Luugithõõ 19:18 - ꞌBuuk cĩ Thõõth cĩ Nyekuci

¹⁸ Baa ammũt Muur cĩ ꞌThĩnaĩ ho bũrrẽtĩ, hĩnĩngĩtĩ baa alluuccia Makayyioohiti haau hĩ ꞌgwaa. Baa aburrut bũrrẽtĩ haau hĩ gõõng akannĩ eeta looc ꞌgwoo nẽ õtõmõ muur ꞌbuth,

Luugithõõ 19:18 ပူးပေါင်းရင်းမြစ်များ

ꞌThianaattõ 11:5

Ma ho, ulluuccia Makayyioohiti Nyekuci loota hikia hĩcĩn ꞌtaaũn hĩ ꞌcieeth ꞌcĩ uuni ꞌcĩ ẽhẽnyĩt eeta niccieeg ko,

ꞌThianaattõ 15:17

Ma baa ĩĩ baalin lõõcĩ, adtuuha hinnia Abũraamõ ijjio ꞌcĩ aꞌnyak ꞌgwoo ꞌcĩ aburrut nẽ tarĩ udtuuha lanyit ꞌcĩ aaĩ hĩ ꞌcĩ attũllĩ ẽẽtĩ looc arteetta, ngaatĩ ẽttẽẽdĩ hõrggẽẽnaa cĩ idiꞌngwa baag appak nẽẽ ho.

ꞌThianaattõ 19:28

Ma baa acĩnoothi nẽẽ unak cĩ ꞌThõõdõmĩ hĩ cĩ ꞌGõmõõra ho, adtuuhothi hinnia bũrrẽt cobbi gẽrrẽẽt ĩꞌngaanna loota haau hĩ bũrrẽtĩ ꞌcĩ atũũth mõrõ.

Luugithõõ 19:13

Ohoddia eet ꞌcĩ ẽttẽẽd lõkõõrĩ hode ĩccaac lĩꞌthaanĩtĩ nẽ ma hahummu ĩnõõnnõ. Tananga ĩĩn eet hode ꞌgii ꞌcĩ aballi õlõ, hõllõngaa occa ũũnnothoothĩk hũrũg.’ Occa õtõd eeta muur hatĩ adtahĩ illieeri ꞌcĩ adĩmanniaa ottoonaa cĩ merkeco diooni.”

Luugithõõ 19:17

Ma nĩngaata, uduhunaaĩ Mũũꞌtha eet tuggẽẽtĩ tõõ battaala nẽ ũũhĩ ĩhõõggõ hõõt homottio hĩ Nyekuc nẽ õõt ĩbĩlĩt eeta muura uruta.

Luugithõõ 20:18

Ma baa adtuuha eeta madĩĩth nẽ ĩthĩhĩt ꞌgerenyi cĩ tammwo nẽ ĩthĩhĩt tũũrĩ nẽ tarĩ udtuukta bũrrẽt muura hujjieen ko, iita abarritit nẽẽg tẽẽlꞌthĩta, nĩngĩtĩ abĩllaanĩ ꞌrẽẽna,

Luugithõõ 24:17

Nẽ hĩ eet cĩg Ĩꞌthĩraẽlĩ, baa edeeꞌnyia bulẽẽnĩtĩ cĩ Makayyiookto muura lokora aaĩ hĩ ꞌgwaa ꞌcĩ atũũthĩ thõng.

Luugithõõ 3:2

Ma nĩngaata, uppwaannak aajĩlõ cĩ Makayyiookto Mũũꞌtha ꞌgwoyyiaa ꞌcĩ atũũth tumuth umwa. Baa adtuuha nẽẽ ꞌgwoo ngaatĩ aggamĩ tumuth nẽ hinnia hõllõngaa atũũthĩ buúk.

Maatteeo 24:7

Aruhõõ hatĩ loonyina hĩ loonyin nẽ urukto habuccieeꞌnya hĩ habuccieeꞌnya. Aku hatĩ nyarõnĩ nẽ õmmõõnnĩ hatĩ hirihidtihi looc loonyinii ꞌcĩg mẽẽlĩg.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

Ebereei 12:18

Nga iita niig ngaatĩ aaĩ hĩ muur ꞌcĩ ꞌThĩnaĩ, ꞌcĩ occa hacĩn nẽ huhumita. Aitiõõ ꞌgwaa ꞌcĩ alanyĩt hode diith ꞌcĩ ĩĩn muguur hode ngõõtĩ ꞌcĩ attiran,

Ebereei 12:26

Ma baa õthõõth Nyekuci ĩĩcĩ oou, baa õmmõõnnĩ mõlõõhĩ cĩnnĩ looc diooni. Nẽ ꞌyioko aduha nẽẽ aĩ, “Hõmmõõnnĩ hatĩ looc hĩ hẽẽtkujjieen vẽlẽk.”

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

Terethiinit 15:8

Ma ngaati, ũmmũlũũnyan bũrrẽtĩ ꞌCieeth cĩ Nyekuci, ꞌcĩ aku bulẽẽtta hĩ ꞌtirrianaa cĩ Nyekuci. Nẽ baa aitiõõ ẽẽtĩ ꞌcĩ aduhun ꞌCieeth cĩ Nyekuci ho tõõ, ĩꞌthõng hedecciaak aajĩlẽẽta ꞌcĩg ĩĩn tũkĩramma ho, ngaatĩ uumurẽẽkĩ ꞌthereeni ꞌcĩg ĩĩn tũkĩramma ho, battaala ꞌCieethaa cĩ Nyekuci.

Terethiinit 9:2

Ma baa abbuuk nẽẽ hattũũg cĩ ꞌlook nicci ho, aluba bũrrẽtĩ umwaa cobbi gẽrrẽẽt ꞌcĩ aaĩ hĩ gõõng atũũthĩ mõrõ cobbi nẽ ikia ũtũhũ bũrrẽtĩ kõr hĩ ngõõt hĩĩtõ muguur.