Luugithõõ 19:5 - ꞌBuuk cĩ Thõõth cĩ Nyekuci

⁵ Nẽẽthĩ ꞌyioko, má athĩknaangu nganĩĩt jurrung nẽ uꞌthuuttu lõhõt caannĩ, iiginnu hatĩ eet cĩgannĩg dẽẽdẽ eetini vẽlẽk. Hĩnĩngĩtĩ, ĩĩn lõõcĩ vẽlẽk caannĩ,

Luugithõõ 19:5 ပူးပေါင်းရင်းမြစ်များ

ꞌThianaattõ 17:9

Nĩngĩtĩ annẽẽkĩ Nyekuci Abũrahaamõ, “ꞌThũũtĩ nii buúk lõhõt cĩnaac ko jurrung nẽ tarĩ aaꞌnyĩhuu lõhõlĩ cugunnig buúk hĩ lõhõlĩ ꞌcĩg hatĩ au urutaa cĩnĩĩng vẽlẽk, huꞌthuutti lõhõt icci ũdũt.

Luugithõõ 15:26

Nẽ ĩĩnnĩk Nyekuci ĩhõõggõ, “Má athiknu niig molook cĩ Makayyioohit Nyekuc cunuung jurrung nẽ ĩdĩmattu thõõth ꞌcĩ ĩĩn dĩdĩ hẽbẽrẽẽnnĩĩ cĩgĩnnĩg nẽ má anuyyu niig tilooinit cĩnnĩ nẽ uꞌthuuttu nyattalliook cĩgĩnnĩg, hõllõngaa hatĩ haꞌnyahaakuung mooriꞌthiook baag haꞌnyahaahi naa eet cĩg Ijjibi, hĩnĩngĩtĩ hĩĩnĩ naa Makayyioohit ꞌcĩ haaꞌnyuung ngagiit ũbũttaath.”

Luugithõõ 23:22

Nẽẽthĩ, má anuyyu niig thõõth ꞌcĩ aduha aajĩlõ ho jurrung, nẽ ĩdĩmattu thooꞌthiok vẽlẽk ꞌcĩg haduha naana, hĩĩnĩ hatĩ naa mirohit cĩ mĩrõk cugguung nẽ haburreehi hatĩ naa eet ꞌcĩg aburreekuung ngagiita.

Luugithõõ 24:7

Ma ho, ittiha ꞌBuuk cĩ Lohoto nẽ itigiilik eet molooha cobbi. Ẽdẽcĩ eeta tarĩ anneek, “Hathĩkna hatĩ Makayyioohit nẽ hĩdĩmatta thõõth vẽlẽk ꞌcĩ aduha nẽẽnĩ.”

Luugithõõ 6:7

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Luugithõõ 8:22

“ ‘Nẽẽthĩ kõr niccia, huunnihi hatĩ naa looc cĩ ꞌGõcẽnĩ, nĩngĩtĩ aattiyyi eeta cĩgannẽẽgĩ, aitiõõ hatĩ hĩrõnga ĩĩca tõõ, nẽẽthĩ hatĩ agayyu ngaatĩ haayyi naa Makayyioohiti looccaa cĩ.

Luugithõõ 9:29

Ẽdẽcĩ Mũũꞌtha habu anneek, “Ma hũtũngeeha naa ꞌtaaũn, hõkõ hatĩ hodongeehi Makayyioohit athĩn cĩgannĩg nẽ halawa. Abĩlĩ hatĩ madĩĩthĩ cĩ tammwo nẽ iittiõõ tammu cĩ telleenu ho tõõ, hátĩ gaa nii ngaatĩ ĩĩnnĩ lõõcĩ vẽlẽk cĩ Makayyiookto.

1 Korinthia 10:26

Hĩnĩngĩtĩ eheeddi ꞌBuuhaa cĩ Nyekuci aĩ, “Ĩĩn lõõcĩ hĩ hẽlẽggĩ vẽlẽk ꞌcĩg aattĩg loota nĩnga cĩg Makayyiooktak.”

1 Korinthia 10:28

Nẽẽthĩ, má iinnihii eet umwaa, “Iding ꞌcĩ baa ĩbboorothoothĩk nyekuc ꞌcĩ hõllõngaa ĩĩn dĩdĩ cieeni,” ma thĩ hadahi, hátĩ ẽla ẽlẽ cunni hĩ eet ꞌcĩ aduhaaki ho buúk.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 8:9

Aitiõõ hatĩ lõhõt ciee hõllõngaa aaĩ hĩ baa hadaka naag hĩ hĩbaangĩ cĩggĩĩng baa haluuganĩĩ ĩhõõggõ Ijjiba, hikia hũtũbũra naa ĩhõõggõ, hĩnĩngĩtĩ baa hõllõngaa aꞌthũũnnĩ nẽẽg lõhõt caannĩ ho.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.