Luugithõõ 20:24 - ꞌBuuk cĩ Thõõth cĩ Nyekuci

²⁴ “ ‘Etehenyteehaangu nganĩĩt nĩngĩtĩ ĩbboorĩkaangu ꞌgaarrieenit dooba nẽ ĩbboorrihaangu ꞌgaarriẽẽn cugguung, ꞌgaarriẽẽn ꞌcĩg ĩwaaddu hĩĩ ꞌbaaninit nẽ ĩĩtõ ꞌgaarriẽẽn ꞌcĩg ĩĩn ꞌbaaninit cĩ ganõõnõ. Ĩbboorit aꞌtha hĩ ẽẽtha hĩ tĩĩn cugguung. Etehenyit nĩngĩtĩ ĩbboorini ꞌgaarrieeniti, hátĩ ma hidiima naa ꞌthaar cĩgannĩg hummukta eeta, halluuccia loota nẽ hikia haggatanuung ngagiita.

Luugithõõ 20:24 ပူးပေါင်းရင်းမြစ်များ

ꞌThianaattõ 12:2

“Hõkõ hatĩ haaꞌnyii naa nganiit lõhõlĩ ꞌcĩg mẽẽlĩg ꞌrĩng ꞌcĩg hatĩ õlõman looc cobbi gẽrrẽẽt. Haggatannii hatĩ naa nganiit nẽ haaꞌnyĩha ꞌthaar cugunnig hubulli, hátĩ haggatattĩ eeta vẽlẽk, hĩnĩngĩtĩ nganiita.

Luugithõõ 10:25

Ẽdẽcĩ hinnia Mũũꞌtha habu cĩ Ijjibi ho anneek, “Abũnnaa alahaneekeet nii ngagĩĩt hoottia hibboorriha ꞌgaarriẽẽn Makayyioohit Nyekuc cĩnaang.

Luugithõõ 18:12

Ma nĩngaata, ittiha ꞌJeꞌthoro hõmõnẽẽcĩ cĩ Mũũꞌtha, ꞌbaaninit ꞌcĩ ĩwaaddi hĩ ꞌgaarriẽẽn ũgĩ nẽ aaꞌnyĩk Nyekuc, nĩngĩtĩ au aduhi Arõõnẽ hĩ makayyiook cĩg eet cĩg Ĩꞌthĩraẽlĩ, ũbũnẽẽt hõdẽĩ hĩ homoneec cĩ Mũũꞌtha hẽbẽrẽẽnnĩĩ cĩg Nyekuci.

Luugithõõ 20:25

Má ehenyteekaangu nganĩĩt nĩngĩtĩ ĩbboorĩkaangu ꞌgaarriẽẽn biyyiẽẽnĩ, ma hacciꞌthu biyyiẽẽn dtoongwẽẽtĩ, hĩnĩngĩtĩ ẽꞌthẽcannu hinnia hatĩ nĩngĩtĩ ꞌboorittõõ.

Luugithõõ 24:4

Ma ngaati ẽtẽhẽẽd Mũũꞌtha thooꞌthiok vẽlẽk baag aduha Makayyioohiti loota. Ma baa loohoth ꞌcĩ ꞌrĩĩng, ĩtĩnga nẽẽ ẽtẽhẽny nĩngĩtĩ ĩbboorini ꞌgaarrieeniti muura uruta nẽ adaeek biyyiẽẽn õmmõtõ hĩ ꞌramma ꞌcĩg ĩthakꞌthoothĩk habucieeꞌnya õmmõtõ hĩ ꞌramma cĩg Ĩꞌthĩraẽlĩ.

Luugithõõ 24:5

Ma nĩngaata, ĩꞌthõ nẽẽ nyahaappanĩt ũgĩ cĩg Ĩꞌthĩraẽlĩ hõõt haanytĩk Makayyioohit ꞌgaarriẽẽn ꞌcĩg ĩwaaddi nẽ ibboorrik olĩꞌnya hĩĩtõ ꞌgaarriẽẽn ꞌcĩg agaõõnĩ eeta hĩ Nyekuc.

Maatteeo 18:20

Hĩnĩngĩtĩ má alũtĩ eeta ꞌramma hode iyyio ngaatĩ hõdẽẽthõng ꞌthaarĩĩ cĩgannĩg, haaĩ naa hõrggẽẽnaa cĩnĩĩng.”

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

1 Timotteeo 2:8

Hadiimi naa eet ꞌcĩg maacĩg loonyini vẽlẽk, halayyio hodongit athĩn cĩggĩĩng ꞌcĩg ẽllẽẽmĩth ꞌjieena, hiittiõõ liilii hode pẽkanĩ tõõ.