti, aanytĩk eet iccig vẽlẽk hiita muumaa cĩ Nyekuci nẽ ẽẽtĩ ꞌcĩ aduha Nyekuci aĩ ĩĩn nyeꞌtheccioohit, adũman hatĩ nẽẽ baattĩ ꞌgii tĩho tabattĩ ꞌramma.

ꞌLuuka 12:48

Nẽẽthĩ, dticciannioohiti ꞌcĩ hõllõngaa aga dtiic ꞌcĩ occa adtican nẽ ĩdĩman hẽlẽggĩ ꞌcĩg occa uukẽnĩ, uuki hatĩ nẽẽ hĩdĩĩc haaga. Ẽẽtĩ ꞌcĩ aaꞌnyĩk Nyekuci ꞌgii ꞌcĩ maka, adiim hatĩ Nyekuci ꞌgii ꞌcĩ maka buúk hĩ ĩnõõnnõ. Nẽ ẽẽtĩ ꞌcĩ aaꞌnyĩk Nyekuci hẽlẽggĩ ꞌcĩg mẽẽlĩg gẽrrẽẽt, adiim hatĩ Nyekuci hẽlẽggĩ ꞌcĩg mẽẽlĩg gẽrrẽẽt buúk hĩ ĩnõõnnõ.

ꞌLuuka 16:11

Má hõllõngaa aꞌthuunnu niig baliinit cĩ looc nicci, nganĩ thĩ hatĩ ꞌcĩ aaꞌnyuung uꞌthuutti baliinit ꞌcĩ ĩĩn dĩdĩ ho?

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.