Luugithõõ 20:14 - ꞌBuuk cĩ Thõõth cĩ Nyekuci

¹⁴ Ma hattihi ngaa cĩ eet umwa.

Luugithõõ 20:14 ပူးပေါင်းရင်းမြစ်များ

ꞌThianaattõ 39:9

Haga ngaatĩ ũũnnĩka baattĩ olu makaaꞌthĩt ꞌcĩ haggamĩ ꞌgii vẽlẽk cĩ õlõ icci, nẽẽthĩ hinnia, nga haaꞌnya makaaꞌthĩt cĩ occa hooginni hĩ nganiita. Hõllõngaa occa hadĩmani thõõth ꞌcĩ aaĩ hoti, hĩnĩngĩtĩ ĩĩn ꞌthẽccan hĩ Nyekuc.”

Maatteeo 19:18

Ẽdẽcĩ ẽẽtĩ nicciee Yeesu anneek, “Tilooinit iina?” Ẽdẽcĩ Yeesu ĩnõõnnõ anneek, “Ma haruhi, ma hattihi ngaa cĩ eet umwa, ma hĩgõrꞌthĩ, ma haduha õlõng lokihooa,

ꞌRooma 13:9

Hĩnĩngĩtĩ tilooiniti ꞌcĩ aĩ, “Ma hattihi ngaa cĩ eet umwa, ma haruhi, ma hĩgõrꞌthĩ, ma habũraneehi ꞌgii cĩ eet umwa,” nẽ tilooiniti ciee hĩ ũgĩ vẽlẽk, arummiaa tilooittaa ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

ꞌJeemith 2:11

Hĩnĩngĩtĩ Nyekuc ꞌcĩ aduha aĩ, “Ma hattihi ngaa cĩ eet umwa,” nẽ tarĩ ĩĩ, “Ma haruhi.” Má hõllõngaa attihi ngaa cĩ eeto, nẽ uruhu eet, nga ꞌthẽk ẽꞌthẽcannu nyattal noho.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

Terethiinit 21:8

Haduhaakii hatĩ naa ꞌgii ꞌcĩ edeeꞌnyiak eet ꞌcĩg ĩĩn teelliak hĩ eet ꞌcĩg hõllõngaa ẽlẽmĩ thõõth caannĩ hĩ ꞌthẽccanniook hĩ eet ꞌcĩg aruk ꞌgõõnõgĩ hĩ eet ꞌcĩg adĩman thooꞌthiok ꞌcĩg ĩĩn ꞌriiring, hĩ ꞌcĩg adtican thooꞌthiok cĩg ngaritu hĩ eet ꞌcĩg ala hẽlẽggĩ ꞌcĩg aar eeta hĩĩtõ nyekuꞌnya hĩ oloꞌngiaak vẽlẽk. Adhuhoothĩk hatĩ nẽẽg ꞌgelemit cĩ ꞌgwoo ꞌcĩ aalla ooo. Nẽẽthĩ, ĩĩn niccia daahĩth ꞌcĩ ĩĩn ꞌramma.”