13 Ma haruhi.
“Ẽẽtĩ ꞌcĩ aruhõõ hĩ ꞌgõõnĩ nẽ uruk ĩnõõnnõ hadaak, adiim occa aruhi nẽẽ buúk hadaak.
Nẽẽthĩ, má aruk ẽẽtĩ eet lohoroor, uduhutti ĩnõõnnõ battaala ngaatĩ ĩbboorini ꞌgaarrieeniti caannĩ nẽ uruktu hadaak.
“Má õhõda ẽẽtĩ appahaca cĩnnĩ ꞌcĩ maacĩ hode ꞌcĩ ngayyi ꞌthĩĩkta hadaak nĩĩcĩ noho, occa uuki ẽẽtĩ tĩho thõng,
Nẽẽthĩ, ma gõõng atturi olĩ nẽ uduktaak eeta baattĩ ollo hẽcẽb olĩ thõng nẽ hõllõngaa ẽcẽb ĩꞌthõng huttur eet hode ngaa hadaak, ohoddia olĩ nicci hĩ maaꞌnyĩ vẽlẽk hadaahito.
Ma haddangaahi eet umwa thõõthaa ꞌcĩ ĩĩn õlõng. Ma hetteedihi eet ꞌcĩ ammĩrĩ daahĩth, hĩnĩngĩtĩ nga huduha naa eet ꞌcĩ ĩĩn nyeꞌtheccioohit hĩĩ ammĩrĩ.
Ẽdẽcĩ ẽẽtĩ nicciee Yeesu anneek, “Tilooinit iina?” Ẽdẽcĩ Yeesu ĩnõõnnõ anneek, “Ma haruhi, ma hattihi ngaa cĩ eet umwa, ma hĩgõrꞌthĩ, ma haduha õlõng lokihooa,
Aga nii tilooinit ꞌcĩ aĩ, ma haruhi, ma hattihi ngaa cĩ eet umwa, ma hĩgõrꞌthĩ, ma haddangaahi, ma higgooli, tingõlĩ maaꞌnyu hĩ ngaanu?”
Hõllõngaa aga nii tilooinit ꞌcĩ aĩ, ‘Ma hattihi ngaa cĩ eet umwa, ma haruhi, ma hĩgõrꞌthĩ, ma haddangaahi, tingõlĩ maaꞌnyu hĩ ngaanu!’ ”
Tõjõhõ heggerenyeek Paaulo ꞌgaalac cĩ baabuutho ho hĩĩnnĩk, “Ẽlẽ ma haruhi ẽlẽ cunni haaga! Aitiõõ ẽẽtĩ ꞌcĩ avvir ngaati thõng tõõ.”
Ma baa acĩn maajihi lootu ngaatĩ atĩttĩĩranõõthĩkĩ hũkaat attiaa cĩ Paaulo ho, õtõngõmtõõ ĩĩtõ, “Aruk gõõng ẽẽtĩ ciee eeta, tananga baa avvũran bũlũcatõõ, aruk hatĩ ĩnõõnnõ buúk eet ꞌcĩ ẽttẽẽd thooꞌthiok.”
Hĩnĩngĩtĩ tilooiniti ꞌcĩ aĩ, “Ma hattihi ngaa cĩ eet umwa, ma haruhi, ma hĩgõrꞌthĩ, ma habũraneehi ꞌgii cĩ eet umwa,” nẽ tilooiniti ciee hĩ ũgĩ vẽlẽk, arummiaa tilooittaa ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”
iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.
Nẽ haaga naag tarĩ haĩ, hõllõngaa ẽhẽnytaa nyattalĩ hĩĩ cĩ eet ꞌcĩg abũnnaa, ẽhẽnytaa hĩĩ cĩ eet ꞌcĩg abũrĩ nyattal hĩ eet ꞌcĩg ĩĩn ꞌloorriak hĩ eet ꞌcĩg hõllõngaa aga Nyekuc nẽ ẽꞌthẽcan thooꞌthiok, aruk eet tahatak, tananga maajihi hode ngaaggi.
Hĩnĩngĩtĩ Nyekuc ꞌcĩ aduha aĩ, “Ma hattihi ngaa cĩ eet umwa,” nẽ tarĩ ĩĩ, “Ma haruhi.” Má hõllõngaa attihi ngaa cĩ eeto, nẽ uruhu eet, nga ꞌthẽk ẽꞌthẽcannu nyattal noho.
hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.
