Luugithõõ 2:24 - ꞌBuuk cĩ Thõõth cĩ Nyekuci

²⁴ Ma ho, ĩthĩk Nyekuci ulwa cĩnĩĩng nẽ ummuhunõõthĩ lõhõt baa adak nẽẽ hĩ Abũrahaamõ hĩ Iꞌthaako hĩ Yakobo.

Luugithõõ 2:24 ပူးပေါင်းရင်းမြစ်များ

ꞌThianaattõ 15:13

Nĩngĩtĩ annẽẽkĩ Makayyioohiti ĩnõõnnõ, “Gaooth thĩ ngaatĩ au hatĩ õlõmanĩ lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

ꞌThianaattõ 16:11

Ma ho, uduhaak aajĩlõ cĩ Makayyiookto ĩnõõnnõ tarĩ ĩĩnnĩk, “Adiddingi ꞌyioko niina, ũũkca hatĩ loholeec ꞌcĩ maacĩ. Kateek hatĩ ĩnõõnnõ ꞌthaar ꞌcĩg haĩ Ĩthĩmaĩl, hĩnĩngĩtĩ ĩthĩk Makayyioohiti ꞌcannani cunni.

ꞌThianaattõ 17:7

Haꞌthũũnnĩ hatĩ naa lõhõt ꞌcĩ hadak hĩ nganiit ko, ĩꞌthõng hõdõlan lõhõlĩ cĩg lõhõlĩ cugunnig vẽlẽk irkiꞌnyia hĩ irkiꞌnyia. Hĩĩnĩ hatĩ naa Nyekuc cunni hĩ cĩ lõhõlĩ cugunnig urutaa cunni buúk.

ꞌThianaattõ 18:18

Aku hatĩ Abũrahamĩ ĩĩn baattĩ loonyin ꞌcĩg aꞌthĩlan nẽ ubulli gẽrrẽẽt. Haggatani hatĩ naa eet loonyini vẽlẽk, hĩnĩngĩtĩ ĩnõõnnõ.

ꞌThianaattõ 22:16

tarĩ ĩĩnnĩk, “Habũtani ꞌthaarĩĩ cĩgannĩg, nganĩĩt Makayyioohit ꞌcĩ hothoothi ho, haggatannii hatĩ naa nganiit gẽrrẽẽt, hĩnĩngĩtĩ thõõth ꞌcĩ ẽlẽmaaka loholeec cunni ꞌcĩ odoyyii ho.

ꞌThianaattõ 26:2

Ma ho, uppwaannak Makayyioohiti Nyekuci Iꞌthaako nẽẽ ĩĩnnĩk, “Ma hõkõ Ijjiba, au looccaa ꞌcĩ hanneekii naa avvi ho.

ꞌThianaattõ 26:24

Ma baalin niccia, ũũk uppwaannak Makayyioohiti Nyekuci ĩnõõnnõ nẽ ĩĩnnĩk, “Hĩĩnĩ naa Nyekuc cĩ maaconu Abũrahaamõ. Ma hiteelli, haꞌthuunni hatĩ naa nganiit nẽ haggataniina nẽ haaꞌnyii lõhõlĩ ꞌcĩg mẽẽlĩg, hĩnĩngĩtĩ thõõth baa haduhaahi naa dticciannioohit caannĩ Abũrahaamõ.”

ꞌThianaattõ 26:3

Au nõõ looccaa cĩ hĩdĩhĩdĩĩc. Haꞌthuunni hatĩ naa nganiit nẽ haggataniina. Haaꞌnyii hatĩ naa nganiit hĩ lõhõlĩ cugunnig vẽlẽk looc icci nẽ hũꞌthũũtĩ thõõth baa habũtaneehi naa maaꞌnyu Abũrahaamõ.

ꞌThianaattõ 32:28

Ẽdẽcĩ ẽẽtĩ nicciee ĩnõõnnõ tarĩ anneek, “Iittiõõ hatĩ hõllõngaa hainni nganiit Yakobo tarĩ. Hiitti hatĩ nganiit Ĩꞌthĩraẽl, hĩnĩngĩtĩ anyamanuu nii Nyekuc hĩ eet vẽlẽk.”

ꞌThianaattõ 35:11

Nẽ ĩĩnnĩk Nyekuci ĩnõõnnõ tarĩ, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. ꞌTira lõhõlĩ ꞌcĩg mẽẽlĩg. Au hatĩ eeta cĩg looc nicci vẽlẽk lõhõlẽẽnĩĩ cugunnig nẽ au hatĩ ĩĩn lohollia cugunnig ũgẽẽgĩ habuẽẽt ꞌcĩg obbitig.

ꞌThianaattõ 35:12

Haaꞌnyii hatĩ naa nganiit looc baa hippotaneehi naa Abũrahaamõ hĩ Iꞌthaako nẽ tarĩ hatĩ haaꞌnyĩha lõhõlĩ cugunnig buúk urutaa cunni.”

ꞌThianaattõ 8:1

Baa ammuha Nyekuci Nõõa hĩ eet cĩg õlõ cĩnnĩ hĩ idiꞌngwa baag aꞌngĩdeek nẽẽ haahũlatõõ vẽlẽk waathinnioohĩĩ baag ammũlũũnyanĩ tawanĩ looc, nĩngĩtĩ aaꞌnyĩkĩ ngõõt huuhan looc hõdõhõk.

Luugithõõ 6:5

Nẽ tarĩ hĩthĩha ꞌcannan hĩ tamaati cĩ eet cĩg Ĩꞌthĩraẽlĩ, ꞌcĩ ꞌyioko aarĩ eeta cĩg Ijjibi ĩhõõggõ hĩĩtõ appahacaaꞌnya, nĩngĩtĩ ꞌyioko hammuhõõꞌthĩ lõhõt baalannĩ.

Dtiicanĩ cĩg ꞌThooyyiahu 7:34

Hĩcĩna naa pĩĩrnanĩt ꞌcĩ accananiini eeta cĩgannĩg Ijjiba. Hĩthĩha ulwa cĩnĩĩng nẽ ꞌyioko hikia loota hikia hõõga ĩhõõggõ. Nẽẽthĩ ꞌyioko, ijjia hĩꞌthooii bodooth Ijjiba.’