Luugithõõ 19:9 - ꞌBuuk cĩ Thõõth cĩ Nyekuci

⁹ Ma ho, uduhaak Makayyioohiti Mũũꞌtha tarĩ ĩĩnnĩk, “Hõkõ hatĩ hakuu naa hĩ nganiit loduruatõõ cobbi gẽrrẽẽt, hátĩ hĩthĩhĩt eeta ngaatĩ hõthõõthõnĩ naag hĩ nganiit nẽ hatĩ gõõng aarrik nẽẽg lemiinit cĩnĩĩng hĩ nganiita.” Nĩngĩtĩ aduhaakĩ Mũũꞌtha Makayyioohit thõõth ꞌcĩ baa aduha eeta.

Luugithõõ 19:9 ပူးပေါင်းရင်းမြစ်များ

Luugithõõ 14:31

Ma baa acĩn eeta cĩg Ĩꞌthĩraẽlĩ ꞌtirrian cobbi ꞌcĩ uuki Makayyioohiti eet cĩg Ijjibi ho, iita itingolli nẽẽg Makayyioohit nẽ aarrik ꞌthinneeti cĩggĩĩng hĩ ĩnõõnnõ hĩ Mũũꞌtha dticciannioohit cĩnnĩ buúk.

Luugithõõ 19:16

Ma baa loohoth cĩ kõr ꞌcĩ ĩĩn iyyio, ikia ammad lõõcĩ nẽ ĩccaaõ habath dtẽc nẽ edeeꞌnyia loduruui muura hujjieen nẽ ẽggẽrẽny tũũrĩ hĩdĩĩtĩ lõõcĩ pĩd. Nĩngĩtĩ abarti eeta tuggẽẽtĩ tõõ habath lõõcĩ dtẽc.

Luugithõõ 20:21

Baa abĩllaa eeta ꞌrẽẽna, baa nga aduhun Mũũꞌtha muguratõõ ꞌcĩ holittup ĩcĩ aayyi Nyekuci.

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Luugithõõ 4:5

Ma nĩngaata, ĩĩ Makayyioohiti, “Dĩman terethiinit icci, hátĩ helemti eeta nganiit hĩĩtõ, ĩko baa uppwaannahii nganiit Makayyioohiti Nyekuci cĩ maajihi cĩggĩĩng dĩdĩ, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.”

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maarko 9:7

Ma ho, uppwaanna diith ꞌcĩ aku ammũlũũnyan ĩhõõggõ nẽ ĩthĩhĩt molook umwa diithatõõ ꞌcĩ õthõõth aĩ, “Loholeec caannĩ ꞌcĩ hamĩna cieeni, ĩthĩhĩt ĩnõõnnõ!”

ꞌLuuka 10:16

Ma ho, uduhaak Yeesu nuyyiook cĩgĩnnĩg ĩĩnnĩk, “Ẽẽtĩ ꞌcĩ athiknuung ngagiita, athĩkna nganĩĩt buúk. Nẽ ẽẽtĩ ꞌcĩ aburruung ngagiita, abũrra nganĩĩt buúk. Nẽ ẽẽtĩ ꞌcĩ abũrra nganĩĩta, abũrĩ eet baa ĩꞌthõõannaa nganĩĩt buúk.”

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.