Luugithõõ 20:17 - ꞌBuuk cĩ Thõõth cĩ Nyekuci

¹⁷ Ma habũraneehi ꞌcieeth cĩ eet ꞌcĩ aaronnu. Ma habũraneehi ngaa cĩ eet ꞌcĩ aaronnu hode dticciannioohit cĩnnĩ ꞌcĩ maacĩ hode ꞌcĩ ngayyi hode olĩ cĩnnĩ hode thigir cĩnnĩ hode ꞌthẽk ꞌgiimwa cĩ eet ꞌcĩ aaronnu.”

Luugithõõ 20:17 ပူးပေါင်းရင်းမြစ်များ

ꞌThianaattõ 14:23

hõllõngaa occa helemi ngaatĩ hõkõõĩ ꞌgiimwa cunni ũdũt, tananga ꞌloorong hode lõhamũceec cĩ caawacõ haaga, hátĩ hiittiõõ hõllõngaa aini, ‘Nganĩĩt ꞌcĩ haaꞌnyihi Abũraamõ habalõ ho.’

ꞌThianaattõ 3:6

Nĩngĩtĩ acĩnĩ ngaa ngaatĩ ẽllẽẽmmĩ hẽẽt ngaatĩ hacĩnĩ hĩ ngaatĩ haduhi nẽ tarĩ ummuk ngaatĩ occa ẽggẽẽꞌnyĩ haau hĩ Nyekuci. Ma ho, ũdũũca hẽẽt nẽ uduha nẽ ẽꞌngẽraak maac cĩnnĩ umwa huduk nĩngĩtĩ aduhi.

ꞌThianaattõ 34:23

Ma hĩdĩmanit hoti, hõllõngaa occa hatĩ au ĩĩn hẽlẽggĩ cĩggĩĩng vẽlẽk cĩggaac? Helemit thõõth cĩnĩĩng ko nẽ hũrũmtĩ hĩ ĩhõõggõ hõdẽĩ.”

Maatteeo 20:15

Hõllõngaa haꞌnyahi naa makaaꞌthĩt ꞌcĩ hadĩmanĩĩ thõõth ꞌcĩ hadiimi ꞌrabbẽẽtĩĩ cĩgannĩg? Hode iinani nii thõõth ꞌcĩ hẽẽlĩ naa eet iccig ko?’

Maatteeo 5:28

Nẽ haduhaakuung dĩdĩ, ẽẽtĩ ꞌcĩ abũraneek ngaa umwa, ittik nẽẽ ngaa tĩho ꞌthĩnĩtatõõ cĩnnĩ ẽlẽk.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 16:14

Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

Dtiicanĩ cĩg ꞌThooyyiahu 20:33

Nga hũbũraneek maccĩrẽẽn hode ceremwa cĩg eet umwa ũdũt.

Dtiicanĩ cĩg ꞌThooyyiahu 5:4

Ĩĩn cieeg ijjio cugunnig aa nga tũũõĩ. Nẽ ma urutaa ꞌcĩ ũtũũõĩ ẽlẽk, nga ĩĩn ꞌrabbẽẽta buúk cugunnig? Nẽ neegi ꞌcĩ aaꞌnyi nganiit dĩman thõõth ꞌcĩ aaĩ hoti ho? Hõllõngaa iggooli nii eeta, iggooli Nyekuc.”

ꞌRooma 13:9

Hĩnĩngĩtĩ tilooiniti ꞌcĩ aĩ, “Ma hattihi ngaa cĩ eet umwa, ma haruhi, ma hĩgõrꞌthĩ, ma habũraneehi ꞌgii cĩ eet umwa,” nẽ tilooiniti ciee hĩ ũgĩ vẽlẽk, arummiaa tilooittaa ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”

ꞌRooma 7:7

Hõthõõth occa ꞌyioko hatĩ naag nyattal haĩ ne? Haĩ ĩĩn nyattalĩ ꞌthẽccan? Aitiõõ ũdũt! Nẽ dĩdĩ occa baa nga haga naa ne ꞌcĩ haĩ ꞌthẽccan ko, hiittiõõ nyattalĩ tõõ. Hĩnĩngĩtĩ occa baa nga haga thõõth ꞌcĩ haĩ bũraneehinit ko hiittiõõ nyattalĩ ngaatĩ aĩnnĩ, “Ma habũraneehi ꞌgii cĩ eet umwa.”

1 Korinthia 6:10

hode igorriaaha hode lobolobbiaaha hode duuttiaha hode oloꞌngiaaha, hõllõngaa aduhun habuccieet cĩ Nyekuci.

Eevvetho 5:3

Ma haaꞌnyiku thooꞌthiok ꞌcĩg ĩĩn ꞌriiring hẽdẽẽnyta hõrggẽẽnaa cunuung hode ainnu ngaam ngaam, hĩnĩngĩtĩ ĩĩn cieeg thooꞌthiok ꞌcĩg abathĩ ꞌcĩg occa hõllõngaa adĩman eeta ꞌcĩg ẽllẽẽmĩth cĩg Nyekuci.

Eevvetho 5:5

Hĩnĩngĩtĩ thooꞌthiok iccig agaac jurrung ĩĩtõ, aitiõõ ẽẽtĩ ꞌcĩ adĩman hẽlẽggĩ ꞌcĩg ĩĩn ꞌriiring hode ẽẽtĩ ꞌcĩ aĩ ngaam ngaam, hõllõngaa hatĩ arigith ꞌgiimwa habuccieetaa cĩ Krĩstõ hĩ ĩcĩ Nyekuci, hĩnĩngĩtĩ ala eet ꞌcĩ aaĩ hoti, hẽlẽggĩ ꞌcĩg aar eeta hĩĩtõ nyekuꞌnya.

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

Ebereei 13:5

Ma haangallu ꞌrabbẽẽtĩ, aaꞌnyĩk ꞌrabbẽẽt ꞌcĩg abadtẽc ꞌcĩg aꞌnyaku hũũppattuunga. Hĩnĩngĩtĩ baa aĩ Nyekuci ꞌBuuhaa cĩnnĩ, “Hõllõngaa hatĩ halahaneekuung nẽ hudhuheehuung tuu.”