Luugithõõ 2:15 - ꞌBuuk cĩ Thõõth cĩ Nyekuci

¹⁵ Ma baa athĩhĩ habuui cĩ Ijjibi thõõth icci ho, idiim uruk nẽẽ Mũũꞌtha, nĩngĩtĩ avvirẽẽkĩ Mũũꞌtha habu cĩ Ijjibi nẽ ũũk aau looccaa cĩ Midianĩ, ngaatĩ baa õkõ iccioloonganĩ loota wetaneeca.

Luugithõõ 2:15 ပူးပေါင်းရင်းမြစ်များ

ꞌThianaattõ 24:11

Ma baa iggiingi kõrra, hĩgõõng õõt ngaaĩ hidiowwa, ikia õdõlan nẽẽ wĩĩtaneec umwa ꞌcĩ õbõhõõ hĩ ꞌtaaũn, nĩngĩtĩ aaꞌnyĩkĩ nyaakaalnya hiyyiomanit wĩĩtaneeca lõmẽrra.

ꞌThianaattõ 25:2

nẽ iita ittirria nẽẽg lõhõlĩ ꞌcĩg maacĩg tõrkõnõn ꞌcĩg haĩ ꞌthaarriok cĩggĩĩng, ꞌThimiran hĩ ꞌJõkthan hĩ Medan hĩ Midian hĩ Ithbak hĩ ꞌThũa.

ꞌThianaattõ 25:4

Nẽ baa ĩĩn lohollia cĩg Midianĩ ꞌtur, ꞌcĩg haĩ Ẽẽppa hĩ Ẽppẽr hĩ Hanok hĩ Abida hĩ Eldaa. Baa lõhõlĩ cĩg Ketura vẽlẽk cieegi.

ꞌThianaattõ 29:2

Ma hĩdĩĩkoothong, udtuuha wĩĩtaneec umwa hĩ nyalõmaarwa iyyio cĩg aꞌthaannu hĩ ẽẽtha ꞌcĩg ẽẽlĩ ngadiiha nĩngaata, hĩnĩngĩtĩ baa eelĩk eeta hẽlẽggĩ wĩĩtaneecaa tĩho. Baa nga aꞌnyũũgĩ wĩĩtanẽẽcĩ biyyiaa ꞌcĩ ꞌthabalĩ.

Luugithõõ 18:4

Nẽ hĩĩtõ ngeerĩnĩ umwa Eliether, hĩnĩngĩtĩ baa aĩ Mũũꞌtha, “Ĩĩn Nyekuci cĩ baaba ellioohit caannĩ, ẽẽlawaa nẽẽ nganĩĩt nyetubootaa ꞌcĩ adiim ẽꞌngẽdĩtta habuui cĩ Ijjibi.”

Luugithõõ 4:19

Nẽẽthĩ ꞌyioko, baa aduhaak Makayyioohiti Mũũꞌtha Midiana anneek, “Bodooth Ijjiba, hĩnĩngĩtĩ adaahito eeta vẽlẽk baag adiim aruki nganiita.”

Maatteeo 10:23

Ma adĩmannuung eeta ꞌbuth ngaamwaanĩ, ũtũngteek nĩngĩtĩho nẽ ivvirru oottu ngaatĩ ꞌrĩĩng. Haduhaakuunga, hõllõngaa hatĩ ẽdẽcaaku ngaatĩ ooyyu ꞌtaaũnnioohĩĩ cĩg Ĩꞌthĩraẽlĩ vẽlẽk, õõaa ꞌcĩ nga hikiaaĩ Ngeertĩ Eeto.

Yõaannẽ 4:6

Baa aaĩ wĩĩtanẽẽcĩ cĩ Yakobo nĩngaata, nĩngĩtĩ aku iyyiomanĩ Yeesu wĩĩtaneeca nĩĩca, hĩnĩngĩtĩ baa ĩppĩĩra nẽẽ weet ꞌcĩ õvvõõĩ, baa aau kõrra lokora.

Dtiicanĩ cĩg ꞌThooyyiahu 7:29

Nganĩngĩtĩ athĩknĩ Mũũꞌtha thõõth icci ho, ikia ukul ũũk ĩĩcĩ Midianĩ, ngaatĩ baa õkõ ĩĩnnĩ eet cĩ looc cĩrrĩĩng nẽ ũũk ũꞌthũwanõõ haꞌnyak buul ꞌramma.

Ebereei 11:27

Hĩnĩngĩtĩ lemiinit cĩnnĩ, ikia ũtũngeek Mũũꞌtha Ijjib. Baa adtuuha Mũũꞌtha Nyekuc ꞌcĩ hõllõngaa edeeꞌnyia nẽ hõllõngaa iꞌngolli liilii cĩ habuuo.