Luugithõõ 21:20 - ꞌBuuk cĩ Thõõth cĩ Nyekuci

²⁰ “Má õhõda ẽẽtĩ appahaca cĩnnĩ ꞌcĩ maacĩ hode ꞌcĩ ngayyi ꞌthĩĩkta hadaak nĩĩcĩ noho, occa uuki ẽẽtĩ tĩho thõng,

Luugithõõ 21:20 ပူးပေါင်းရင်းမြစ်များ

ꞌThianaattõ 4:15

Ẽdẽcĩ Makayyioohiti Kaiino anneek, “Aitiõõ, má uruhi ẽẽtĩ umwaanĩ, huuki hatĩ naa eet tĩho buúk tabattĩ tũrkĩramma hĩllõõan ukẽẽnĩt cunni ho.” Nĩngĩtĩ aarĩkĩ Makayyioohiti Nyekuci nyamacaar ẽllaa cĩ Kaiino, hátĩ hiittiõõ hõllõngaa aruk eet umwaa ĩnõõnnõ hatĩ õmmõtõõ.

ꞌThianaattõ 4:24

Má aruhi eeta tũrkĩramma, hĩnĩngĩtĩ daahĩth cĩ Kaiino, aruhi hatĩ eeta hẽẽn tũrkĩramma hĩ tũrkĩramma, hĩnĩngĩtĩ daahĩth cĩ Lamẽhĩ.”

ꞌThianaattõ 9:6

“Ma aruk eet umwaa ꞌgõõnĩ, aruk hatĩ eet tĩho buúk ẽẽtĩ umwaanĩ; hĩnĩngĩtĩ baa ẽhẽnyta Nyekuci eet haau hĩ nẽẽnĩ.

Luugithõõ 21:19

aitiõõ hatĩ ẽẽtĩ ꞌcĩ ĩdda ꞌgõõnĩ ho, hõllõngaa ẽhẽẽl thõõth icci, hatĩ ĩĩ mẽẽn ꞌgoonnia nẽ uduhuna hõtõ battaala nẽ õtõhõmĩ hĩbahĩta. Nẽẽthĩ, adiim adũman ẽẽtĩ ꞌcĩ ĩdda ꞌgõõnĩ ho, korriook ꞌcĩg atanaaniini nẽẽ ho, ĩꞌthõng hudtuuha ꞌgõõnĩ ngaatĩ abũnnayyĩ jurrung.

Luugithõõ 21:21

nẽẽthĩ, occa hõllõngaa uuki ẽẽtĩ, hatĩ ikia ũbũna appahaca urutaa cĩ waathĩn hõdẽĩ hode urutaa cĩ waathinniook ꞌramma, hĩnĩngĩtĩ ĩĩn appahaca ciee cĩnnĩ.

ꞌRooma 13:4

Hĩnĩngĩtĩ ĩĩn makayyiooha dticcianniook cĩg Nyekuci ꞌcĩg eelluung ngagiita. Nẽẽthĩ, má ẽꞌthẽcannu niig thooꞌthiok, itingolli ĩhõõggõ, hĩnĩngĩtĩ aꞌnyak nẽẽg makaaꞌthĩt ꞌcĩ occa uukuung ngagiita. Ĩĩn nẽẽg dticccianniook cĩg Nyekuci, ꞌcĩg occa uuk eet hetereꞌthia lilii cĩ Nyekuci.