Luugithõõ 19:2 - ꞌBuuk cĩ Thõõth cĩ Nyekuci

² Nẽ tarĩ urutaa ꞌcĩ ũtũngtẽẽhĩ eeta cĩg Ĩꞌthĩraẽlĩ ꞌRevidim, iita uduhunit horu ꞌcĩ õdõhõhĩĩ kak cĩ ꞌThĩnaĩ nẽ etteedito tuggẽẽt muura uruta nĩngaata.

Luugithõõ 19:2 ပူးပေါင်းရင်းမြစ်များ

Luugithõõ 17:1

Baa ikia ũtũngeek lothippiti cĩ eet cĩg Ĩꞌthĩraẽlĩ horu ꞌcĩ ꞌThĩnĩ nẽ õtõõcõ lõkõrẽẽt vẽlẽk hĩ baa aduha Makayyioohiti. Baa ẽttẽẽd nẽẽg tuggẽẽt cĩggĩĩng ngaatĩ haĩ ꞌRevidim, nẽẽthĩ hinnia, baa hiꞌthihi maam ꞌcĩg occa ahũd eeta.

Luugithõõ 17:8

Ma ho, iita urukto eeta cĩg Amalẽhĩ hĩ eet cĩg Ĩꞌthĩraẽlĩ ꞌRevidima.

Luugithõõ 18:5

Ma ho, ookorria ꞌJeꞌthoro hõmõnẽẽcĩ cĩ Mũũꞌtha hĩ ngaa cĩ Mũũꞌtha lõhõlẽẽnĩ noho, hiita hĩcĩnĩt Mũũꞌtha horrwaa ꞌcĩ õdõhõhĩĩ kak, ngaatĩ baa ẽttẽẽdĩ Mũũꞌtha tuggẽẽt ngaatĩ õbõhõõ hĩ muur cĩ Nyekuci.

Luugithõõ 3:1

Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.

Luugithõõ 3:12

Nẽ ĩĩnnĩk Nyekuci ĩnõõnnõ, “Haaĩ hatĩ naa hĩ nganiita. Nẽ ĩĩn hatĩ ciee terethiinit hĩ nganiit ꞌcĩ ẽtẽrꞌtha aĩ, nganĩĩt ꞌcĩ hĩꞌthooyyii nganiita. Ma ũũk uluugaĩĩ nii eet looccaa cĩ Ijjibi, auunnu hatĩ alayyu Nyekuc muuraa cĩ.”

Dtiicanĩ cĩg ꞌThooyyiahu 7:30

“Ma baa allacattĩ irkiꞌnyia hẽẽn ꞌwec, uppwaannak aajĩlõ Mũũꞌtha ꞌgwoyyiaa ꞌcĩ aaĩ hĩcĩ atũũth tumuth horrwatõõ ꞌcĩ õdõhõhĩĩ kak, ngaatĩ õbõhõõ hĩ Muur cĩ ꞌThĩnaĩ.

Dtiicanĩ cĩg ꞌThooyyiahu 7:38

Nĩngĩtĩ aꞌnyahaanĩ Mũũꞌtha eet cĩggaac ngaatĩ hõdẽẽthõng horrwatõõ ꞌcĩ õdõhõhĩĩ kak nẽ õthõõthak aajĩlõ ĩnõõnnõ Muuraa cĩ ꞌThĩnaĩ. Ma nĩngaata, iita aanytĩhoothĩk Mũũꞌtha thooꞌthioha cĩg rũgẽtaak, hũtũngeekeet ngagĩĩta.

ꞌGalaaꞌthia 4:24

Eterꞌtheekeet thõõth cĩ ngaaĩ ꞌcĩg ĩĩn ꞌramma ho, lõhõtnya ꞌramma cĩg Nyekuci. Ĩthakꞌthoothĩk Hagaarĩ ngaa baa ĩĩn appahaca Muur cĩ ꞌThĩnaĩ, nga baa au ĩĩnĩ eeta appahacaaꞌnya cĩg nyattal cĩ Mũũꞌtha ĩĩcĩ oou.